飯戲攻心

飯戲攻心|陳詠燊導演片中埋藏10大隱喻 網民驚訝走漏眼倡入場睇多幾次

最新娛聞

廣告

《飯戲攻心》被指是難得一套真正的港產片, 網民大讚導演兼編導陳詠燊Sunny的功力,「唔玩食字,唔玩粗口、唔玩低俗,用一句句對白去搞笑,但又笑中有訊息有眼淚」。電影更暗藏至少10大隱喻,等待大家發掘,不少網民指「睇漏咗」,要入場睇多幾次慢慢分析!

結婚週年禮物推薦
飯戲攻心 隱藏訊息 飯戲攻心 《飯戲攻心》六位演員首次合作,演出好有火花!
《飯戲攻心》六位演員首次合作,演出好有火花!(圖片來源:IG@sunnyhahaha_chan)

注意:以下內容含部分劇透

飯戲攻心|連嚿叉燒都有message?﹗

《飯戲攻心》由黃子華、鄧麗欣Stephy、林明禎、張繼聰、王菀之及陳湛文主演,網民指六人在電影各有功能,夾埋就產生化學作用,互不搶到大家的戲。《飯戲攻心》票房衝破3千萬,連續12天成為票房第一。電影當中至少9大訊息,網民指:「唔係冚家辣啲夾硬食字笑話囉。」

飯戲攻心 隱藏訊息 飯戲攻心 陳詠燊導演分享拍攝《飯戲攻心》宣傳片花絮。
陳詠燊導演分享拍攝《飯戲攻心》宣傳片花絮。(圖片來源:IG@sunnyhahaha_chan)

1.「煮飯婆」好辛苦

在《飯戲攻心》戲中負責煮飯的王菀之,想講出屋企負責煮飯嗰位好重要,往往被忽視,其實煮飯都係一門學問,由安排煮飯的先後次序,去控制所有餸上枱時的溫度,絕對唔容易,但負責食嘅通常都係老馮兼唔會珍惜,仲嫌三嫌四。

飯戲攻心 隱藏訊息 飯戲攻心 王菀之同「三弟」陳湛文發展姊弟戀。
王菀之同「三弟」陳湛文發展姊弟戀。(圖片來源:《飯戲攻心》劇照)
飯戲攻心 隱藏訊息 飯戲攻心
(圖片來源:《飯戲攻心》劇照)

2.做大佬的辛酸

黃子華在戲中的大佬,有啲人睇落正常,其實自己收埋不少重擔,正如林明禎一句點題的對白:「拼命想為人帶來快樂的那個人,才是最不快樂的吧。」係畫龍點睛,戲中黃子華接替父母,成為家庭支柱,乜都要死頂,就算細佬追了前大嫂都要頂住,人哋開心之時就係自己最唔開心嘅時候,網民指勁有共鳴「無論工作、家庭中的大佬,做過先會明,睇到眼濕濕」。

飯戲攻心 隱藏訊息 飯戲攻心 黃子華在戲中飾演大佬陳鴻。
黃子華在戲中飾演大佬陳鴻。(圖片來源:《飯戲攻心》劇照)

3.港人移民問題

電影有港人最切身的移民問題。戲中阿媽一句「住夠就好走,行遠啲啦」之後黃子華就話「畀啲時間我」,反映現今港人對移民的掙扎。而係尾一幕廖子妤客串做黃子華的媽媽帶出,「邊度有家人邊度就係家,地點唔重要,最緊一頭家團結」,獲讚電影難得唔難尾收得好靚,仲解答了黃子華一直想知的問題。

而黃子華代表「留港派」最後都有租番間屋,另外二佬張繼聰對住個招牌一段戲,街外人睇落無福,但最緊要是自己知道呢個係福,自己知香港有值得留戀嘅地方就。

飯戲攻心 隱藏訊息 飯戲攻心 廖子妤右)客串有驚喜!
廖子妤(右)客串有驚喜!(圖片來源:IG@sunnyhahaha_chan)
飯戲攻心 隱藏訊息 飯戲攻心 網民指電影之所以成功,是因為黃子華今次沒有參與創作,而導演陳詠燊亦指有改對白習慣的黃子華,今次一句對白都無修改。
網民指電影之所以成功,是因為黃子華今次沒有參與創作,而導演陳詠燊亦指有改對白習慣的黃子華,今次一句對白都無修改。(圖片來源:IG@sunnyhahaha_chan)

4.「叉燒」的喻意

三兄弟話老竇整嘅叉燒好難食,第一次黃子華聽到時候大發雷霆。後來第二次黃子華因為獲得林明禎送的眼鏡,解決眼睛色盲問題,終於分辨到顏色整到叉燒,但依然好難食。但大佬仍然話:「難食但平嘅叉燒都有佢嘅需要,唔係邊有平價飯同常餐叉燒意,最緊要係養大一家」,網民大讚夠晒貼地,反映一般市民生活、工作平凡,但其實都喺社會其中一粒螺絲,只要養到家,無需自卑亦唔好自大。亦道出「阿爸的味道」其實係因為「回憶加分」大家冇必要一定要話以前所有事物都一定係好。

