青春不要臉|余德丞神還原劉德華兩次心口碎大石 為求逼真狂煲舊片
文:東方新地|圖:《青春不要臉》劇照、《青春不要臉》截圖、IG@yuduck
青春不要臉|出現肥姐踩雞蛋、發哥噴火輪畫面
昨晚(27日)劇情講述德榮(余德丞)與妍妹(伍樂怡)及妍妹細妹之雁(劉穎鏇) 齊齊在家中觀看台慶,席間三人對肥姐的踩雞蛋及發哥的「噴火輪」表演嘆為觀止,德榮更嚇到腳軟並感嘆謂:「咁危險,會出人命㗎喎?!」
![青春不要臉|余德丞神還原劉德華心口碎大石 為求逼真狂煲1983年《星光熠熠》舊片](https://imgs.orientalsunday.hk/wp-content/uploads/2022/01/bbfb8dbd-43ae-4dd3-94ad-e9d7446065d7_82948331261f3b2e65c6d4.jpeg)
豈料鏡頭一轉,德榮(余德丞)已「肉隨砧板上」,原來公司安排了在藝訓班功夫堂屢次「墊底」的他,在《星光熠熠勁爭輝》中表演心口碎大石,並由台慶武指吳俊立(李家鼎飾)進行特訓。經過多輪艱苦訓練,德榮終在螢光幕前作正式演出,同場的之雁看得相當肉緊。
![(圖片來源:《青春不要臉》截圖)](https://imgs.orientalsunday.hk/wp-content/uploads/2022/01/screenshotter-mytvsuper-2007-1_95214937661f3b3c491d9f-1024x576.jpg)
余德丞:我真係睇咗條片無數咁多次
事後問到余德丞埋位拍攝前有沒有翻看劉德華當年(1983年)的演出片段作練習,以及拍攝期間會否很危險時,Dickson回應謂:「我哋全程都係對住華仔當年條片嚟拍嘅。其實我自己真係睇咗條片無數咁多次,主要係想拍嗰陣盡量跟番啲位同動作要一模一樣,因為唔知道個後期會點做,所以跟番足就最好。」
![睇到好緊張﹗(圖片來源:《青春不要臉》截圖)](https://imgs.orientalsunday.hk/wp-content/uploads/2022/01/screenshotter-mytvsuper-1959_625061061f3b40b03493-1024x576.jpg)
余德丞:好佩服華仔咁賣命
余德丞又話:「拍嗰陣係有少少危險嘅,因為雖然嗰塊唔係真嘅石頭,但因為個物料都好粗糙,所以喺冇著衫嘅情況之下一定會刮到同埋會損晒。所以佢哋打塊石嘅時候,啲碎一定會飛落個身同埋塊臉度。但你話係咪好危險呢?當然唔係啦,只係因為想盡量像真,所以會有一定嘅難度喺度。真係好佩服當年嘅藝人為咗籌款可以咁勇敢專業同埋賣命,真係好值得我哋學習。」
![(圖片來源:《青春不要臉》劇照)](https://imgs.orientalsunday.hk/wp-content/uploads/2022/01/h210301_29_128216722461f3b4225ccd0-1024x683.jpg)
![碎石後還要吐血!原來是參考了劉德華91年另一次公開表演⋯⋯(圖片來源:TVB.com)](https://imgs.orientalsunday.hk/wp-content/uploads/2022/01/yu9-at-12.33.21-am_98067593561f41bf34a877-731x1024.jpg)
重溫廿九年前劉德華心口碎大石
1983年劉德華在《星光熠熠勁爭輝》(《星光熠熠耀保良》前身)中表演心口碎大石,當時劉德華先與苗僑偉、梁朝偉、黃日華和湯鎮業以「五虎」陣容,表演多人單車、人體疊羅漢等,之後到劉德華表演心口碎大石,當晚司儀何守信不停問:「華仔你得唔得?我雖然係隊長,但太驚我入番去先﹗」
![司儀何守信同苗僑偉。(圖片來源:TVB)](https://imgs.orientalsunday.hk/wp-content/uploads/2022/01/-2022-01-28-5.50.45-copy_48919547161f3bcde52643.jpg)
![劉德華脫去上衣好健碩。(圖片來源:TVB)](https://imgs.orientalsunday.hk/wp-content/uploads/2022/01/-2022-01-28-4.33.44-copy_86958971961f3b91e61606.jpg)
![被兩大嚿石責住的華仔,被苗僑偉問心情﹗(圖片來源:TVB)](https://imgs.orientalsunday.hk/wp-content/uploads/2022/01/-2022-01-28-4.35.23_23483118861f3b9510d431.png)
91年劉德華再上演心口碎大石後吐血
8年過後,已經成為電影界大紅人的劉德華,在1991年7月尾的華東水災賑災義演上,再次表演「心口碎大石」,這是他第二次在公開直播表演 ,由於覺得演出駕輕就熟,加上當時與周星馳剛完成《賭俠》的拍攝,可能受周星馳的「無厘頭」出位作風影響,劉德華上演了一場「扮吐血 」的鬧劇:
![1991年演藝界齊心為華東水災在大球場籌款﹗(圖片來源:《東方新地》013期)](https://imgs.orientalsunday.hk/wp-content/uploads/2022/01/-2022-01-28-3.28.31_134615788661f3c7a69595f.png)
話說劉德華與部份工作人員夾好,碎石之後先「扮暈」,再要求用毛巾擦汗(裡面放了血漿),擦汗時候就吞了一啖血漿,當時台上主持人肥姐(沈殿霞)並不知情,眼見劉華碎石後吐血,當場嚇到喊,台下Fans也十分擔心,原本以為好好玩的劉德華,結果收到大量投訴,最後要公開為此道歉收場。
![劉德華重現在1983年心口碎大石演出去籌款,大傻及陳欣健都在台上﹗(圖片來源:《東方新地》013期)](https://imgs.orientalsunday.hk/wp-content/uploads/2022/01/135fde1e-7e32-40ec-8765-5419f1e9841a_133743828161f3c7ab12088.jpeg)