麥明詩

麥明詩台慶跳舞被鬧爆兼狂恥笑 即時耍冧認衰女!

最新娛聞

廣告

噚晚《萬千星輝賀台慶》嘅表演環節中,黃智雯率領一眾年青藝員演出「青春歌舞50+1」,黃智雯Chok到爆成全晚其中一個高潮!不過有份跳舞嘅麥明詩多次被影到甩Beat兼舞姿生硬,結果除咗惹嚟網民爆鬧外,亦令麥明詩馬上公開耍冧!

撰文:東方新地|圖片:新傳媒圖片庫、麥明詩instagram

麥明詩台慶跳舞被鬧爆兼狂恥笑

噚晚,麥明詩同馮盈盈有份參與台慶嘅表演環節「青春歌舞50+1」,位位女藝員著上校服短裙晒美腿相當養眼,可惜麥明詩就被多次影到甩Beat兼舞姿生硬,有唔少網民仲狂彈佢嘅表現,指「都唔知你做乜」、「冇時間綵排咩」等。

馮盈盈一齊慢半拍

睇真啲,其實甩Beat嘅都唔止麥明詩一個,就連噚晚因真空出席紅地氈而成為熱話嘅馮盈盈一樣跳到有啲甩Beat!

二人企前排跳,明顯各自都有跟唔上節奏嘅問題,睇嚟下次上台前要惡補一吓跳舞技能先得喎!

麥明詩即時耍冧

其後,被網民恥笑嘅麥明詩都留意到網友嘅「意見」,結果好快就喺個人社交網為自己嘅表演耍冧:「向大家眼球致歉!因為早幾日先返香港,已經盡咗力惡補(合十)其實本人都覺得應該企最後面,不過排位已被安排。」,原來情有可原!

之後,麥明詩再上載上台跳舞前喺後台等候嘅片,Tag住「準備上刑場嘅心情」及「#四小時速成班」,圖文並茂咁道歉兼解釋,希望網民唔好再鬧得咁勁,唔知大家又接唔接受呢?

黃智雯Solo自信霸氣

另一方面,單拖率領一眾年青藝員演出嘅黃智雯就認真型到爆之餘,仲一人獨領風騷!皆因黃智雯戴上黑超喺煙火包圍下出場,Solo獻舞,霸氣十足!

之後仲再與一眾年青藝員齊齊起舞,可見無論舞技定地位都超一班!

黃智雯 入行11年首封后

另外,黃智雯憑《三個女人一個「因」》,先後奪得「馬來西亞最喜愛女主角」及「新加坡最喜愛女主角」,同樣憑一劇成為雙料視后,撼贏好姊妹胡定欣及大熱人馬李佳芯!

臨上台前,黃智雯逐一接受藝員同事的祝賀!

黃智雯獲《TVB馬來西亞星光薈萃頒獎典禮》視后時,在台上首先多謝嘅人係汪明荃:「第一套拍劇就是同Lisa姐合作的《東山飄雨西關晴》,知道自己當初演技唔好,阿姐都話:『咁做戲嘅?』,之後獲阿姐肯定及支持好開心,好開心由佢手上領獎。」又多謝「胡說八道會」的好姊妹、《三個女人》的台前幕後工作人員及監製潘嘉德的提携。

之後,黃智雯再下一城奪《星和無綫電視大獎》, 她表示:「好幸福,一晚可以感受兩次喜悅。」她感慨道:「努力未必一定有回報,但只要肯努力一定有人睇到。」

相關文章:台慶變視后前哨戰 胡定欣推黃智雯上馬

現年35歲的黃智雯於2004年於香港演藝學院畢業,主修舞蹈及戲劇。其後,Mandy於2007年參加香港小姐,且入圍最後五強,2008年修讀第22期無綫藝員訓練班,2012年演《缺宅男女》受注目,同年獲《萬千星輝賀台慶》飛踴進步女藝人。今年她憑《三》中的「三重人格障礙症」的大律師角色贏盡口碑,尤如一人分飾三角,演技大爆發。

相關文章:【萬千星輝】今年「最佳劇集」花落誰家? TVB高層原來一早有暗示…

黃智雯《三個女人一個因》1人分飾3角獲激讚

Mandy在《三個女人一個因》劇中演技十分出色,1個人要分別演出3個分裂的人格,最重要的是觀眾都可以分辨到3個不同人格,這才叫成功。Mandy這次飾演的3個角色分別是專業而強勢的大律師,狂野豪邁的playgirl,膽小卻善良的宅女。

有觀眾猜測TVB是想測試一下黃智雯擔正後的成績,為了試水溫所以只在星期日播放兩套Mandy做女主角的劇集,包括《雜警奇兵》和《三個女人一個因》,觀眾就替Mandy抱打不平,指她平時即使做女配角表現都讓人留下深刻印象,也有網民希望《三》可以變回一至五播放,相信成績會更好。

另外兩位男主角也被網民讚演技大有進步,特別是袁偉豪,演繹一個市井律師,網民指他做暖男做得非常貼地,夠放之餘又自然!不過,袁偉豪今晚是憑住《棟仁的時光》成星馬雙料視帝!

