陀槍師姐2021

《陀槍師姐2021》梁雪湄陳四喜復出無期 疫下扮獨遊泰國4個月

最新娛聞

廣告

當年憑豐滿身材成為無綫「電波少女」的梁雪湄,在《陀槍師姐》飾演的「陳四喜」入晒屋,09年離開無綫後絕跡幕前,早前她公開表明有意復出拍劇,不過去年無綫開拍的《陀槍師姐2021》都係冇佢份。43歲的梁雪湄擁童顏巨乳,近年轉型做美容生意兼旅遊達人,被指進化到與黎姿撞樣,去年10月她飛泰國進行16日15夜的隔離,然後盡情享受陽光與海灘,即使留在酒店隔離,都無時無刻晒身材。梁雪湄無懼疫情遊勻整個泰國,至今已達4個月,中部、泰北、泰南及多個島嶼都去過,她幾乎每天都把泰國之旅的行程與靚相放上微博,最詭異是全程都是她自己一人,同行旅伴從沒有出鏡,非常神秘。

撰文:東方新地 圖片:梁雪湄IG圖片、劇集影片截圖

陀槍師姐2021 梁雪湄
現年43歲的梁雪湄,廿幾年來完全唔識老,現正身處泰國享受陽光與海灘。
陀槍師姐2021 有網民在梁雪湄的IG留言,覺得她很似黎姿。
有網民在梁雪湄的IG留言,覺得她很似黎姿。
陀槍師姐2021 梁雪湄
今時今日的梁雪湄被指個樣愈變愈靚,睇番廿年前的舊照,身材依然十年如一日。

梁雪湄冇得做陳四喜

43歲梁雪湄自09年離開無綫之後,鮮有在幕前演出,無綫新劇《陀槍師姐2021》上月尾正式煞科,未知幾時正式出街已經好有話題,不過主演陣容就令人好失望,因為除了滕麗名回歸飾演「陳三元」,還有朱咪咪、黃美棋繼續分別以「二妹姐」同「莎莎」身份登場,其他角色與前作幾乎無關係,令好多觀眾都覺得唔完美,因為陳家始終未齊腳,「陳小生」歐陽震華、「陳四喜」梁雪湄和「陳五福」姚樂怡統統都沒有份參演,當中超過十年冇拍過劇,「電波少女」出身的梁雪湄明明之前公開講過自己非常想復出拍劇,不過無綫方面都無搵她。

陀槍師姐2021 梁雪湄
無綫再拍《陀槍師姐2021》,不再原班人馬參演,只有滕麗名飾演的「陳三元」與朱咪咪飾演的「二妹姐」有得留企,滕麗名兩個阿妹「陳四喜」(梁雪湄)同「陳五福」(姚樂怡)都冇被邀請歸隊。
陀槍師姐2021 梁雪湄
《陀槍師姐》第一輯是97年開拍,當年只有廿歲出頭的梁雪湄,是無綫力捧的小花之一。
陀槍師姐2021 梁雪湄
網民大讚梁雪湄與當年在《陀槍師姐》中的陳四喜一樣咁sweet。
陀槍師姐2021 梁雪湄
梁雪湄親自回覆網民,表示自己非常掛念陳四喜這個角色。

梁雪湄禁足酒店房

劇無得拍,被指逆齡生長的梁雪湄繼續做生意人同旅遊達人,本來因疫情影響,大半年無得出埠,搞到梁雪湄心癢癢,去年10月她終於按捺不住,即使外遊要進行硬性的隔離,她都事在必行,執定幾個行李箱好似搬屋咁出發去泰國,在曼谷酒店先進行16日15夜的隔離,期間要接受三次核酸檢查,頭一個星期連房門都唔可以踏出,梁雪湄一日三餐都靠room service,不過她甚為享受,仲話當Staycation一樣,食飽做吓運動打吓機。

