盤點經典台慶環節 經典Cap圖 馮盈盈最記得姜大衛……
廣告
每年11月為TVB台慶月份，早前一集《＃後生仔傾吓偈》就以「經典台慶環節」為主題，麥明詩提起肥姐沈殿霞踩雞蛋環節，引起眾人共鳴！另外講到TVB節目的經典截圖，馮盈盈就話自己最記得John哥姜大衛的一句對白……
撰文：東方新地｜圖片：東方新地、《#後生仔傾吓偈》截圖、無綫節目截圖
馮盈盈噴血透視裙 唔著底褲行紅地氈第一人
每年台慶，大家最關注都係一眾女星喺紅地氈上鬥靚鬥性感，而今年全場最性感就一定非馮盈盈莫屬，條裙側邊睇落完全真空，噴血程度冠絕眾女藝人！馮盈盈仲透露為咗美感同線條，連條底褲都除咗，堅係全真空！
同淘寶「小姐」服裝撞樣？
其實馮盈盈之前都預告過台慶會隆重其事，條裙係由以色列運到港，仲係一個大品牌，「好多人爭呢條裙！」不過有網民就喺淘寶網發現咗類似款式的裙，介紹仲話係「酒店夜總會小姐工作服」……
經典台慶環節
馮盈盈台慶搶盡風頭，早前一集《＃後生仔傾吓偈》中，眾人以「經典台慶環節」為主題，陸浩明表示好記得馬國明於台慶表演跳舞踩琴鍵，仲特登企起身扮馬明跳舞；而麥明詩就話肥姐沈殿霞於《歡樂滿東華》的踩雞蛋環節最令人深刻！
經典節目Cap圖 馮盈盈最記得姜大衛……
之後眾人又討論一啲近年網絡最常出現的經典截圖，6號第一時間話最正一定係「講呢啲」！
而馮盈盈就話自己最記得John哥姜大衛曾經喺一部古裝劇中，有一場戲係教訓自己徒弟，吊起對方並講咗句：「你唔明白，就吊到你明白為止！」盈盈啲口味，大家都了解啦！
