講到近日最火紅嘅大台小花，絕對非陳瀅 (Jeannie) 莫屬！佢喺熱播中嘅無綫劇《 全職沒女 》中連色環誘張振朗，由車上開胸露腿，到浴缸濕身色誘，相信觀眾都流晒口水！其實過往陳瀅BB都唔吝嗇晒靚body，依家就同大家重溫一下！
「姣你唔起呀？」
早前一集講到佢要避雨，就順路上咗張振朗架車，隨即喺車內大展姣功，借意撞吓張振朗個身，又用紙巾抹大腿同拉開外套抹胸口，睇到觀眾紅都面埋！
濕身女僕
之後另一集講到張振朗叫陳瀅清潔房間，當清潔洗手間時，張振朗行入去，就見到着住一身女僕裝嘅陳瀅浸喺浴缸中，張振朗即進入「FF」mode，幻想對方濕身色誘自己，陳瀅單眼放電又咬唇，小編已經不行了……
沙灘女皇
現年27歲嘅陳瀅有樣有身材，鬼妹仔性格夠晒豪爽，泳衣照當然少不了！
半透明的舞孃
陳瀅鍾意哂Body唔係咩新鮮事，早喺寫真集《半透明的舞孃》入面，佢就已經影過半裸照，只遮三點，勁大膽！
陳瀅BB靚女得嚟又唔係一般大眾臉，反而有一種奸奸哋、姣姣哋嘅感覺，更令人欲罷不能；另外身材好得嚟又唔係四肢勁纖細，而係較圓潤、有肉地，正呀！
