陳凱琳

陳凱琳宣布封肚 產後谷奶復出晒幸福

最新娛聞

廣告

陳凱琳(Grace)今年七月為鄭嘉穎再添一子,誕下二仔Yannick,日前她在產後首度現身,以Deep V白色禮服造型出席品牌活動,餵母乳的她上圍明顯升Cup,谷出三吋事業線,對此她笑言:「有好有唔好,好嘅係能夠增強BB嘅抵抗力,雖然身心疲累,但見到BB健康,辛苦都值得,唔好嘅就真係好攰,每兩、三個鐘頭就要泵奶!」

撰文:東方新地|圖片:東星相片及陳凱琳IG

陳凱琳:暫時封肚湊仔

現年29歲的陳凱琳自2018年嫁鄭嘉穎後兩年抱兩,先後誕下大仔鄭承悅(Rafael)和細仔鄭承亮(Yannick),被問到會否再追多個女,她直言:「順其自然啦!依家好忙,如果太快生第三個,會覺得對兩兄弟唔住,嘉穎都話睇我意願,所以依家都係Focus照顧兩個仔先。」

陳凱琳產後谷奶復出晒幸福
相片來源:東星相片

陳凱琳直言現在要同時照顧兩個囝囝,壓力比較大:「我喺屋企99%時間都係著住睡衣,好彩嘉穎放工返嚟都會幫我帶大仔出去公園玩,又會照顧吓細仔。」

陳凱琳產後谷奶復出晒幸福
相片來源:陳凱琳IG

陳凱琳指大仔Rafael好錫細佬,但他現時只得1歲半,仲細未識得去照顧細佬,她笑言:「細佬未出世我已經同Rafael講定,佢好開心有人陪佢玩。」

陳凱琳產後谷奶復出晒幸福
相片來源:東星相片

陳凱琳又講到大仔現時很喜歡上Playgroup,成日玩到唔願走:「我成日都要拉住佢走。」

陳凱琳產後谷奶復出晒幸福
攝影:rondezvousphotography

陳凱琳婚後兩年未有再幫無綫拍劇,而鄭嘉穎近日就回巢拍無綫新劇《兒科醫生》(前名《兒童醫院》),預計劇集將拍到今年12月。

陳凱琳產後谷奶復出晒幸福
相片來源:東星相片

有傳陳凱琳不與無綫續約,她強調自己與無綫仍有合約關係:「但我依家要全力照顧兩個小朋友,暫時都兼顧唔到拍劇,老公開緊劇就我留喺屋企,如果我想拍就要佢留喺屋企,兩個同時開工就難啲。」

陳凱琳產後谷奶復出晒幸福
相片來源:東星相片

提到其生意拍檔雪姨以950萬元買入林燕妮的故居,陳凱琳說:「你問番佢,我真係唔知,如果佢買樓同珠寶送畀我,我都唔介意嘅!」

陳凱琳產後谷奶復出晒幸福
相片來源:東星相片
陳凱琳產後谷奶復出晒幸福
相片來源:東星相片