陳柏宇

陳柏宇 孖未婚妻英國晒幸福

最新娛聞

廣告

歌手 陳柏宇 (Jason) 與女友符曉薇 (Leanne) 拍拖六年,今年終於拉埋更窗,決定7月2日在九展舉行婚禮!早前兩人出發到英國影結婚相,喺機場接受訪問全程sweet爆,真係睇見都覺得幸福!呢對準夫妻現時喺英國happy緊,喺社交網站上載唔少靚相,網民見到紛紛留言讚好!

陳柏宇符曉薇 英國影婚照

早前Jason與Leanne出發到英國影結婚相,兩人都係以白衫示人,一同在機場接受傳媒訪問。兩人表示想去當地影一啲比較生活化的結婚相,希望比較有玩味,所以唔會着禮服!Leanne又稱當地天氣好凍,所以唔會性感示人。不過重點係兩人接受訪問期間真係sweet到爆,時而十指緊扣時而攬攬,邊講邊深情對望,羨煞旁人啊!

社交網站放閃

Jason與Leanne的英國之旅長達十日,除咗其中兩日影相外,其餘時間都係圍去玩!兩人近日喺IG都有上載合照,可見佢哋笑得非常燦爛非常甜蜜,網民紛紛留言讚佢哋好有夫妻相!

當然都有單人靚仔相~

去旅行,食大餐,當然都唔少得一大班朋友的合照!不過網民都深深明白,最搶鏡都係Jason同Leanne!

Leanne喺IG上載的美食照,真係睇到小婦流晒口水……

全文完

讀者留言