馬國明為湯洛雯「黑面事件」解話大讚未婚妻影婚紗相靚到絕：佢真係好靚！

靚湯發布與馬明遊法甜蜜影片：感激馬先生每日駕車

靚湯早前被網民捕捉到與馬明遊法國期間黑面，今天（15日）在IG貼出「甜到漏」的影片，力證情不變。靚湯以英文寫道這次法國之旅是中部及北部自駕遊，暢遊了多個地方，包括雷恩（Rennes）、聖馬洛（Saint-Malo）、聖米歇爾山（Mont Saint-Michel）、翁弗勒爾（Honfleur）、埃特勒塔（Etretat）及魯昂（Rouen），「Our first europe trip together after 3 years of talking! We finally made it!! Thanks to mr ma for driving everyday and bringing me to see different amazing sceneries and architectures , feeling so spoiled（我倆說了三年的首個歐洲之旅，我們終於實現了！感激馬先生每日駕車，帶我去看不同的美麗風紀和建築，感覺被寵壞了）.」

馬國明湯洛雯兩個開心自駕遊。 — 兩個開心自駕遊。（圖片來源：IG@ roxannetong）

馬國明湯洛雯好Sweet，手拖手。 — 好Sweet，手拖手。（圖片來源：IG@ roxannetong）

馬明化身攝影師捕捉靚湯最美一面

片中所見，馬明化身靚湯御用攝影師，為拍未婚妻最美一面，而「男友視角」中的湯洛雯全程笑容滿面，絲毫沒有黑面以及不耐煩的樣子。但係靚湯影馬明就影到條頸一節節，攝影技術需要有待改善。

另外兩人在法國歎盡當地美食，其中在餐廳同框用膳的影片被兩倍速播放，經調慢速度後發現，原來靚湯一度主動餵馬明食薯條，冧爆的馬國明隨即滿足地瞇眼嘟嘴，網民睇完都寫道「好Sweet」、「被閃爆了」等留言。最後，湯洛雯預告稍後再分享第二站巴黎影片，未知屆時會否公開婚照呢？

馬國明否認靚湯黑面

馬明回港後接受訪問，強調影片中的靚湯完全冇嬲更親身還原當日行名店實況：「佢估唔到去到法國搵到一啲，香港排隊都唔會有嘅嘢，喺法國又畀佢排到，仲即刻買到，但係法國人節奏真係好慢，佢哋做嘢好Relax、好悠閒，所以好多時都要等，但我哋香港人生活節奏好快，就成日諗『得未呀？』、『咁耐嘅？』，其實（嗰陣）我哋心諗仲要等幾耐㗎，大家睇畫面以為好嬲，其實好開心。」

親口承認影婚紗相

他還承認2人去法國其實是影婚紗照，更大讚準馬太：「佢係好靚！我哋法國影咗6、7套衫，全部都好靚，佢依家係頭痛點揀啲相，我就覺得一來佢又fit咗，二來佢揀啲衫又好襯巴黎個環境，所以佢真係好靚。」至於何時會向外界公開婚紗相，馬明指要先等靚湯批准，揀好相才正式的外公布！

靚湯法國行名店疑黑面兼嬲嬲豬

有網民在法國老佛爺百貨（Galeries Lafayette）見到靚湯和馬明一起行街掃貨，但發現2人之間氣氛尷尬，從影片中可以看到，身穿短裙和大褸的湯洛雯和打扮則相對隨意的馬明，一同站在名店的櫃台前等待，不過未知是不是等待時間太長，抑或揀不到心頭好的關係，靚湯臉上明顯露出不悅表情，似乎相當不耐煩，等了一會更扁咀轉身離開，而且亦沒有理會過馬明。

馬國明湯洛雯身穿短裙和大褸的湯洛雯一面無奈地望實馬明。 — 身穿短裙和大褸的湯洛雯一面無奈地望實馬明。（圖片來源：小紅書圖片）

馬國明湯洛雯期間靚湯明顯表情不悅，馬明一臉擔心望實未婚妻。 — 期間靚湯明顯表情不悅，馬明一臉擔心望實未婚妻。（圖片來源：小紅書圖片）

馬國明湯洛雯她等了一會更扁咀轉身離開，而且亦沒有理會過馬明。 — 她等了一會更扁咀轉身離開，而且亦沒有理會過馬明。（圖片來源：小紅書圖片）

網民大讚馬明24孝男朋友

馬明則一手拿着白色購物袋，一邊目光不敢離開未婚妻，當靚湯轉身離開時，他的目光也緊緊隨着她，一副頭耷耷無辜的樣子。不少網民都表示，雖然馬明大過靚湯13年，但卻一副被對方食住的樣子，睇落很好欺負：「看着好好欺負的樣子」、「馬明好隨和，24孝男朋友」、「她是生氣了嗎？怎麼臭臉了？」、「應該是店員讓他們等候太久，表情有點不耐煩了」、「老婆感覺很強勢！」、「馬明一副被吸乾了陽氣的樣子」等等。

馬國明湯洛雯網民大讚馬明真係好錫未婚妻！ — 網民大讚馬明真係好錫未婚妻！（圖片來源：IG@roxannetong）

馬國明開腔否認婚禮延期傳聞

馬國明原本打算於年底與女友湯洛雯（靚湯）結婚，靚湯近日為婚事四圍頻撲，積極瘦身準備做靚靚新娘。有傳馬國明本身打算拍完新劇《新聞女王》就專心陪靚湯搞婚禮事宜，不過有傳今次突然被TVB安排去拍新劇《飛常日誌》，搞到二人陣腳大亂，婚期有機會因此而再度延期。馬國明在接受傳媒訪問時否認傳聞，指幸好得到公司的體諒，二人婚期未有受拍攝日程影響，二人婚禮會按照原先安排進行。