飯戲攻心 隱藏訊息 飯戲攻心 黃子華和張繼聰飾演兩兄弟,更「爭女」。
黃子華和張繼聰飾演兩兄弟,更「爭女」。(圖片來源:《飯戲攻心。劇照)
飯戲攻心 隱藏訊息 飯戲攻心 鄧麗欣飾演大佬黃子華前度,二佬張繼聰現任女友。
鄧麗欣飾演大佬黃子華前度,二佬張繼聰現任女友。(圖片來源:《飯戲攻心》)

5.一家人不論血脈最緊要有感情

戲中黃子華一家三口係唔同媽媽所生,但係家人就係家人,唔會變,雖然二佬冇咁「親」,但三兄弟仍然互相想互相幫助。

飯戲攻心 隱藏訊息 飯戲攻心 電影本來是賀歲片,因疫情延期,在中秋檔期上映,上映首日票房已破紀錄。
電影本來是賀歲片,因疫情延期,在中秋檔期上映,上映首日票房已破紀錄。(圖片來源:《飯戲攻心》宣傳片截圖)

6.文物保育唔真心

戲中有一段講到鄧麗欣工作的地方,做完一次「集體回憶」展覽之後,就話要掉走所有用過但有文化價值的展覽品,鄧麗欣同公司抗衡,點知公司都唔打算留低鄧麗欣,暗指好多人消費完集體回憶或者文化保育為由呃Like呃流量但最後都係掉埋一二邊。

飯戲攻心 隱藏訊息 飯戲攻心 林明禎被讚不是花瓶,令人有驚喜。
林明禎被讚不是花瓶,令人有驚喜。(圖片來源:《飯戲攻心》)

7.疑暗示好多人中文差

戲裏面黃子華指責張繼聰「勾義嫂」在先,王菀之就答:「你係大佬,佢係勾大嫂,佢係二佬你搶佢(鄧麗欣)返來你先係勾二嫂。識唔識數學?」黃子華就反駁「勾義嫂」係義氣個義,唔係數目字「二」。結果去到全戲尾段,陳湛文又講一次黃子華勾「二」嫂,激到黃子華冇聲出:「係咪冇人識中文呀!」

飯戲攻心 隱藏訊息 好多網民都表示自己都唔知原來係義氣個義
好多網民都表示自己都唔知原來係義氣個義(圖片來源:《飯戲攻心》)

8.探討電競生態

現今社會對電競仍未給予肯定,唔認為是一項正式運動,更定性為失敗,而且好快消失,但電影都有表示電競都有另一種發展,未來未必不成功。

飯戲攻心 隱藏訊息 飯戲攻心 陳湛文飾演陳熹,是一名電競手。
陳湛文飾演陳熹,是一名電競手。(圖片來源:《飯戲攻心》劇照)

9.版權問題

講了好多年的版權問題,始終未有多少人會重視,電影中有一段對白,黃子華話自己平時影相都係「抄」但冇人指出問題,結果自己度橋就被人話抄襲,亦都係講緊好多人分辨唔到版權的是非。

飯戲攻心 隱藏訊息 飯戲攻心 鄧麗欣近來四出謝票。
鄧麗欣近來四出謝票。(圖片來源:IG@stboo)

10.香港真係好靚

最尾幾幕,以航拍方式拍下多角度香港夜景,就像坐飛機離開時所見到的畫面,萬家燈火,用畫像同大家講「香港真係好L靚」。電影用了張學友的經典情歌《還是覺得你最好》,歌詞「但我不懂說將來 但我靜待你歸來」、「即使你離闕,我熱情未改 這漫長夜裡,誰人是你所愛」用情歌去配合套戲的中心意思。

飯戲攻心 隱藏訊息 飯戲攻心
(圖片來源:《飯戲攻心》宣傳片截圖)

張繼聰同鄧麗欣更特登拍一條片玩下集體回憶對應香港主題!

《飯戲攻心》要睇多幾次先會明?

導演陳詠燊表示電影暗藏至少10大隱喻,等待大家發掘,不少網民指「睇漏咗」,要入場睇多幾次先,一齊嚟睇下詳見:電影當中9大訊息

「Double May」有咩起源呢?

「Double May」據聞是跟一個台灣流傳的笑話有關⋯⋯詳見:林明禎被笑係Double May?

關鍵詞
飯戲攻心
撰文:東方新地(部分內容轉載 New Monday)圖片來源:IG@sunnyhahaha_chan、《飯戲攻心》劇照、IG@stboo資料或影片來源:youtube@安樂影片