魔音女團｜港姐冠軍宋宛穎自嘲被遺忘！莊子璇被批唱歌難聽：畀錢都唔想聽

港姐冠軍光環不再？宋宛穎自嘲被遺忘 莊子璇遭同事狠批歌喉

港姐冠軍頭銜原來亦有壓力，2021年冠軍宋宛穎在節目中坦言，感覺自己是「被遺忘的港姐」，因曾休學一年，令不少人誤會她已經退出娛樂圈：「好多人以為我係咪唔撈喇，其實完全唔係咯！」近年多向司儀方向發展的她，渴望能成為舞台焦點，不再只是「一個邊緣人物」。同為港姐冠軍的莊子璇（Hilary）亦自揭傷心往事，指曾因歌喉被同事重擊信心：「曾經有個同事睇完我一條 Event 嘅唱歌片，同我講話，你唱歌唱到咁，我畀錢都唔想聽」，這句狠話令她大受打擊，決心要發奮自強。

倪嘉雯被前輩勸參賽吃苦 廖慧儀望藉節目洗底

除了兩位港姐冠軍，倪嘉雯（Carmen）與廖慧儀（Jessica）同樣是為擊退負評而來。倪嘉雯透露曾被一位前輩直指人生閱歷不足：「你好似冇乜經歷過啲咩風浪，你做戲係唔好架咯」，對方更建議她參加《魔音女團》去「吃吓苦」，她亦希望藉此機會根治自己的「雞仔聲」。而入行以來備受負面新聞困擾的廖慧儀，則坦言希望透過節目「洗底」：「我入行嘅時候，面對嘅壓力同負評好多，好多人不停攻擊我同鬧我，好似忽略咗我嘅能力。希望透過《魔音》，令觀眾對我改觀。」

網民反應兩極：有人同情有人質疑

四位話題練習生的真情剖白引起網民熱烈討論，反應相當兩極。不少網民表示同情，紛紛留言打氣：「估唔到港姐冠軍都有咁嘅壓力，加油呀！」、「個同事講嘢都幾過份，『畀錢都唔想聽』真係好傷人。」、「廖慧儀肯行出嚟面對過去，都好有勇氣。」但亦有網民抱持觀望態度，認為要看實力說話：「又係賣慘故仔？睇吓到時表現點先啦。」、「個個都話要洗底，不如用實力說話。」、「娛樂圈不嬲都係咁現實，頂唔住壓力好難行落去。」