麥紫莉

麥紫莉與真 · 女優同場 狂倒G奶搶盡風頭

最新娛聞

廣告

擁有34G逼爆上圍的港女麥紫莉,去年宣布到日本拍AV成為熱話,之後承認講大話而被鬧爆!不過麥紫莉仍未放棄娛圈夢,日前佢同日本女優濱崎真緒同場出席活動,一身超低胸狂騷G奶,搶晒風頭!

撰文:東方新地|圖片:東方新地、Facebook

麥紫莉首名港女拍AV?

21歲的麥紫莉(Chili)擁有34G逼爆上圍,但一直只係個唔多出名的𡃁模,不過去年7月時傳出佢八月將遠赴日本拍AV,成為第一位香港AV女優,就頓時成為風雲人物!據知麥紫莉身世坎坷,父親早年病逝,媽媽則患有腎病需要長期接受治療,所以佢中六畢業、打工幾年後把心一橫,決定下海拍AV養家!去年仲講到已經簽咗兩部片約啦!

一夜成名

話晒係「第一位」香港AV女優,麥紫莉當時旋即成為風雲人物,全港大小傳媒爭相訪問。Chili每次接受訪問都言出驚人,一時自爆性史一時話唔怕同AV男優打真軍,之後講到似層層話自己學緊日文,又話自己日日睇AV補習,搞到全港男士都好期待幾時有得睇!不過每當被問及拍AV的詳情,Chili總係顧左右而言他,從來都冇透露過實際情況。

說好的拍AV呢?

麥紫莉成功出位後接下不少工作,又出寫真又做主持,job接job做到冇停手。但隨日子過去,說好的AV仲未拍,不過Chili每次出席活動都堅稱會拍,但就下月又下月、下月又下月… 於是大家都開始覺得 (又或者從一開始就覺得) 其實成件事係吹水,而Chili都改口風,話「要等公司安排」咁即係……

認拍AV係吹水

直到去年9月中,真相終於大白,麥紫莉承認拍AV一事係老作,自己係唔會拍AV的!據知Chili的經理人公司其實係一間未有註冊的公司,聲稱Chili會拍AV都只係宣傳策略。Chili接受媒體訪問時坦承鬆一口氣,因為一直以來都好驚被拆穿,答所有問題都係講大話,其實所以與性、AV有關的問題佢根本唔想答。

麥紫莉又話自己入行兩年幾都冇人認識,所以先決定配合前公司宣稱會拍AV,依家紙終於包唔住火,Chili表示預咗大家當佢係「大話精」,預咗俾人鬧,但自己依然想喺娛樂圈發展,希望觀眾可以再接受佢。

「我希望大家可以原諒我」

麥紫莉事後亦於社交網站留言,表示終於可以「做番自己,唔使任人擺佈」,雖然之前一次又一次講大話,但現時終於脫離枷鎖,立即向大家道歉!Chili又話接受咗前公司呢個策略後,自己同屋企人鬧交、出街及網上都被人指指點點、每次見記者都好驚。依家雖然好多人認識,但全無形象可言。

麥紫莉與真 · 女優濱崎真緒同場

麥紫莉拍A片就係假啦,不過日前佢就同真 · 女優同場!日本女優濱崎真緒來港舉行粉絲見面會,又會同麥紫莉拍節目。活動上濱崎真緒以一襲白色低胸跌膊裙現身,熱情地瘋狂擺甫士,不斷謀殺菲林!

男粉絲與女神迎距離接觸

狂騷34G上圍搶風頭

雖然有真 · 女優同場,不過麥紫莉身穿黑色吊帶超低胸裙,狂騷34G逼爆上圍,搶咗濱崎真緒唔少風頭!

麥紫莉努力洗底

麥紫莉曾講過享受做個普通人,不過如今又性感復出,佢表示仲想喺娛樂圈工作,不過明白要洗底,所以唔會逃避自己的過去。而且自己仲咁細個,應該做自己想做的事。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!