陳奕迅 演唱會

陳奕迅公佈海外巡迴演唱會頭三站地點! 回應首次唱到流淚:經歷咗好多起伏

最新娛聞

廣告

陳奕迅(Eason)27場跨年演唱會《Fear and Dreams》香港站終於唱到尾場,陳奕迅在Encore環節,額外唱了6首新曲+經典,原來背後各自有意思,騷後Eason會見傳媒,分享今次疫情下步步為營的演出,更首度公開今年海外巡迴演出的第一階段情報!

陳奕迅唱《大個女》 女兒康堤爆喊

其中重點絕對是唱《大個女》這首歌曲,因為是他送給18歲女兒康堤,康堤在場更一度感動落淚。事後陳奕迅完場接受傳媒時,對於女兒感動到喊,笑說還未有時間找她聊天:「我冇問佢,我諗因為佢18歲終於明白講咩,佢好鍾意呢首歌。我今日唔係只唱畀佢聽,不過我諗佢大個女佢明,人大咗就會有感覺。」

陳奕迅 演唱會 唱《大個女》。
唱18年前的作品《大個女》,送給台下的女兒康堤。(圖片來源:東方新地)
陳奕迅 演唱會 康堤聽到喊。
康堤聽到喊。(圖片來源:東方新地)
陳奕迅 演唱會 康堤聽到喊。
康堤聽到喊。(圖片來源:東方新地)
陳奕迅 演唱會 搞怪。
搞怪。(圖片來源:大會提供)

48歲陳奕迅認為人生有三件重要事

48歲的陳奕迅坦言,人生到了這個歲數,重要事有三件,「《暴殄天物》去解唔好浪費,我都係一份子,好多嘢以為隨手可得,浪費咗,不過唔多講。另一樣嘢下一代好緊要,最緊要開心,不管輸贏,可愛就得,即係開心。重有上一代都好緊要,如果冇佢哋我哋點會咁幸福呢?所以Encore特登玩埋呢part,我都好想多謝呢班人。」

陳奕迅 演唱會 陳奕迅好掛住屋企人。
陳奕迅好掛住屋企人。(圖片來源:東方新地)
陳奕迅 演唱會 陳奕迅冇入行30年大計,30年到咗再算。
陳奕迅冇入行30年大計,30年到咗再算。(圖片來源:東方新地)
陳奕迅 演唱會 慶功。
慶功。(圖片來源:大會提供)

陳奕迅首次台上喊 預告海外巡迴演唱頭三站!

在演唱會後的訪問中,陳奕迅被問及尾三一場唱《相信你的人》時,首次在台上感動流淚,他解釋:「嗰隻歌係2019年電影《銀河補習班》嘅主題曲⋯⋯可能全香港都一樣,呢幾年經歷咗好多起伏時候,人就有挫敗,唱個首歌就好感動。我睇返咁得意,人大咗就係咁。」另外Eason亦首度披露休息一個月,四月會開始海外巡迴,頭三站分別去新加坡、馬來西亞及台灣,詳細情況快將公佈!

陳奕迅 演唱會 休息一個月,四月會去開巡迴。
休息一個月,四月會去開巡迴,分別去新加坡同台灣。(圖片來源:東方新地)
陳奕迅 演唱會 喊咗。
提到入行以來合作過的曲詞編監音樂人,Eason表示感激,向各位幕後功臣鼓掌致謝 。(圖片來源:東方新地)

向林夕、陳輝揚及一眾音樂人致敬

唱畢《人來人往》,更點名感謝觀眾席上的陳輝揚,現場掌聲雷動,Eason補一句「如果你哋夠大聲,相信林夕都聽到」提到自己1995年參加新秀入行,一路以嚟遇到好多好好音樂人,由華星、英皇到環球,想向所有音樂人表示感謝 「唔係頒獎禮終於可以盡情講無人圈,無咗佢哋,今晚可能只係一個Talk 騷」,然後鼓掌及致敬。

陳奕迅 演唱會 唱畢《人來人往》,更點名感謝觀眾席上的陳輝揚,現場掌聲雷動,Eason補一句「如果你哋夠大聲,相信林夕都聽到」提到自己1995年參加新秀入行,一路以嚟遇到好多好好音樂人,由華星、英皇到環球,想向所有音樂人表示感謝 「唔係頒獎禮終於可以盡情講無人圈,無咗佢哋,今晚可能只係一個Talk 騷」,然後鼓掌及致敬。
壓軸一首Encore是2008年大碟《Solidays》入面的〈歌・訟〉。(圖片來源:東方新地)

唱足27場認好攰 佩服張學友連續跳唱咁多場「佢傻㗎」

而唱足27場,陳奕迅破了自己個人成績開最多場的演唱會紀錄,他強調並不是為了破紀錄去開演唱會:「我有炆,加乜鬼,25咪25,唔係要破紀錄,只不過係有位。做人都係踏實啲好,唔好浮就得,今日完咗啦好開心。你睇返啲紀錄,學友係超級勁,做咗好似38,係連續冇唞過,佢傻㗎。」

陳奕迅 演唱會 呢個幾月大家好辛苦,因為大家都keep住做核酸。
呢個幾月大家好辛苦,因為大家都keep住做核酸。(圖片來源:大會提供)

唔再爛聲「我冇食辣嘢」

唱了27場,陳奕迅的聲音比以往狀態更好,以次曾試過爛聲的他,透露為了這次演唱會真的養好聲音:「我冇做啲傷害我喉嚨嘅嘢,咁以前以為後生冇嘢,咁我冇食辣嘢、會令喉嚨辣親、冇飲咖啡。」

陳奕迅 演唱會 在27場演唱會中,陳奕迅認為所有事也很完美,除了最擔心會確診,他表示經常在演唱會表演中會少了一兩個人,原來是確診,「每一個都好著緊我,我都唔出街,我宅男。」
在27場演唱會中,陳奕迅認為所有事也很完美,除了最擔心會確診,他表示經常在演唱會表演中會少了一兩個人,原來是確診,「每一個都好著緊我,我都唔出街,我宅男。」(圖片來源:Youtube@Eason Chan)

陳奕迅睇錯欣宜

演唱會中,Fans準備了應援手幅,手幅印了「從前沒講,今次要說多謝你」,陳奕迅卻睇錯「以為欣宜同我講多謝你。」他再說自己視力是正常的:「唔知點解頭先覺得似欣宜,依家咁睇就緊係唔似。」

陳奕迅 演唱會 陳奕迅話佢冇老花。
陳奕迅話佢冇老花。(圖片來源:東方新地)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:東方新地 大會提供 YouTube