陳凱琳

陳凱琳《平安谷》演技躍進 多得男友鄭嘉穎?

最新娛聞

廣告

陳凱琳當選港姐後隨即獲力捧,極速上位喺多套劇擔正,可惜演技未夠班係事實,被觀眾鬧爆浮誇,插到體無完膚。不過喺最近熱播的《平安谷之詭谷傳說》中,陳凱琳獲讚演技有進步,自然不造作,終於無咁多負皮!而陳凱琳有咁大進步,都係多得視帝男友鄭嘉穎咋!

貴為2013年港姐冠軍兼2014年中華小姐冠軍,陳凱琳的演藝事業可謂平步青雲,火速上位,2015年已經喺重頭劇《張保仔》擔正做女一,之後又參與《殭》兼撻著現任男友鄭嘉穎。可惜陳凱琳演技實在唔夠班,被觀眾狠批浮誇,雞仔聲又勁吵耳,搞到當時連影帝黃秋生都踩一腳,話陳凱琳做戲誇張又多小動作!

2016年陳凱琳參演的《巨輪II》又係重頭劇,佢同樣戲份唔少,但演技似乎都係無咩進步。本身《巨輪II》劇情已經略嫌突兀,加上獸父「鷲哥」吳岱融太出位太搶戲,結果陳凱琳又係被觀眾喪插收場。

去到今年《平安谷之詭谷傳說》,劇集以女權作主線,加插神秘的幽靈新娘殺人事件,題材新穎吸引!陳凱琳飾演的羅桂思同黃浩然係兩公婆,兩公婆接受西方教育後回到家鄉,陳凱琳仲聯同其他被欺壓的女性組成「抗暴聯盟」對抗大男人!

 

羅桂思呢個半唐番角色可謂為陳凱琳度身訂造,同佢本人性格甚相似,演出自然得多唔造作,雖然未至於係好好戲,但起碼唔會好似以前咁覺得好討厭先!

 

陳凱琳演技有進步,原來多得視帝男友鄭嘉穎!有報道指嘉穎不時在演技方面對女友指點提示,又會一齊研究劇本及鑽研角色,可算是傾囊相授!回想當年陳凱琳被秋生批評,嘉穎隨即替女友解釋,指女友未讀過訓練班、唔可能一步登天,希望大家俾時間佢。今日觀眾對陳凱琳演出終於有正面評價,嘉穎肯定係最開心!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!