麥浚龍 拍《風林火山》大陣仗 ｜邊個演員要畀佢遮「罩」？
撰文：東方新地｜圖片：新傳媒圖片庫、麥浚龍FB
麥浚龍 用黑遮「罩」演員
不過咁，都話人多錢多好辦事，你以為拍外景就有得睇四大男主角古天樂、金城武、梁家輝同劉青雲？原來又唔係囉！皆因為咗保密同拍攝進度，成條街畀Juno搵咗人拉起黑布、男女演員出出入入都有黑遮「罩」頭、全程護送到上化妝車，記者企咗成晚，至勉勉強強認得出呢日參與拍攝有女主角高圓圓同埋客串的張堅庭囉，係呀，Juno今時今日出到聲，男女主角個個都係影帝影后級，連個客串茶餐廳收銀，都係金牌大導囉！
上次《殭屍》假血用量破咗世界紀錄，今次警匪片睇怕假子彈用量都係世界級，Juno在七人車霸氣開槍，嘈到工作人員個個塞住耳仔。
出入都有兩把大遮360度遮實個樣同造型，難得一下鬆懈，畀記者認出原來當日女主角高圓圓有份拍攝。
麥大導拍戲資源絕對國際級，難得港產片拍攝都見到荷李活式巨型化妝車畀演員休息。
Juno吹雞，大導演張堅庭都有份客串一角！
由麥浚龍導演《風林火山》自開拍以嚟保密功夫做到足，只可以靠官方發相睇吓古仔、金城武同劉青雲等嘅片場點滴。
身兼導演、監製及編劇，麥浚龍執導的電影《風林火山》去年尾舉行發布會，電影籌備五年，製作費超過1億，並在惠州打造1：1銅鑼灣街景。電影現正進行後期製作，預計明年上映。
梁家輝表示第一次與高圓圓合作相當滿足，他又透露導演要求男演員低八度講對白，又指整部電影的氣氛都很憂鬱！
常見問題
將來還有什麼演唱會值得留意？
有不少歌手宣布舉辦演唱會，例如：張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
