陳嘉寶

老公拍拖送包包 陳嘉寶 幸福人妻

最新娛聞

廣告

邊個話嫁得就要翹埋手做少奶奶?陳嘉寶去年底嫁畀初戀男友闊少黃頌祈,婚後事業心一樣重,又開劇又開戲,卒之咪搞到婚後七個月都未得閒度蜜月又未得閒造人住,搞到老公差啲要喺屋企拉横額抗議喎!

撰文:東方新地|圖片:新傳媒圖片庫、陳嘉寶IG

陳嘉寶 行到邊笑到邊

為開工唔得閒飛啫,近近哋去銅鑼灣行個街氹吓老公都仲得,早兩日Anjay孖住老公去利園行商場,又會咁眼利,一入場就畀佢見到支鏡頭,嗱嗱聲畀番個招牌笑容畀記者交貨先。

行完一轉買咗袋朱古力、再同老公逐間名店逛一逛,頭先笑就話係對鏡頭交貨啫,呢轉喺Hermès出嚟拎住大大袋戰利品,肯定係由心底裡笑出嚟。抽時間陪老公拍拖,老公送袋回禮,一人一步,打和!Super!

話要練功夫為遲啲套打戲準備,陳嘉寶未有時間度蜜月,就抽空陪老公行商場拍吓拖先,不過一入場已經醒水見到鏡頭,即刻主動笑住打招呼!

知道有鏡頭在左近,平時已經好好笑容的Anjay呢日更加去到邊笑到邊,包保唔會被意外攝入嬲爆爆一面。

都話女人有兩個胃,其中一個係裝甜品,入到名店林立的商場,未睇袋前,買番袋朱古力畀自己甜一甜先。

行完Hermès,目測老公手上紙袋差唔多係半個Anjay咁高,呢轉出嚟Anjay真正由心底笑出嚟,有新袋用係人都開心啦!

近日Anjay飛咗去峇里,仲影靚相po埋上網,唔知係咪同老公去補度蜜月呢?

陳嘉寳Anjaylia chan(@anjaylia)分享的貼文 張貼

早前為拍打戲密密健身練功夫~

陳嘉寳Anjaylia chan(@anjaylia)分享的貼文 張貼

Anjay游水騷玉背

靚女人妻陳嘉寶(Anjaylia)早前著泳衣游水兼騷靚背,話說Anjay老公黃頌祈係個滑水好手,但佢之前接受訪問時仲話老婆係「防水」,言下之意即係唔敢落水!Anjay呢張相算唔算係反擊呢?

陳嘉寳Anjaylia chan(@anjaylia)分享的貼文 張貼

雖然話Anjay身材比較瘦削,並係甚麼逼爆上圍,不過勝在全身皮膚白滑到反晒光咁,手腳同小蠻腰都勁纖細,著起泳衣都有另一種魅力!

陳嘉寳Anjaylia chan(@anjaylia)分享的貼文 張貼

陳嘉寳Anjaylia chan(@anjaylia)分享的貼文 張貼

私有化初戀男友

Anjaylia去年11月25日同滑水健將黃頌祈結婚,男友幾代都居住長洲,Anjaylia 嫁入男家,自自然然成為「長洲公主」。男友家景富裕,結婚排場非常誇張。有指他豪擲500萬出動遊艇和大紅花轎迎娶愛妻。Anjaylia於圈中人緣甚佳,各方好友都有岀席他們的婚宴,真係Sweet到爆啊!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!