陳展鵬

陳展鵬大馬搞fans meeting 門票超越BIGBANG級數

最新娛聞

廣告

大家都知道TVB人工幾咁優厚,所以唔少大台藝人都會到外地登台搵真銀,日前視帝陳展鵬 (煎pang)就喺社交平台透露,自己會喺年初二去到馬來西亞吉隆坡搞個fans meeting,大家估吓門票要幾多錢?直頭係BIGBANG同張學友的級數呀!

陳展鵬 大馬fans meeting

唔少香港藝人都會去外地賺吓外快,登台做吓騷、簽唱會或者fans meeting都好常見,其中fans meeting多數設有唔同價錢的門票,價錢高低就決定fans可以同偶像的接觸係近定遠!今日陳展鵬就宣布自己年初二會去吉隆坡舉行fans meeting,仲話不見不散㖭!

門票超越BIGBANG級數

咁究竟想近距離親親陳展鵬要付出幾多銀両呢?門票分別係馬幣588 (約港幣$1,170)、388 (約港幣$770) 同最平係188(約港幣$374),最貴門票一張要成差唔少千二蚊!不過fans當然唔睇價錢,紛紛留言話會買最貴門票!煎pang睇到實好happy~

其實差唔多千二蚊一張門票屬於咩級數呢?歌神張學友演唱會的最高門票為馬幣680(約港幣$1,376),而紅遍亞洲的韓國天團BIGBANG三子的fans meeting,最貴門票都只係馬幣550(約港幣$1,100),即係想見煎pang仲貴過見BIGBANG呀!價錢值唔值就見仁見智啦,fans為咗見偶像,一擇千金是常識吧!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!