陳展鵬

陪產見證十級痛 陳展鵬擱置追仔大計

最新娛聞

廣告

半年內經歷結婚生女的陳展鵬,日前宣布寶貝女小豬比 (Quinta)面世,一家三口上載溫馨合照上社交網,接受大家的祝 福。做了人夫人父,陳展鵬凡事以妻女行先,這次陪住單文柔懷胎十月入產房生女,看到老婆所受的十級痛苦,肉赤之餘,更萌 生「不如唔好生」的念頭,打算擱置追仔大計,等Quinta大少少才 作決定。

顧大又顧細的陳展鵬,為獎勵單文柔,除計劃在囡囡百日宴 後一家外遊外,更承諾會買樓 老婆揸手,有老公鍚到燶又有獎 金獎品,相信單文柔亦唔介意繼續為陳家開枝散葉。

撰文:東方新地 圖片:新傳媒圖片、instagram

陳展鵬 單文柔 產後半個月才報喜

去年10月新婚一個月即 報喜,陳展鵬半年內雙喜臨 門,娶到賢妻單文柔,陳展鵬 甘願把財政大權及家中決策權 奉上,近月請工人、買過千萬 教育基金與保險都交由單文柔 去處理,而陳展鵬就搏命拍新劇《唐人街》,努力搵錢養家。

早前陳展鵬百忙中請假為單文柔慶祝29歲生日,在社交網上載了兩 張恩愛切蛋糕的照片,單文柔被發現孕肚突然變平坦,疑似已卸貨。周 日(21日),陳展鵬終公開宣布女兒小豬比已出世,母女平安,而囡囡的 英文名是Quinta。因為新劇正在趕拍,所以陳展鵬不能請假太多,日前 他在將軍澳電視城拍劇時分享初為人父的感受,表示女兒已出世約二十 日,他已過了最緊張的時期,現在是開心及興奮,並解釋不即時公布女 兒已出世是因為日日都忙開工,單文柔產後身體及情緒亦需要一段時間 去適應,家中上下亦忙著照顧初生女兒。

二十日大Quinta

陳展鵬周日(21日)在 社交網宣布單文柔已誕下 B女:「Welcometoour home!小豬比來了」,並貼 出一家三口照,相中見單文 柔抱著小豬比(Quinta), 二人幸福滿瀉。

笑囡囡出世似蟹

原來陳展鵬好傳統,中國人習俗不能讚初生BB,所以他接受訪問時 話小豬比好曳:「BB係唔讚得嘅,所以佢係非常之曳,不過我哋依家已經 上咗手,小豬比一生出嚟好似Phoebe(單文柔),但十幾日後又有啲似我喎!最好笑係生出嚟時我話點解個BB好似嘔白泡嘅?好似隻蟹咁,原來係啲羊水,要 抽走。」 講到入產房陪產的經過,陳展鵬感受非常深刻,他說:「今次我哋去呢間醫院係可 以畀我陪住太太打麻醉針,因為佢係開刀,所有過程一目了然,剪臍帶係一定要做 嘅,當生完小朋友出來,塊布遮住,唔知姑娘定醫生單手捉住個小朋友,我真係覺得好 哺乳類動物,活生生一個冇著衫,有啲血黐住又灰灰哋,但個心情就真係好開 心。嘩!我終於有個小朋友咯!不過見到太太打針話痛都心痛。當時有一刻諗過,捱 得咁辛苦不如唔好生,見佢咁痛又要捱一刀,感覺好難受好心痛,好彩母女平安。」雖然陳展鵬事前已經上過堂學湊B,但單文柔產後陪月姐姐因為外遊返港要進行麻疹測 試,故頭幾日未返到工,陳氏夫婦要親自上場餵奶換片,搞到踢晒腳,最後更要上網 學用包被,包好囡囡令她安心睡覺,幾日後終於上晒手。

上網學湊女

 

廿四孝奶爸

陳展鵬接受訪問時透露, B 女已出世大 半個月,雖然一早已上過堂學湊 B ,但 實戰時難免會雞手鴨腳,不過現在這個 奶爸已經上晒手。

食全餐雙倍痛

陳展鵬本來諗住多啲嚟密啲手,等單文柔生完個女身體回復,就會開工再追仔,不 過今次陪產見證老婆十級痛,他即打消念頭。知情者透露,「煎Pang除咗孝順仲係一個 好老公,雖然佢好想阿媽抱齊男女孫,但見到Phoebe生仔痛成咁佢亦好唔忍心。本來 Phoebe諗住試順產,點知作動後痛咗好耐都未生到,最後要緊急麻醉同開刀,食全餐真 係痛上加痛,其實Phoebe咁後生好快會復原,但煎Pang就好肉痛,佢安慰Phoebe話生 一個都已經好ok,唔一定要追仔。」陳展鵬現在有女萬事足,雖然日日拍劇打到癲周身 傷,但返到屋企見到個前世情人即時冇晒事,既然上晒手咁識湊B,生多幾個都唔拘 啦!

產後慶生

日前,陳展鵬為老婆慶祝 29 歲生日時,有眼利的網民留意 到單文柔孕肚已「消失」,似乎「紙包唔住火」。

承諾送驚喜

在單文柔坐月期間,陳展鵬訂定靚靚蛋糕為老婆慶生,更留言 sweet爆表示會在復活節為她再 送上驚喜。

產前急掃底

上月腹大便便的單文柔,與化妝師好友 閒逛九龍塘又一城商場,入到名牌內衣 店,單文柔即雙眼發光,見她對手感柔 軟的絲質性感內衣褲最感興趣,不時摸 上手,最後當然不會空手而去。

好姊妹搶先探

身為Phoebe同屆港姐兼好友的劉穎鏇與魏韵芝,早前已率先探過單文柔,更與她一 起慶生。劉穎鏇直言已見過Quinta:「Phoebe生日時我同魏韵芝一齊探佢,有見佢 LittleBaby,好開心,未諗買乜畀BB,買衫又驚好快大。」而魏韵芝則大讚BB很可 愛,早已訂製刻有「小豬比」花名的被及口水肩送給BB。

忙搵奶粉錢

陳展鵬在新劇《唐人街》以八極拳出擊,仲愈打愈 激烈。日前拍攝一場奮不顧身拯救姚子羚的場口, 佢赤手空拳以一打五,拳拳到肉,完全唔錫 身,剛為人父的他搏命賺奶粉錢。

 

送樓獎勵

陳展鵬拍拖不久已花過千萬買將軍澳晉海做愛 巢,月初見證老婆為生女受盡痛楚,他承諾會再買 豪宅贈老婆,果然係廿四孝人夫

秘密入港安

藝人生仔的熱門醫院來來去去都是位於港島區的星級醫院養和,不過近年有所改變,黎明前年安排女友在浸會醫院生,早前陳凱琳就在港島的港安醫院生,而今次單文柔就在荃灣港安醫院秘密生 B。荃灣港安醫院的產科部房間乃經過特別設計,其鑲入式燈光設計可調節照射角度和亮度,而睡床是特別設計的產床,準媽媽毋須於臨盆時轉移至產房,可直接在入住的分娩室自然分娩,在至親與專業人員的陪伴下迎接新生命,倍添安心和舒適。據知陳展鵬早已為老婆訂了尊貴私家房,其私隱度極高,埋單逾十萬。

埋單逾10萬

港安醫院位於荃灣荃景圍,住在將軍澳區的陳展鵬安排單文柔在港安生女,真是有點意想不到。

港安的分娩房設備完善,本來想順產的單文柔,最後關頭要緊急剖腹生產,本來約6萬的婦產費,最後加至10萬左右。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!