馮盈盈王卓淇跳韓舞騷腿 Lilian Kan扮美少女戰士
撰文：東方新地｜圖片：Facebook
簡幗儀Lilian愛運動
網絡紅人簡幗儀（Lilian Kan）出名身材火辣、前凸後翹，當然有賴平常勤力健身keep fit！而Lilian去健身時，不時都會開live或者拍片同粉絲交流心得，不過大家個焦點都會落咗去佢衣著度… 因為實在太太太吸睛！
「Sailor Moon」水手服跳舞
不過Lilian原來唔止跑步、玩健身，近來更迷上了另一種運動空中呼拉圈舞( Aerial hoop)，片中見到Lilian為配合番個月亮型呼拉圈，換上一身美少女戰士「Sailor Moon」水手服，轉轉轉360度俾大家欣賞，大晒美好身段，正呀喂！
即刻睇片跟住Lilian轉轉轉：
終於有機會襯番～#sailormoon
Posted by Lilian Kan on Tuesday, 3 April 2018
馮盈盈王卓淇跳韓舞
之後講到另外兩位靚女，首先係《果欄中的江湖大嫂》馮盈盈，佢喺劇中飾演酒吧話事人小狼女，經常都係濃妝豔抹，露腰又晒腿，造型MK味十足！
首次拍劇獲讚
馮盈盈出道以來俾人印象都係貼地、敢言、夠真，係個典型港女， 不少觀眾覺得佢喺劇中好似做返自己一樣，認為冇人比盈盈更適合小狼女的角色。作為新晉演員，盈盈唔似佢啲港姐前輩瘋狂被批，甚至獲得讚賞，真係個好開始！
王卓淇劇集初嚐性感
另一靚女就係王卓淇啦！早前劇情提到佢一直想離開果欄生活，希望有機會一夜成名。佢就同楊明講話自己要去做嘢，原來係去影泳衣相！見到王卓淇以泳裝現身，除咗不停擺甫士外，仲向住鏡頭撒嬌，性感之中帶點可愛！然後王卓淇又大晒小蠻腰，一個字，正！
王卓淇谷胸濕身上陣
鏡頭一轉就去到泳池邊，王卓淇已經換咗另一套更少布嘅三點式出場。呢套泳衣睇得出初嚐性感演出的王卓淇谷到盡，三點式、事業線、長腿，真係冇得輸！
跳舞晒腿賣萌
雖然劇集就快大結局，不過馮盈盈同王卓淇仍然落力宣傳，日前王卓淇上載了一條跳舞短片，片中見到佢同盈盈一齊跳韓國女團TWICE的〈LIKEY〉，兩位靚女一個著短裙仔一個著短褲仔，大騷白滑美腿！兩人動作好合拍，非常有動感，仲會扮可愛賣萌，網民當然睇得開心啦！
游生亂入爆笑
片段後半部分就有《果欄》另外幾位演員江嘉敏、袁文傑、吳家樂及許家傑加入，不過基本上除了王卓淇企中間好落力咁跳外，其他人都係frestyle亂咁跳。其中平時霸氣十足的「游生」袁文傑喺鏡頭前郁身郁勢，仲不停做出〈LIKEY〉的招牌L字手勢，估唔到佢跳舞咁滑稽！
即刻去片：
卓淇仔約埋 #果欄中的江湖大嫂 之 #果欄舞王 狂跳#TWICE 的 #LIKEY 😂@crystalfyy 的cutie版💕仲有 @kaman_kong @yuen_man_kit @jackhero5 同家樂仔的Freestyle亂舞版🤣🤣笑死臨近大結局喇 大家記得每晚追喔！！！
Posted by 王卓淇 Erin Wong on Thursday, 5 April 2018
延伸閱讀：
林子善補擺喜酒 眼濕濕講愛的宣言
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
