陳奕迅

陳奕迅個唱 | 直擊5大必睇位 感性告白曾怕自己「瞓咗唔識醒」

最新娛聞

廣告

一連25場的陳奕迅Eason《FEAR AND DREAMS演唱會》今晚(9日)於紅館舉行首場演出,睽遺9年陳奕迅的演唱會最貴門票已經由2013年的港幣$680,飆升至今日的港幣$980。上千元的演唱會門票到底送上甚麼體驗?

必睇位1) 首場心情極好 向老婆愛女派心

首場心情極好的陳奕迅,喺唱到《任我行》嘅時候,突然向觀眾拍心心,一開頭係向住太太徐濠縈和愛女陳康堤方向派心,之後再向全場派!唱到尾聲又特登擺Pose俾粉絲影相,仲話:「好想錫曬你哋呀!」

陳奕迅 Eason突然向觀眾拍心心!
Eason突然向觀眾拍心心!(圖片來源:東方新地)
陳奕迅 睇嚟Eason心情好似好好呢
睇嚟Eason心情好似好好呢(圖片來源:東方新地)
陳奕迅 最後準備下台換衫都堅持繼續派心
最後準備下台換衫都堅持繼續派心(圖片來源:東方新地)
陳奕迅 金髮徐濠縈與女兒一起捧場!
金髮徐濠縈與女兒一起捧場!(圖片來源:東方新地)

必睇位2) 吹神吹啲乜?感性話曾怕自己「瞓咗唔識醒」

出名「吹神」的陳奕迅,今次演唱會為了讓自己能夠集中唱好每一首歌,所以都忍口忍到最後一首歌先開始一連串講足8分鐘。陳奕迅感性地感激在場每一位歌迷:「我都唔係好習慣講啲好Heavy嘅嘢,其實我係最開心可以花時間同大家一齊。年紀大咗就好容易喊添。其實我以前一路都keep住做,冇停過,所以就冇乜時間去思考。呢個Show等咗三年,等嘅時候又唔知下次幾時,諗嚟諗去就越驚,我咩都唔想做,我只係想做個show。我甚至驚到一個地步係瞓覺之前,係驚第二日起唔到身,係到諗如果真係起唔到身咁點算呢,我有咩要交代呢,我電話password洗唔洗話俾邊個聽呢,我銀行啲錢點算呢,要捐咗佢阿定點呢?我冇乜錢㗎咋!唯一一個辦法我諗到,就係唔諗,因為好多嘢我啲都控制唔到,我都只係唱歌就得。」

陳奕迅 陳奕迅一開口就多謝在場的所有觀眾。
陳奕迅一開口就多謝在場的所有觀眾。(圖片來源:東方新地)
陳奕迅 忍足全場唔講嘢嘅Eason,到最後一連講咗8分幾鐘,感性表示自己都驚過死,驚瞓咗唔識醒。
忍足全場唔講嘢嘅Eason,到最後一連講咗8分幾鐘,感性表示自己都驚過死,驚瞓咗唔識醒。(圖片來源:東方新地)

必睇位3) 演唱會理念 呼籲「活在當下」

陳奕迅今次演唱會全場貫徹著一個大理念,就是希望觀眾聽演唱會作樂之外,可以從演唱會中思考自己可以為世界做些什麼;人又應如何擁抱恐懼和夢想?過去已過去,未來仍未來,只有「當下」才是最重要。

陳奕迅
(圖片來源:東方新地)

必睇位4) Encore唱乜?

陳奕迅時隔9年的演唱會,一啲都冇兒戲了事。除了演唱會每一部分都好有故事,好有連貫性之外,陳奕迅更落力唱足39首,再Encore《遊離份子》。雖然一開始聲沙沙未開聲,但越唱越勇,唱足40首、總共換咗5套衫先散場,一班歌迷都非常滿足,表示值得等9年!

陳奕迅 時隔9年開騷嘅Eason,非常落力,唱足40首歌!
時隔9年開騷嘅Eason,非常落力,唱足40首歌!(圖片來源:東方新地)
陳奕迅 衫都換左5次!
衫都換左5次!(圖片來源:東方新地)
陳奕迅
(圖片來源:東方新地)

必睇位5) 有乜蝦碌位?

每次演唱會或演出都一定會甩嘴的陳奕迅,今次個場首場狀態大勇,上半場都沒有出現甩嘴、忘詞嘅情況。直到唱到最尾三首《致明日的舞》、《七百年後》同《我們萬歲》先開始甩嘴。但Eason都好識做,甩嘴之後都會擺pose俾粉絲影相,補番數!

陳奕迅 又跳又唱,非常落力!
又跳又唱,非常落力!(圖片來源:東方新地)

江嘉敏分享「肥陳奕迅」燈牌

藝人江嘉敏也有到現場觀看陳奕迅的演唱會,事後她在IG限時動態分享,但並不是陳奕迅唱歌的影片,而是陳奕迅粉絲舉的燈牌,燈牌印的字是「肥陳奕迅」,未知如果陳奕迅看到心情會否很生氣。

陳奕迅 Eason會嬲。
Eason會嬲。(圖片來源:[email protected] kaman_kong)

演唱會歌單 歌迷溫定書

時隔9年開騷的Eason,準備了一連串的經典金曲!我們整理了Eason今次演唱會的歌單,一眾歌迷可以在看演唱會前溫定書!

1. 2001太空漫遊
2.人神鬥
3.當這地球沒有花
4.謊言
5.時代巨輪
6.想聽
7.黑洞
8.龍舌蘭
9.異夢
10.如果這一秒鐘你跟我講你不愛我
11.黑夜不再來
12.開心不了
13.告別婆娑
14.完
15.今日+垃圾
16.夢的可能
17.一個靈魂的獨白
18.任我行
19.人生馬拉松
20.請相信我
21. 四季
22.與我常在
23.忘記歌詞
24.Life Go On

25.大人
26.致明日的舞
27.七百年後
28.幸福摩天輪
29.我們萬歲
30. Party Medley : 閃、滑鐵盧車站、美麗有罪、隨意門、第五個現代化、放、笑死朕、打得火熱、重口味。

31. Encore《遊離份子》

陳奕迅 全場坐無虛席!
全場坐無虛席!(圖片來源:東方新地)

常見問題

將來還有什麼演唱會值得留意?

有不少歌手宣布舉辦演唱會,例如:韋禮安張學友李克勤林宥嘉方皓玟西九音樂節五月天Twins鄭秀文鄭欣宜許冠傑;喜歡K-pop的你亦有福了,ApinkNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

2023年好戲多籮籮,小編為你整合2023電影推薦及3-6月香港電影上映表,無論是港產片、Marvel、卡通片都應有盡有,更附上必睇劇情和彩蛋介紹!除此之外,更可以參觀博物館,例如太空館科學館香港藝術館M+香港文化博物館等,更為你整合行山路線野餐地點、絕對是假日消遣的必然之選!

撰文:東方新地圖片來源:東方新地

讀者留言