陳山聰 金宵大廈2

金宵大廈2|陳山聰細談由做劉德華忠粉而入行 演技未夠班轉行賣衫

最新娛聞

廣告

陳山聰主演的《金宵大廈 2》熱播中,陳山聰明年入行三十年,接受無綫娛樂新聞台節目《星光路上》訪問,分享入行原來因為偶像劉德華,並大談多年演藝路的苦與樂。

陳山聰中學蒲廣播道為見劉德華

陳山聰原來當年是劉德華忠粉,仍在學時為見偶像一面而經常流連港台及廣播道,由於出現次數頻繁,劉德華都對他有印象。

陳山聰 金宵大廈2 劉德華
陳山聰和李施嬅主演的《金宵大廈2》近來熱播中,引起不少話題﹗(圖片來源:IG@selenaleelalee )
陳山聰 金宵大廈2 劉德華
陳山聰係做歌手入行㗎。(圖片來源:TVB)

陳山聰模仿劉德華參賽獲賞識

之後在機緣巧合,陳山聰面試《歡樂今宵之四大天王模倣大賽》並順利入圍,為演藝路揭開有趣刺激的第一頁:「我同學臨Last Minute陪我坐的士上廣播道,我唱咗兩句就畀人叮,當時諗住玩吓咋嘛。點知兩日後竟然收到入圍電話,華仔當時見到我都打咗個凸。」

陳山聰 金宵大廈2 劉德華
當年陳山聰與劉德華同台合唱《長夜多浪漫》的珍貴片段,當時年紀輕輕的陳山聰未有怯場,更被指聲線都學到偶像華仔十足十﹗ (圖片來源:TVB)

陳山聰獲劉德華簽為旗下做歌手

其後陳山聰接獲不少公司邀請加入演藝圈的電話,不卻都一一遭其母以年紀太輕要以學業為重理由推卻,陳山聰話:「當時我中五都未畢業,之後攤咗一段時間,華仔助手話華仔搵我,當時我仲以為華仔搵我做助手,開心到不得了。」結果劉德華帶陳山聰見其當時的經理人,並給了陳山聰更大的意外驚喜:
「佢話華仔想簽我,我直情呆咗,返去即刻同阿爸阿媽講劉德華要簽我﹗」陳山聰指其當年做歌手由於實力不算強,故主要賣青春及賣陽光﹗

有片﹗關之琳都話陳山聰似樣:喺化妝間見到以為係華仔嚟﹗

陳山聰歌手生涯僅4年 戲屎冇人要轉行賣衫

陳山聰指卻不幸遇上九七金融風暴,因而結束了僅得四年的歌手生涯,佢話:「之後我上咗內地拍劇,亦係我第一次認識伍詠薇。」陳山聰透露處男劇

集《男人四十一頭家》,並笑指當年拍攝時連撳個門鐘都驚青過人,相當搞笑。由於當年演技尚未到家,陳山聰指上完內地拍劇後便再沒有演藝工作找上門﹗

陳山聰 金宵大廈2 劉德華
陳山聰指當年演技未夠班﹗(圖片來源:TVB)

為了生計,陳山聰放下藝人身份轉行做過 Part Time Sales 及為本地設計師打理店舖,之後雖獲賞識試做Assistant Designer,但由於心繫演藝圈,陳山聰最終輾轉返回無綫,並轉戰旅遊節目主持:「嗰時我拍好多旅遊節目,幾乎一個月一個 Trip。」靜待拍劇機會的陳山聰,憑《情牽百子櫃》「回歸」劇集拍攝。

陳山聰 金宵大廈2 劉德華
中途轉過行嘅陳山聰,最終都係重投演藝圈,仲話一直等緊拍劇機會。(圖片來源:TVB)

之後 2009 年再憑《學警狙擊》「左輪」一角成功入屋,陳山聰憶述當年
被監製黃偉聲睇中經過謂:「有日我光頭同戴住超,去咗七樓同啲監製打招呼,聲哥見到我就同我講話《學警》有個角色好有發揮,我一聽到腦海已經有晒造型,就問聲哥可否畀我試吓諗造型,跟住我試完後,聲哥話:『就係呢個喇』。因為聲哥一個信任,畀咗我好大發揮,嗰時開始有觀眾同監製留意我。」

陳山聰 金宵大廈2 劉德華
《學警狙擊》「左輪」一角成功入屋,(圖片來源:TVB)

常見問題

陳山聰為何後來放棄歌手夢?

陳山聰曾經獲華仔賞識簽做歌手,可惜後來遇上⋯⋯詳情請看

陳山聰曾經轉行嗎?

陳山聰曾經放下藝人身分轉行做售貨員加入了時裝界⋯⋯詳情請看

撰文:東方新地圖片來源:《星光路上》截圖、IG@selenaleelalee

讀者留言