難頂老外男友太熱情 袁嘉敏嗌分手
廣告
袁嘉敏提出分手原因，除了佢經常返內地工作，聚少離多致二人感情轉淡之外，嘉敏更指Kenneth太大男人，接受唔到佢拋頭露面：「同佢拍拖第一日，佢已經知我係artists，但佢覺得自己係business man，每次見到報紙雜誌有我哋合照，佢都會好緊張，叫朋友、夥記翻譯俾佢知。當佢知道篇報道唔係100%描述得佢啱嘅時侯，佢就會好嬲，我有同佢嘈過，亦試過同佢解釋，甚至同佢道埋歉。咁我一步步努力工作，到今日有人識，有咗名氣，但佢唔可以怪個女人有名氣，每次同佢解釋都令到我好攰！」
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk
延伸閱讀：
《人在邊緣》六大精采必睇位
花心洪永城被爆翻撻舊愛
難頂對方太熱情
袁嘉敏表示就算已同Kenneth分手，但互相仍深愛對方，不過大家文化差異實在太大，尤其頂唔順Kenneth愛當街親熱，令佢感到極尷尬：「佢鍾意大街大巷好熱情咁又攬又錫，但佢有6呎3吋高，而我得5呎4，所以每次同佢企喺度錫，我都要好大動作，咁條街有人認得我，對我指指點點，有時佢太肉緊嗰陣，我都會推開佢。我覺得做呢啲親熱行為，真係要去啲private啲嘅地方。」
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
