香港小姐

2022香港小姐|5佳麗確診準決賽取消 曾志偉復工稱損失約600萬

最新娛聞

廣告

繼上周TVB總經理曾志偉宣布確診新冠肺炎之後,在8月30日TVB再宣布有五位佳麗受到感染後,日前(8月31日)再發新聞稿,宣布取消2022香港小姐準決賽,而一眾佳麗將會一同參與決賽。及後,總經理曾志偉康復後現身交代損失,指準決賽舞台製作費約600萬全報銷!

香港小姐冠亞季軍揭曉
香港小姐
(圖片來源:TVB娛樂新聞台截圖)

TVB取消香港小姐2022準決賽新聞稿

TVB在8月31日發出新聞稿,宣佈取消準決賽,並提供最新節目安排:

原定於9月4舉行嘅《2022香港小姐競選》準決賽,因為日前有5位候選佳麗不幸確診covid-19,為讓一眾感染者有充足時間康復,大會今日(31日)公佈,決定取消原定9月4號星期日舉行嘅準決賽,並會將準決賽同決賽二合為一,19位候選佳麗將直接參與9月25嘅喺紅館舉行嘅《2022香港小姐競選》決賽。

香港小姐2022
(圖片來源:[email protected]

5確診佳麗名單流出

據指本地報道指,19位候選港姐馬不停蹄排練及開工,而5位確診候選佳麗分別是陳銘鳳、何思懿、邢慧敏、何詩琪及楊溢。報道指,邢慧敏及何詩琪前日開工前快測後證實「中招」,其他佳麗則繼續拍攝工作,其後在工作完成後,陳銘鳳、何思懿及楊溢才獲知確診。

香港小姐2022 《2022香港小姐競選》早前公佈20位入位佳麗,當中相貌平平的9號佳麗陳銘鳳原來大有來頭,是網紅也是老闆。
(圖片來源:TVB)
香港小姐
(圖片來源:TVB)
香港小姐
(圖片來源:TVB)

相關文章:香港小姐2022|邢慧敏確診後收到邪惡外賣:自爆自己從不節食

香港小姐
(圖片來源:TVB)
香港小姐
(圖片來源:TVB)

曾志偉復工交代損失「5、600萬㗎」

上星期確診肺炎的總經理原來已經在日前復工,他接受訪問時更透露因為準決賽取消,該舞台製作共花費逾5、600萬元將要報銷,包括台中的水池、大型屏幕、升降台等等:「冇辦法啦,人生就係咁,好多意外就係意料之外。」他指現時要主力做好港姐總決賽。為免再有佳麗受感染,亦有措施配合,志偉表示:「喺佢哋驗到一線(陰性)之後,我哋就會將所有佳麗集中埋一齊,點對點返公司綵排,然後返酒店,確保25號順順利利去進行。」

TVB就本屆港姐染疫發出的聲明:

《2022香港小姐競選》大會接獲5位候選佳麗受2019冠狀病毒感染消息,大會已即時安排各候選佳麗作核酸檢測,嚴格遵守防疫抗疫措施,暫停各項目綵排及宣傳工作,以保障候選佳麗、台前幕後團隊、與及參與者免進一步感染。
大會同時宣布原定周日(9月4日)晚上8時30分舉行之《2022香港小姐競選準決賽》將延期舉行,以騰出充裕時間待受感染者康復並繼續投入競選活動。
電視廣播有限公司
企業傳訊部
2022年8月30日

香港小姐 曾志偉
69歲曾志偉發聲明直認確診,一度缺席《獎門人》錄影。(圖片來源:TVB提供)

《香港小姐競選2022》19位佳麗曬泳裝 「爆炸頭」Astrid徐麟、何思懿身形最豐滿

港姐著泳裝,第一眼自然會聚焦喺佳麗身形,今屆上圍最豐滿嘅佳麗分別為「爆炸頭」徐麟同何思懿,上圍數字同樣係35吋。對於擁有豐滿上圍會唔會更自信,徐麟表示唔同身形有唔同風格,唔會特別去比較邊位佳麗靚啲;何思懿就大讚好多位佳麗身形都好好,亦好滿意特訓成果,但仲想減多3公斤。

香港小姐 「爆炸頭」徐麟上圍:35-24 -36
「爆炸頭」徐麟三圍:35-24 -36(圖片來源:《娛樂新聞台》節目截圖)
香港小姐 何思懿上圍:35 -24-35
何思懿三圍:35 -24-35(圖片來源:《娛樂新聞台》節目截圖)

「星二代」林鈺洧驚現巨腩

林鈺洧爸爸係林俊賢,作為「星二代」佳麗,參選前已備受傳媒關注。林鈺洧因為做過模特兒,所以呢日著泳衣對鏡頭基本上都好淡定,不過同眾佳麗合照時突然鬆咗一下,就俾傳媒影到個巨腩,同特訓後嘅纖細手腳形成極大對比。林鈺洧事後接受訪問,佢透露參選後體重一共減咗7公斤,但對自己身形都未算滿意,因為而家淨係食少少水果,肚腩仔都會現出嚟,睇嚟佢呢個月喺修身方面要再加把勁喇!

香港小姐 林鈺洧透露參選後體重一共減咗7公斤,但對自己身形都未算滿意。
林鈺洧透露參選後體重一共減咗7公斤,但對自己身形都未算滿意。(圖片來源:《娛樂新聞台》節目截圖)
香港小姐 林鈺洧同眾佳麗合照時突然鬆咗一下,就俾傳媒影到個肚腩仔。
林鈺洧同眾佳麗合照時突然鬆咗一下,就俾傳媒影到個肚腩仔。(圖片來源:《娛樂新聞台》節目截圖)

立即重溫19位佳麗泳裝片段

19位佳麗經過一輪特訓著泳衣,都算有啲睇頭,你又睇好邊個?

1-7號佳麗全身照

8-13號佳麗全身照

14-20號佳麗全身照

常見問題

許子萱傳與其他佳麗不和?

有傳兩大「學霸佳麗」在受訓期間公然吵大鑊,又有傳兩人在眾佳麗中同樣人緣麻麻⋯⋯詳見:許子萱背景相當驚人

《Summer Girls》水著選美幾時播?

2022港姐正在進行得如火如荼,香港開電視亦唔執輸,打造了一個以水著為主題的選美節目《Summer Girls》,安排在9月⋯⋯詳見:開電視水著選美15位佳麗公開

圖片來源:《娛樂新聞台》節目截圖

讀者留言