【森美旅行團2】得麥美恩有得留低！5個成功入屋原因！

撰文：東方新地 ｜ 圖片：Instagram、TVB電視截圖、各官網截圖

麥美恩 傻大姐形象入屋

出生於加拿大的麥美恩現年31歲，佢在卑詩省華人重鎮列治文(Richmond)成長，並於名校英屬哥倫比亞大學主修化學。早年選港姐後加入無綫，一步步踏上綜藝主持及司儀之路，近年人氣急升，難怪喺《森美旅行團2》有得留低！

《森美旅行團2》叮走高Ling、心穎BB！麥美恩留低！

唔計森美，上一輯《森美旅行團》以東京作目的地，主持人還有麥美恩、高Ling及心穎BB，新一輯直飛關西，主打介紹京都以及近郊景點，主持班底就只有麥美恩可以留低，拍檔換了吳若希及丁子朗。

麥美恩5個成功入屋嘅原因！

1. 自然唔造作

Mayanne份人自然唔造作，成日被人寸都好好EQ！所以好得觀眾喜愛，愈嚟愈入屋！

2. 扮醜抵得諗

為咗節目效果，Mayanne不時都會扮醜博觀眾一笑，雖然係港姐出身但都好抵得諗！

Mayanne呢個造型好有喜感！

森美咁嘅樣，真係五十步笑百步啦！

3. 講嘢搞笑唔煩膠

比起另一位女主持吳若希，其實唔少觀眾都更鍾意Mayanne，進退得宜唔煩膠！

就算不斷被森美恥笑都唔會黑面，仲笑埋一份！！！

4. 竹昇妹都可以中文好

麥美恩講過好多人問佢呢個竹昇妹點解中文咁好，原來係Mayanne公公以前日日陪佢做中文功課、幫佢默書，而Mayanne今日亦可以自豪咁對公公講，佢有做功課，喺香港發展得好好！

Mayanne咁努力，難怪可以接到咁多司儀Job！！

5. 其實都係個靚女吖！

麥美恩雖然唔算係好典型嗰種美女臉孔，身材又唔係咩「咪神」級數，但相信無人會否定佢其實都係個靚女，眼大大、笑容親切又甜美，酒窩又迷人！平時Mayanne多數係簡約打扮，唔走淑女路線，不過每逢出席大型活動都會盛裝打扮一番，又係另一種魅力！

「飛躍進步女藝員」麥美恩

去年《萬千星輝頒獎禮2017》中，唔少獎項賽果都被網民炮轟，唯獨有一位得獎者係公認的實至名歸，就係「飛躍進步女藝員」麥美恩 (Mayanne)！Mayanne在台下得知獲獎後喜極而泣，上到台都繼續喊，佢感慨表示：「我知我有好多缺點，但係上帝俾咗個好好嘅恩賜我，可以令觀眾笑！」

2011年港姐第四名

回到那些年，麥美恩回流香港後參加2011年的香港小姐競選，最終奪得第四名。當年冠軍係出爐最「最佳女配角」朱晨麗，亞軍朱希敏、季軍許亦妮。

那些年「龍躉村姑」…

想當年麥美恩因為較豐滿的身材，被傳媒封為「龍躉村姑」！依家都幾唔可能見到Mayanne再加著三點式泳衣……

主持《學是學非》上位

至2013年，麥美恩成為綜藝節目《學是學非》的主持之一，雖然知名度不及其他幾位，不過佢在節目中願意放下身段，經常有爆笑演出，真摯不造作的感覺相當親民，「傻大姐」形象深入民心！

新一代綜藝女王

雖然甚少演劇集，不過麥美恩可算係新一代的綜藝女王，參與大量綜藝節目及資訊性節目，頻頻做主持做司儀，曝光率高過唔少花旦小生！

麥美恩在《萬千星輝頒獎典禮2016》中連奪三獎，其有份參與的《我愛香港》、《學是學非》和《天與地》，分別獲得「最佳綜藝節目」、「最佳資訊節目」及「最佳特備節目」，厲害！

廣告界寵兒

形象貼地又入屋，自然成為廣告界寵兒，原來佢喺2017年就已經拍了八個廣告，由牙膏到化妝產品都有份，去到邊都見到佢！

竹昇妹打拼八年之路

麥美恩在加拿大土生土長，隻身來到香港發展，與家人分隔兩地當然好唔捨得。來港八年，Mayanne奪得演藝生涯嘅重要獎項，相信佢爸爸媽媽都一定為佢感自豪！