袁偉豪 膺星馬視帝

而袁偉豪憑《棟仁的時光》先後贏得「馬來西亞最喜愛男主角」及「新加坡最喜愛男主角」,成為雙料視帝,成功揮低對手陳展鵬王浩信馬國明!入行20年的他表示會繼續努力,做演員至生命耗盡一刻。

2007年參加無綫「香港先生」贏得冠軍入行的袁偉豪,於無綫拍劇機會不斷,經過11年的努力,憑《棟》中的打工仔角色成功入屋!

宣布得獎後,其女友張寶兒感動落淚!及後張寶兒被主持人林盛斌訪問時,甜笑向袁偉豪說:「你好叻吖」。

袁偉豪《棟仁的時光》演出打工仔辛酸

其實《棟仁的時光》播出不久,觀眾就覺得劇情非常有共鳴,特別是打工仔一族,主角袁偉豪打工仔角色貼地又寫實,將香港打工仔的辛酸血淚完美呈現在電視上,袁偉豪的「鹹魚理論」更是打工仔的心聲!

男主角袁偉豪飾演一位普通的打工仔曾棟仁,每日從屯門一早逼巴士仆到中環返工,相信住新界的朋友非常有共鳴,每日都要和時間競賽,別人還在睡夢中的時間,新界人已經要趕巴士,然後就開始一天忙碌的打工仔生活,收工累到成隻狗,然後又開始新的一天打工生活,不斷死循環。

最慘的是每日有返工無放工,工作永遠做不完,而且勤力工作都得不到老闆賞識,還要被公司壓榨,棟仁的同事Emma卻只靠一把口冧老闆同冧客就可以上到位,簡直就是血淋淋的打工仔血淚史,劇中棟仁提出的鹹魚理論簡直是一針見血,棟仁咁話:「你出咗嚟做嘢咁多年仲唔明嘅?當你愈有heart,愈有抱負嘅時候,老闆就會愈唔上心,視為理所當然。你同佢講理想,佢就會話畀你聽,理想可以當飯食,可以抗通脹,仲會乘機壓你價!老細永遠是對的,無論啲客畀咩屎橋佢都話係絕世好橋。咁你仲點帶個靈魂返工?點頂得住呀?做鹹魚總好過有一日做到死咗,變咗條死魚。」真實得很卻讓人欲哭無淚!

女藝員行紅地氈 鬥性感搶鏡

而喺昨晚的台慶上,全台男女藝員都著到靚一靚行紅地氈!講到全場最性感就一定非馮盈盈莫屬,件衫側邊睇落完全真空,性感冠絕眾女藝人,真係乜鏡都畀佢搶晒!馮盈盈仲透露為咗美感同線條連條底褲都除咗,堅係全真空!

朱晨麗以一字膊閃片長裙登場,高貴大方!

陳煒以一身蕾絲超DEEP V紅色晚裝上陣,由頭透視到腳示人,夠哂搶鏡兼性感!

人妻王君馨同樣以Deep V上陣,晒弗到漏身材!

唐詩詠以寶藍色低胸晚裝微露事業線出席台慶,激罕谷胸上陣!

黃心穎唔行性感勁保守又封胸,不過勝在由頭銀到落腳,閃爆全場!

高海寧都一樣非常密實!

姚子羚大騷白滑玉背,好正呀!

胡定欣以透視仙氣造型配400萬首飾出場,相當搶鏡!

黃翠如以一字膊上陣,望落非常醒神!

黃智雯身穿白色Deep V露背晚裝出場,都好養眼!

今晚司儀之一嘅麥明詩就中門大開,都好吸睛!

靚湯則又靚又性感,谷胸勁搶鏡!

傅嘉莉以紅色超Deep V出場,同樣好「胸」狠!

人妻孫慧雪同樣以紅色晚裝現身,晒出巨胸,夠哂賞心悅目!

邵珮詩大晒八字波,雖然加咗層薄紗,但依然勁性感!

伍樂怡條事業線谷到上心口!

劉穎鏇著上性感透視晚裝現身,風騷大晒玉背!

劉佩玥都唔輸蝕,同樣騷出玉背,相當養眼!

「得罪造型師」系列

陳瀅著上低胸紫裙出擊,可惜望落毫無美感,身形因條裙個cutting問題而盡失!

雖然吳沚默騷腳都幾好睇,但可惜成條裙個感覺好似馬戲團表演者多啲!

至於蝦頭造型就更嚇人,成個look望落勁錯配,猶如大媽上身!

男士鬥密實鬥有型

讀者留言