陀槍師姐2021 梁雪湄
去年10月底梁雪湄全副防疫武裝上機出發去泰國曼谷。
陀槍師姐2021 梁雪湄
去到下榻的曼谷酒店接受隔離,梁雪湄日日上載三餐食乜,不忙展示事業線。
陀槍師姐2021 梁雪湄
梁雪湄仲帶齊畫筆去油顏色,打發時間,胸前G奶搶fo搶得很。
陀槍師姐2021 梁雪湄自
就連中秋節亦在酒店房中獨自過,梁雪湄自備月餅過節。
陀槍師姐2021 梁雪湄
廿幾年冇老過的梁雪湄,被指樣貌大進化激似黎姿,從事美容界的她隔離不忘保養皮膚。
陀槍師姐2021 梁雪湄
日日食唔係辦法,梁雪湄亦帶埋遊戲機去玩當做運動。

白滑梁雪湄出水任睇

在酒店隔離期間,梁雪湄不時自拍騷G奶,四張幾依然堅挺,事業線咁多年都keep到,之後完成隔離才出發去蘇梅,屈了十幾日的梁雪湄簡直大解放,著吊帶性感睡衣浸浴缸,又去私人泳池晒身材,白滑身材任睇,之前在酒店隔離時梁雪湄都是自拍多,但去到蘇梅好唔同,當中好多照片都是男友視角去影,張張都係女神相,究竟邊位男士咁有艷福呢?

陀槍師姐2021 梁雪湄
梁雪湄去勻泰國多地,下榻酒店幾乎全部都有私人泳池。
陀槍師姐2021 梁雪湄
梁雪湄室內浸浴,非常識歎。
陀槍師姐2021 梁雪湄
梁雪湄住的酒店間間都有特色。
陀槍師姐2021 梁雪湄
梁雪湄不忘大騷驕人身材。
陀槍師姐2021 梁雪湄
43歲的梁雪湄,不時在IG上載出浴性感照,雖然穿了三點式,一樣搶fo。
陀槍師姐2021 不少網民大讚梁雪湄身材keep得好。
不少網民大讚梁雪湄身材keep得好。

《陀槍師姐2021》梁雪湄陳四喜復出無期 疫下扮獨遊泰國4個月

《陀槍師姐2021》梁雪湄陳四喜復出無期 疫下扮獨遊泰國4個月

梁雪湄樂而忘返

明明有人陪玩,不過梁雪湄就一於低調,由去年10月到現在,4個月來遊遍整個泰國,有錢有時間,令人羨慕又妒忌,由於疫情期間遊客大減,梁雪湄大玩特玩體驗當地的風火人情,有網民問她在泰國留幾個月是否不打算返工,亦有網民留言話佢係靚太。

陀槍師姐2021 梁雪湄
戶外上水活動當然唔少得。
陀槍師姐2021 梁雪湄
香港人因疫情過去一年都未能放心去旅行,未必人人都似梁雪湄有錢有時間,唔使做可以歎世界。
陀槍師姐2021 有網民問見梁雪湄留泰幾個月,問她是否唔再返香港。
有網民問見梁雪湄留泰幾個月,問她是否唔再返香港。
陀槍師姐2021 梁雪湄
素顏梁雪湄的確好見得人。
陀槍師姐2021 梁雪湄
又食又玩咁開心,梁雪湄都要做運動keep fit。
陀槍師姐2021 梁雪湄
梁雪湄每日都有節目,這日是去騎大象。
陀槍師姐2021 梁雪湄
梁雪湄去旅行不忘悉心打扮騷身材。
陀槍師姐2021 梁雪湄
去到蘇梅大解放,梁雪湄頻頻泳衣上陣,G奶波濤洶湧,盡情晒波晒罅。
陀槍師姐2021 梁雪湄至今仍表示單身,但有網民多番叫她做靚太。
梁雪湄至今仍表示單身,但有網民多番叫她做靚太。

《陀槍師姐2021》梁雪湄陳四喜復出無期 疫下扮獨遊泰國4個月

陀槍師姐2021 梁雪湄
入住六星級渡假別墅的梁雪湄,著晒吊帶浸浴,睇佢個樣都知一定唔係獨行啦!
陀槍師姐2021 梁雪湄
享受陽光與海灘的同時,男友視角下亦拍攝了不少女神泳照。
陀槍師姐2021 梁雪湄
梁雪湄去學煮地道泰菜都係兩個人份量,明顯是撐枱腳,但由頭到尾男主角都冇露面,真神秘。

讀者留言