食麵後返歸 生電王龔嘉欣黐人夫

食麵後返歸 生電王龔嘉欣黐人夫

最新娛聞

廣告

出道8年嘅26歲龔嘉欣,代表作真係冇人記得起,反而緋聞卻一籮籮!於2010年與鄧健泓相戀兩年後分手,單身後經常被指向拍檔放生電,黃宗澤、沈震軒、陳展鵬、吳業坤、袁偉豪及張振朗等男伴轉不停!日前,龔嘉欣被影到跟一高大男子撐枱腳食麵後,與對方返將軍澳香閨!有報道指該型男原來係人夫兼富二代郭俊豪(Alan),仲有兩名兒子!唔通嘉欣玩厭小生,呢次轉黐人夫試新口味!?

延續閱讀︰

是旦噏勁高質 林海峰狂爆金句

懷念癲喪杜如風?ViuTV有得重溫

速食半粒鐘趕返歸

龔嘉欣樣靚身材正,緋聞多無可厚非!不過,最近有報道指龔嘉欣上月跟Alan到深水埗一出名麵檔撐枱腳,二人當時肩並肩進入店中,可能怕被人認出,嘉欣全程警覺性極高,經常眼望門外,但期間依然忍唔住跟Alan情深互望,嘉欣亦不時展現甜絲絲的笑容,成個如沐春風樣!速食半粒鐘後,Alan反客為主駕駛嘉欣座駕,直接駛往嘉欣位於將軍澳香閨繼續談心!落車時,嘉欣依然提高警覺,跟對方前後腳落車,當時型男拿着一個袋先落車,5分鐘後嘉欣才敢落車!期間嘉欣發現有記者跟蹤,為求甩身即兜路行至香閨!

幾日之後,Alan再次現身,今次他駕駛嘉欣座駕直駛天后廟會朋友,嘉欣同Alan些牙一架車,絕非普通朋友咁簡單!問到係咪拍拖,嘉欣有備而來說:「唔係拍拖,純粹係朋友幫我拎架車去整,冇諗到變咗新聞,自己都要講番聲唔好意思,影響到朋友,一直都單身,多謝大家關心。」

人夫Alan一家四口照

至於呢位人夫郭俊豪(Alan)係富二代,負責打理家族生意,與老婆育有兩名兒子,不時於社交網貼出三父子合照,有指Alan趁老婆返溫哥華即偷會嘉欣。

氹嘉欣Alan送花?

去年尾,嘉欣兩次於社交網晒收花相,留言係神秘人送花,似乎有追求者出現,睇嘉欣拎住紮花嘅嘴角含春樣,唔通啲花係Alan送?

生電王 緋聞多

26歲嘅龔嘉欣入行後緋聞多多,只曾認與鄧健泓拍拖,而跟對方分手後,經常跟小生或奀星傳緋聞,十隻手指數唔晒,極之雜食!

 

趙永康

08年,龔嘉欣與衛詩當時的男友關楚耀傳緋聞,同年10月又與hea爆港姐張舒雅的補習天王男友趙永康爆戀情,流出嘉欣抱緊對方的親密相。

周國賢

09年1月,有指嘉欣與周國賢在日本拍節目,對人夫周國賢「嗒糖」,半夜闖對方房間,事後傳嘉欣被無綫高層警告。

鄧健泓

兩人於2010年拍劇集《隔離七日情》撻着,有傳二人同居,惟因性格不合拍拖兩年分手,嘉欣更激瘦得95磅。及後再傳出與香港先生許家傑撻着,被許的圈外女友在微博鬧爆狐狸精。

沈震軒

2013年嘉欣和沈震軒傳出緋聞,兩人經常被影到一齊行街,但最後都無疾而終。翌年傳嘉欣戀上富二代陳世俊,有指男方投資salon給女友打骰,嘉欣以老闆娘身份現身開張派對。

陳世俊

13年,嘉欣搭上有米男友陳世俊,結伴到長洲食海鮮。嘉欣更於男友位於天後廟道住所離開,當時發展到半同居地步,之後男方更車嘉欣返回調景嶺家中換衫。

袁偉豪

13年跟袁偉豪拍劇集《師父.明白了》,二人於冬天拍外景時,有指嘉欣主動送暖包予衣衫單薄的袁偉豪,以博對方歡心!

陳展鵬

14年9月龔嘉欣被本刊影到跟陳展鵬等人打邊爐,期間嘉欣向展鵬狂放電,不時向對方冧笑,但被記者撞破後,嘉欣即露出驚訝表情!

張振朗

去年拍《愛‧回家》時,有傳龔嘉欣力媾演其老公的張振朗,有目擊者指龔經常黐身黐勢,其中一次張振朗正印女友陳芷尤亦在場,激到當場扁嘴怒睥龔嘉欣。

吳業坤

去年嘉欣和坤哥拍《愛.回家》傳姊弟戀,坤哥在叱咤頒獎禮獲獎,嘉欣在微博留言:「我願意成為你的陽光。」最後兩人結拜上契「終結」感情。

黃宗澤

於新劇《幕後玩家》演黃宗澤老婆的龔嘉欣,於煞科宴上,有指嘉欣全程霸住Bosco唔肯行開,仲要又錫又攬,不知幾主動!

張景淳

今年與張景淳到深圳拍王晶新劇《賭城群英會》,二人撇甩大隊撐枱腳,雖然只是食漢堡包,但龔嘉欣的電力例不虛發,過馬路時更拉實張景淳手臂,之後雙雙返回下榻酒店。

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!