陳慧嫻

陳慧嫻正式加盟英皇娛樂 全體藝人拍片祝賀 最想同克勤祖兒合作

最新娛聞

廣告

今日(28日)是陳慧嫻(Priscilla)的56歲生日,她同時亦藉著這個特別的日子正式宣布加盟英皇娛樂。英皇娛樂眾藝人及經理人霍汶希(Mani)紛紛送上祝賀,其中包括容祖兒、謝霆鋒、任達華、惠英紅、Twins、李克勤、古巨基等等,拍片祝賀慧嫻加入英皇大家庭。

陳慧嫻、英皇娛樂
(圖片來源:英皇娛樂)

陳慧嫻想同李克勤搞吓花臣

對於加盟英皇娛樂,慧嫻表示:「 好榮幸可以加入英皇呢個大家庭。」並謂十分期待跟克勤及祖兒合作,「唔係淨係合唱,係合作喎。我同克勤以前同一間公司已認識多年,但從來冇機會合作,希望可以同佢搞吓啲花臣啦。」提到祖兒,慧嫻表示其實二人已認識很久,「希望可以同呢位新生代合作,對我嚟講Joey係新生代嚟㗎,同祖兒一齊玩吓。」至於「轉會費」,慧嫻笑說:「數字就唔講啦,總之就開心滿意啦。」問到慧嫻生日願望,她表示:「希望我身邊所有人、屋企人、所有愛我嘅人同我愛嘅人、同埋我個『女』mou mou,都身體健康,身體健康就開心㗎啦,人最緊要開心。」

陳慧嫻、英皇娛樂
(圖片來源:英皇娛樂)

Mani要求陳慧嫻搞難Gag

一眾英皇藝人對於慧嫻的加盟均十分興奮雀躍,亦乘機問她不少問題,當中經理人Mani就問:「可唔可以講個爛gag?」慧嫻即腦筋急轉彎,「A-Z二十六個英文字母,ET走咗,咁剩番幾多個英文字母呢?答案係二十一個,因為ET坐UFO走。」關智斌(Kenny)表示想跟慧嫻去玩wakesurf,慧嫻爽快答應,不過她向Kenny說要他先教識她游泳才可以,十分搞笑。

陳慧嫻、英皇娛樂
(圖片來源:英皇娛樂)

陳慧嫻傳授養聲心得

女歌手們則對扮靚shopping有興趣,Twins及許靖韻(Angela)想知道陳慧嫻最近買了甚麼好東西、用甚麼顏色唇膏,慧嫻笑言過去兩年都沒有添置新衣服,「變了心」收藏水晶手鏈;唇膏方面,慧嫻謂不化妝的時候會選用橙紅色唇膏,因為看起來會精神點;洪卓立(Ken)及楊天宇(Angus)則向慧嫻請教如何養聲,「要飲多啲水、瞓多啲覺、做吓運動、保持心境開朗、正面。」然後細聲地繼續說:「仲有就係唔好咁大聲講嘢呀,陰聲細氣,唔好嗌傷把聲,咁把聲就應該會正常㗎啦。」幽默感十足。 好友克勤就問慧嫻加盟後,希望公司可以帶給她甚麼?慧嫻表示:「希望可以令到我有更加多嘅人生經驗,學到多啲嘢啦。」

陳慧嫻、英皇娛樂
(圖片來源:英皇娛樂)

出爐影后劉雅瑟都識唱《跳舞街》

劉雅瑟直言希望在演唱會上可以跟慧嫻齊齊唱《跳舞街》,並即席唱了一小段,十分搞笑,慧嫻亦開心透露:「演唱會就梗係會開啦,不過我哋就要揀一個吉時同埋合適嘅時間,希望可以同歌迷一齊唱。」

撰文:東方新地圖片來源:英皇娛樂資料或影片來源:英皇娛樂

讀者留言