馬賽

31歲馬賽閃婚即陀5個幾月BB 一索得男 雙喜臨門!

最新娛聞

廣告

31歲馬賽月初宣布已婚,日前再有喜事!據知馬賽現時已經懷孕5個月,奉子成婚並一索得男,雙喜臨門!

撰文:東方新地 | 圖片:Instagram、微博

馬賽閃婚即陀5個幾月BB

31歲馬賽今月初(5/1)喺個人社交網宣布已婚,同時晒出幾張張同老公嘅甜蜜合照,令老公個樣曝光!

而且,馬賽亦晒出內地結婚證,並留言:「往后(後)餘生❤️😊」,相當甜蜜!

據悉馬賽現時懷孕5個幾月,而且仲係一索得男!雖然馬賽無透露丈夫身分,不過據知馬賽丈夫為內地富二代,家底豐厚,所以馬賽婚後過着少奶奶生活,相當幸福!

馬賽依家長住北京,生活優閒,日前喺ig上載親家炮製嘅營養餐,有靚湯又有甜品,非常豐富!

上年12月30日,馬賽為家中愛犬洗白白,點知喺鏡中反影到著住家庭服嘅馬賽,穿上淺色貼身衫,腹部已微微隆起!

雖然之前馬賽嘅好姊妹李美慧表示唔清楚對方係咪有喜,但日前李綺雯回覆傳媒時就指有時間會去北京探馬賽,除祝佢哋幸福快樂,仲走漏口話佢哋都係靚仔靚女,BB一定都靚!

日前,馬賽於微博感性留言﹕「十年間,膠原蛋白流失不少,眼淚流過許多,苦頭吃了不少,委屈也受了挺多。當然成長與修持,所獲得的關愛也是隨之正量增長的。人無磨難成佛。感謝所有的一切,成就了如今的自在。感謝佛法,讓我找到畢生的追求。十年前,很想成為別人眼中的“大人”,處處執着“我”,如今,僅守着自己質樸的童心,“無我,乃大成”」,似乎體會良多!

延伸閱讀:

馬賽08年選港姐獲得季軍同最上鏡小姐獎項,卸任後馬賽加入無綫做藝員,先後拍過《名媛望族》、《法證先鋒III》等劇,13年喺《神探高倫布》擔正做第一女主角。

不過馬賽緋聞多多,先後同吳卓羲、周志文、劉松仁傳緋聞,最震驚莫過於在13年11月,被爆出同大陸女製片人汪子琦有一段親密關係,嗰陣汪子琦仲因此同富婆Laura離婚,最初馬賽否認此事,但其後被踢爆講大話,搞到形象插水,畀無綫雪藏!

馬賽嘅純純兔形象一鋪清袋,一直俾無綫擺入雪櫃,直到14年11月解凍拍《東坡家事》,但只係扮演二打六歌妓,拍完之後繼續無聲無氣,直到15年12月馬賽同無綫約滿後離開娘家,之後做過白領同自由身演員,近年轉移陣地,回歸大陸發展演藝事業,更開設了工作室。

早年本刊影到馬賽做孝順女陪父母現身中環,一家三口喺北京同仁堂逗留咗一陣,就行去附近大廈攞車走人。

雖然馬賽鮮有現身香港娛樂圈,但佢同胡杏兒好friend,早年杏兒結婚,姊妹團成員除咗有「胡說八道會」的好姊妹包括胡蓓蔚、黃智雯、胡定欣、姚子羚及李施嬅,另外仲有馬賽!

2015年,胡杏兒在嫁人前同成班姊妹去咗台灣搞婚前派對,全女班去台灣happy除咗有胡說八道會嘅骨幹成員胡蓓蔚、姚子羚、黃智雯、李施樺同胡定欣外,馬賽也有參加!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
馬賽