陸詩韻

41歲陸詩韻棄幕前誤打誤撞進軍護膚界 經歷生意失敗陷低潮:覺得自己好垃圾

最新娛聞

廣告

香港開電視新節目《有種老闆娘》最新一集邀請了陸詩韻(Sharon)擔任嘉賓。由選美出身到轉型成為護膚品牌老闆娘的陸詩韻,自言上半場人生沒有規劃,參加選美只為圓夢,而2013年經歷生意和感情失敗,令她跌進低潮期,雖然大受挫折,卻令她重整思維,成就了今日的事業。

陸詩韻 香港開電視新節目《有種老闆娘》由可宜主持,逢星期一至五晚上10時30分播映,節目邀請多位職場女強人,分享事業心得及感情事。
香港開電視新節目《有種老闆娘》由可宜主持,逢星期一至五晚上10時30分播映,節目邀請多位職場女強人,分享事業心得及感情事。(圖片來源:開電視提供)

陸詩韻參加參美圓夢

陸詩韻在節目中自言生活規律,日出而作日入而息,被問到人生是否同樣有規劃?她坦言上半場人生毫無規劃:「求其參加選美,只為一圓心願,因為細個好鍾意同隔離鄰舍玩選美,大個咗覺得有機會咪試下,跟住順理成章入娛樂圈,完全冇諗過要喺娛樂圈創一番事業,喺娛樂圈四年,屋企本身做製衣生意,之後爸爸叫我返去幫手,考慮咗幾個月,就返咗去,繼而之後自己首次創業開咗間貿易公司,發展自己生意。」

陸詩韻是2005年香港小姐亞軍。
陸詩韻是2005年香港小姐亞軍。(圖片來源:新傳媒資料庫)
參選港姐之前,陸詩韻擔任過空姐。
參選港姐之前,陸詩韻擔任過空姐。(圖片來源:新傳媒資料庫)

陸詩韻目標45歲退休

直到2013年經歷人生低潮,令陸詩韻改變了,變得更謹慎及充滿規劃,她謂:「第一次創業,奈何同拍檔誤會,發展唔好;2013、14年可以話係經歷人生最多失敗嘅年份,但如果冇呢兩年,我諗自己唔會醒覺到原來(自己嘅)思維咁唔成熟;當年嘅挫敗,令我覺得自己好垃圾,當時有好多唔好嘅報道,有段時間唔想面對任何朋友,只匿喺公司同屋企,自信心低到喺街行過,都覺得人哋係講緊自己。」幸好家人的支持,為陸詩韻提供了避難所,令她可以在沉澱過後重新振作,成為今天的護膚品牌老闆娘,她表示:「有失敗嘅經歷係好事,每個經歷都學到嘢,如果我而家先跌倒,唔知仲會唔會有戰鬥力企番起身。」

陸詩韻透露早年的失敗令她重整思維,成就了今日的事業。
陸詩韻透露早年的失敗令她重整思維,成就了今日的事業。(圖片來源:開電視提供)

陸詩韻最初打算做珠寶生意

在節目中,陸詩韻透露起初打算做珠寶生意,但有一天照鏡,發現自己沒有時裝觸覺,因而打消念頭,貪靚的她,注重肌膚保養,繼而啟發她開展護膚品生意,而問到她是否已定下45歲為退休目標,她笑說:「哈哈,係呀,唔係一定要成功先退休,45歲前不停咁跑,有啲攰,所以想45歲後享受人生。」

陸詩韻
(圖片來源:開電視提供)
41歲陸詩韻依然Keep得好好。
41歲陸詩韻依然Keep得好好。(圖片來源:IG@sharonluk1229)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:新傳媒資料庫、開電視提供、IG@sharonluk1229