陳自瑤

TVB聯乘淘寶直播︱陳自瑤接棒親身上陣直播帶貨 曾經帶貨帶到崩潰爆喊

最新娛聞

廣告

近年不少藝人都開始直播帶貨賺到盆滿缽滿,TVB亦不甘示弱加入戰場,近年與淘寶聯手一起推出跨境電商直播。繼「雙陳」陳豪和陳敏之早前直播帶貨六小時之後,近日TVB宣佈陳自瑤(Yoyo)將會成為接棒做第二場直播帶貨。不過信心爆棚嘅陳自瑤卻曾經試過在節目中因為帶貨帶到太大壓力而崩潰大哭!

陳自瑤接棒親身上陣直播帶貨

近年TVB與淘寶聯手一起推出跨境電商直播,第一場直播就邀請到陳豪同陳敏之,第二場就搵嚟曾經在直播帶貨節目《識貨》中勇奪冠軍的陳自瑤接棒帶貨。陳自瑤在接受訪問時,表示既興奮又緊張,認為今次直播帶貨對自己是一個大挑戰:「我未試過正式真係做一個咁大型嘅直播帶貨Show,仲要係淘寶咁大嘅平台,所以都好緊張,對自己嚟講都係好大嘅挑戰。今次挑戰六小時直播帶貨,都係人生從未做過嘅嘢。」

陳自瑤 陳自瑤將會接陳豪、陳敏之棒,成為第二位TVB藝人主持長達六小時的直播帶貨節目。
陳自瑤將會接陳豪、陳敏之棒,成為第二位TVB藝人主持長達六小時的直播帶貨節目。(圖片來源:IG@chenchiyiu)
陳自瑤 Yoyo仲自爆自己私下係慳妹一名,每次買嘢都會精挑細選,會盡量幫觀眾們講價。
Yoyo仲自爆自己私下係慳妹一名,每次買嘢都會精挑細選,會盡量幫觀眾們講價。(圖片來源:IG@chenchiyiu)

曾經帶貨帶到崩潰大喊

去年在無綫直播帶貨節目《識貨》中,參賽者入面有陳自瑤、黎諾懿、黃建東、何遠東同DJ路芙等。毫無帶貨經驗的陳自瑤在比賽初期表現麻麻,更被評判即場兜口兜面話唔掂,搞到陳自瑤在鏡頭前落淚。當日陳自瑤兩度接受訪問都忍唔住爆喊,更直斥上錯賊船,她表示自己只是一個演員,入行至今從未遇過如此強烈的挫敗感,所以情緒有點波動,對自己失望而灑淚。不過到最後陳自瑤越戰越勇,最後更勇奪節目的冠軍寶座。

陳自瑤 Yoyo曾經參加過去年TVB直播帶貨節目《識貨》。
Yoyo曾經參加過去年TVB直播帶貨節目《識貨》。(圖片來源:TVB提供)
陳自瑤 不過毫無經驗的Yoyo在直播帶貨環節中,表現失準,遭到在場評判狠批,聽完評判的劣評Yoyo忍唔住當場喊出來。
不過毫無經驗的Yoyo在直播帶貨環節中表現失準,遭到在場評判狠批,聽完評判的劣評Yoyo忍唔住當場喊出來。(圖片來源:TVB提供)

於節目中打敗過帶貨前輩細細粒陳嘉佳

「細細粒」陳嘉佳繼去年年中離巢後北上發展,轉型做飲食KOL之餘,又加入直播帶貨行列。陳嘉佳近排每次做直播都賺到笑,更曾經試過直播帶貨一晚賺7位數,搖身一變變成小富婆。不過於拍攝節目《識貨》當時陳嘉佳完全唔夠陳自瑤嚟,陳自瑤仲一度打敗陳嘉佳,成功躋身決賽,令不少網民都更加期待實力有返咁上下嘅陳自瑤所主持的帶貨直播節目!

陳自瑤 北上發展做KOL嘅陳嘉佳最近每次做直播都賺到笑,更曾經直播帶貨一晚賺7位數
北上發展做KOL嘅陳嘉佳最近每次做直播都賺到笑,更曾經直播帶貨一晚賺7位數(圖片來源:IG@siupochankakai)
陳自瑤 不過陳嘉佳都唔夠陳自瑤嚟
不過陳嘉佳都唔夠陳自瑤嚟。(圖片來源:TVB提供)
陳自瑤 於直播帶貨節目中約戰越勇。
於直播帶貨節目中約戰越勇。(圖片來源:TVB提供)
陳自瑤 最後在節目中勇奪冠軍。
最後在節目中勇奪冠軍。(圖片來源:TVB提供)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@chenchiyiu、TVB提供、IG@siupochankakai