陳冠希

陳冠希大彈鄧紫棋歌藝唔夠班 二人隔空串爆對罵!

最新娛聞

廣告

內地選秀節目《中國有嘻哈》第二季改名為《中國新說唱》,這個節目一向話題十足,新一季亦都無例外。早前,節目組公布明星製作人名單中有鄧紫棋(G.E.M.)的時候,陳冠希就睇唔過眼,於網上隔空留言串咗G.E.M.兩句!其後,G.E.M.亦於網上串爆反擊!

撰文:東方新地|圖片:微博、Instagram-陳冠希鄧紫棋mchotdogmusic

節目組公布明星製作人名單

熱播中嘅內地選秀節目《中國新說唱》,明星製作人有五位,包括:吳亦凡、MC HotDog、張震嶽、潘瑋柏同鄧紫棋(G.E.M.),而G.E.M.更係節目中唯一一位女明星製作人。

早前,當節目公布明星製作人名單嘅時候,有人就覺得G.E.M識唱歌唔等於識Hiphop。

因此,有部分人對節目嘅導師名單好不滿,甚至指點解個節目會有G.E.M.。

 

 

陳冠希彈鄧紫棋唔夠班

除咗網友指G.E.M.嘅rap經驗尚淺,質疑其資格外,陳冠希亦都睇唔過眼,串咗G.E.M.兩句。

陳冠希喺MC HotDog嘅IG留言:「LOL Hahahah again on some BS.」「Rappers???? hahahahah u mean a stage full of …/not rappers right???」取笑G.E.M.唔係Rapper。

鄧紫棋串爆反擊

但G.E.M.就一於少理,仲喺IG Post咗一段Rap,串爆睇唔起佢嘅人「誰能像我,早在二十五歲開百場的巡迴,LIVE從不對嘴。」

節目組亦公開咗一班導師親自填詞rap嘅片段,其中G.E.M.以歌詞寸爆haters!

一開始就叫所有女孩企起身,仲暗寸啲睇唔起女性嘅人:「把你石器時代的思想全都拋開」

G.E.M.仲用佢嘅巨肺rap出:「要是不服的話,你高得上去嗎?」唱咗一段高音,分明串死haters!

鄧紫棋成功逆襲

片段一公開,G.E.M.就逆襲成功,獲得粉絲力讚,亦有網民指佢嘅實力比只會批評別人嘅人更有實力。

另外,有網民撐佢嘅實力拍得住一眾男導師,絕對係實至名歸!

山長水遠飛到巴黎睇女友行騷,Edison就緊係要影低秦舒培行貓步一刻,拍片擺上網外,仲sweet爆留言叫女友做「MY QUEEN」,放閃指數爆燈。

陳冠希愛女變潮童

現時37歲的Edison自從升呢做老竇後,就變成潮爸。佢當然唔會放過任何一個為愛女Alaia打扮嘅機會。原來喺出席時裝展前,Edison就同Alaia裝身,著上一身潮牌,立即成為真潮童!

秦舒培上年3月為陳冠希誕下愛女Alaia,有女萬事足嘅Edison不時都放相上個人社交網,同大家分享湊女之樂。

Edison更會帶埋女友同囡囡一齊去睇球賽,共享天倫之樂。

其實,有Edison呢個潮爸,仲有一個做模特兒嘅媽咪,無論要做潮童定模特兒,都一定係件非常輕易嘅事!

今年3月,二人就為Alaia搞咗個生日派對,囡囡有咁多人錫,真開心!

秦舒培貼父女照 賀陳冠希37歲生日

上年10月陳冠希生日,他和秦舒培到上海,二人雖有工作在身,但仍不望抽空陪愛女Alaia。要B女一齊坐飛機,全因Edison想在10月7日生日當天有女兒陪在身邊!秦舒培更於IG大貼Edison父女照,並以留言「Happy birthday my man」送上生日祝福。

與陳冠希賀生日的除了女友和囡囡,亦少不了各方好友。在熱鬧的生日飯局中,秦舒培與男友影形不離,相當恩愛。

榮升人父陳冠希:「以家庭為先」

誰想到情史豐富的陳冠希竟有做爸爸的一天呢?自女友於本年3月誕下愛女Alaia以來,Edison續漸化身成女兒奴,經常替愛女打扮,更一改以往性格,大方與網民分享當爸爸的快樂。一副慈父look的陳冠希對女兒呵護有加,時常親手抱女,他的這一面,相信在Alaia出世前從來未曾嚗光!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!