39歲陳自瑤起床素顏拍Vlog:希望唔好嚇親大家 網民錯重點:自爆一個人瞓雙人床
39歲陳自瑤(YoYo)近日以「起床全素顏大公開」拍Vlog,拍下在床上剛瞓醒的模樣,唔介意近鏡拍攝至毛孔、乾紋、暗瘡都清晰可見,YoYo笑言希望真面目唔會嚇親大家,不過有網民卻錯重點留言問枕邊人王浩信去咗邊?追問係咪單人瞓雙人床,婚姻狀況始終令大家最感好奇﹗
文:東方新地|圖:陳自瑤YouTube影片截圖
陳自瑤睡眼惺忪在床上拍Vlog,最初以手遮樣。(圖片來源:陳自瑤YouTube影片截圖)
陳自瑤以全素顏示人,不過網民只八卦她的枕邊人在哪﹗

陳自瑤全素顏拍Vlog
天生麗質陳自瑤,入行十七年,被網民激讚凍齡有方,與初出道《四葉草》系列劇集時沒太大分別。陳自瑤自2月在YouTube開設個人頻道後,現有約6.7萬訂閱者,她不時與網民分享其養生及美容之道。

陳自瑤以「起床全素顏大公開」為題,首次公開全素顏。片段中開首素顏陳自瑤頭髮略帶凌亂睡全白的雙人床上,邊用攬枕遮住小半邊臉,懶洋洋同大家講早晨,然後話:「今日係我第一次拍Vlog啦,都係我第一次啱啱起身全素顏啦,都覺得自己好勇敢,希望唔好嚇親大家,我今日會做咩呢,就係會去影相嘅,造型師同講帶個人去得喇,所以我自己影啲咩都未知,如果大家想睇影一輯相嘅流程呢,跟我嚟啦﹗」

網民追問枕邊人王浩信喺邊
雖然陳自瑤話怕嚇親大家,但膚色白滑通透,再一次證明天生麗質,大家對YoYo如此真我展現真面目都讚好,不過有網民卻錯重點,對YoYo瞓在雙人床的枕邊人最有興趣,留言問「雙人床旁邊冇人?」、「果然唔係同王生同床」、「王浩信去咗邊?」、「自揭雙人床的秘密」、「係咪有事要宣布?」等。
