AA

馮盈盈撇鄭衍峰後有新歡 被爆密會西裝男歎意菜

最新娛聞

前港姐冠軍馮盈盈前年傷心宣布與醫生男友寶寶分手,但隨即被揭與「寶寶」分手前已與合作主持《#後生仔傾吓偈》的拍檔鄭衍峰撻著,本刊更曾拍得女方坐駕任男方揸又漏夜雙雙回馮盈盈當時的深水埗愛巢,不過二人蛇咬都唔認戀情堅稱大家是好朋友,早前更有傳二人因事吵大鑊更驚動高層,以致盈盈最終決定斬情絲保前途。日前馮盈盈被爆在中環一間高級意大利餐廳與一名西裝男共晉午餐,傾足近兩小時,期間馮盈盈更不時冧笑,之後兩人前後腳離開,疑似想將新戀情密冚,但馮盈盈回應話⋯⋯

文:東方新地|圖:馮盈盈IG、新傳媒圖庫

馮盈盈:依家出去食飯一定係撐枱腳

現年26歲的馮盈盈入行僅四年多,繼與曾拍拖4年的鍾文浩(Martin)分手後,最近又傳為保前途與緋聞男友鄭衍峰甩拖,日前馮盈盈又被爆與一名西裝男密會,疑似有新歡出現。據知當日馮盈盈與該名西裝男在中環一間意大利餐廳共晉午餐,傾足近兩小時才離開。

馮盈盈撇鄭衍峰後有新歡?被爆密會西裝男歎意菜
馮盈盈不時會在社交網公開自己的食相。

據知該意大利餐廳為米芝蓮三星餐廳,午餐的人均消費為1,500港元,當日馮盈盈與一名留鬚著西裝的事業型男士坐於該餐廳角落中的隱蔽位置,有指在兩人進餐期間,大部分時間都是馮盈盈在說話,而西裝男則以笑容回應,馮盈盈更被指不時冧笑,又含情脈脈望住對方。

馮盈盈撇鄭衍峰後有新歡?被爆密會西裝男歎意菜
馮盈盈被指進餐完畢後,和西裝男前後腳相隔大約5分鐘才離開,疑似想將新戀情密冚。

不過馮盈盈就否認西裝男是其新歡,她表示:「只係普通朋友,我向佢請教投資意見,順便食餐飯啫,係討論完公事,先閒談咗幾句,而且同朋友食Lunch係正常社交,限聚令只准兩人一枱,依家出去食飯都一定係撐枱腳啦。」

馮盈盈撇鄭衍峰後有新歡?被爆密會西裝男歎意菜
馮盈盈話依家限聚令只准兩人一枱,出去食飯一定係撐枱腳。

馮盈盈續指大家大驚小怪:「見面食個飯,都要講到係新歡?其實有冇考慮過我朋友感受?我隨時拉低佢可發展對象嘅平均質素,影響到我朋友個Market,佢又唔係圈內人士,希望大家講我好啦,請唔好再打擾到佢。」

馮盈盈撇鄭衍峰後有新歡?被爆密會西裝男歎意菜
馮盈盈話今次緋聞會影響到佢朋友個Market!

鄭衍峰:我請佢食過二百幾餐飯

馮盈盈的前緋聞男友鄭衍峰亦有對此事作出回應,他表示:「朋友約食飯都好正常啫,我都會約其他女性朋友飯敍!」得知西裝男請馮盈盈所食的午餐價錢起碼要3,000港元,他續說:「我諗咁多年我喺TVB canteen請佢食嘅飯加加埋埋都唔止呢個數,都有二百幾餐㗎!」

馮盈盈撇鄭衍峰後有新歡?被爆密會西裝男歎意菜
鄭衍峰指近日盈盈忙拍節目《天天開運王》,而他亦忙於拍攝節目《港產旅行團》,所以雙方甚少見面。

堅拒將戀情浮面成導火線

馮盈盈與鄭洐峰地下情一直穩打穩紮更懶理高層愈戀愈高調,不過有指到去年尾二人再為是否公開戀情有拗撬,一向希望事業上揚的盈盈以照顧家人為由,決心搬離愛巢遷往將軍澳區千呎海景寓所,事後雖然未完全斷纜但女方已經有分手之念,有傳他們在電視城化妝間吵架被多人目擊,傳至高層耳邊,被急召照肺,最終盈盈決定狠斬情絲分手收場。

馮盈盈撇鄭衍峰後有新歡?被爆密會西裝男歎意菜
馮盈盈和鄭洐峰因合作主持《後生仔傾吓偈》而撻著。
馮盈盈撇鄭衍峰後有新歡?被爆密會西裝男歎意菜
全電視城都知二人拍拖,但馮盈盈堅拒認愛又緋聞多多,有傳二人再為此事在電視城內吵大鑊而驚動高層。

馮盈盈將鄭洐峰降呢為同事

對於被傳在電視城內吵大鑊致被無綫高層樂易玲照肺,馮盈盈回應時否認事件,稱應該當時是在練習《#後生仔傾吓偈》的講稿,而對於與鄭洐峰分手一事,她則笑住回應「哪來的分手?」更強調與鄭從來只是同事同朋友的關係,而鄭衍峰則謂二人從來都是朋友及拍檔,更大方為盈盈台慶頒獎禮視后提名拉票:「記得頒獎禮投票畀佢啦。」

馮盈盈撇鄭衍峰後有新歡?被爆密會西裝男歎意菜
被飛的鄭洐峰早前在社交網發放感言,借用周星馳電影《西遊記》系列的情深男主角「至尊寶」暗示大家曾經用情極深,希望下位不用成為孫悟空都懂得珍惜女主角紫霞仙子。
馮盈盈撇鄭衍峰後有新歡?被爆密會西裝男歎意菜
無綫兼邵氏高層樂易玲一向甚為睇好馮盈盈,亦給予不少機會,有指馮鄭在電視城吵架的消息傳到她耳邊即急召馮盈盈照肺。

讀者留言