麻利

DJ麻利忽然離職商台傳過檔ViuTV 曾與AK傳緋聞 有聽眾竟拍手讚好?

最新娛聞

廣告

效力商台多年嘅DJ麻利上月確診後,當聽眾等緊佢復工主持《口水多過浪花》嘅同時,今日(7/3)突然網傳麻利已經冇撈商台喇,經傳媒求證,消息確實。

@麻利IG
麻利的虎牙成為她的標記。(圖片來源:IG@malisheep)

有傳過檔ViuTV

麻利2月21號喺社交網宣佈確診Omicron,之後嘅日子除咗出PO講吓病情,日前MIRROR嘅AK(江𤒹生)同Alton(王智德)出新歌,佢都有介紹吓首歌。當大家以為麻利仲喺屋企隔離緊,未開得工,原來佢已經冇做商台份工喇,商台公關回覆傳媒查詢時表示:「本台與叱咤903主持人麻利已達成共識,她於2022年3月7日起會暫別商業電台及節目《口水多過浪花》。」現時《口水多過浪花》主持一欄,麻利個名已經「消失」咗。有傳麻利「低調」離開商台並樍極等備過檔ViuTV,亦有網民猜測麻利因為唔肯接種疫苗,所以同商台傾唔掂數。

麻利 《口水多過浪花》FB
(圖片來源:《口水多過浪花》Facebook)
麻利IG
2月底確診Omicron。(圖片來源:IG@malisheep)
麻利 商業電台截圖
(圖片來源:商業電台截圖)
麻利 日前麻利以Phone in 形式亮相ViuTV節目《今日疫情》。
日前麻利以Phone in 形式亮相ViuTV節目《今日疫情》。(圖片來源:《今日疫情》截圖)

曾連累當奴被扑傷送院

麻利原名鄧慧妍,畢業於中文大學新聞與傳播學院,其後加入2009年商台,曾主持節目例如《麻利有隻小綿羊》、《今日正》,以於鄭裕玲及余迪偉主持節目《口水多過浪花》。雖然初期她受不少聽眾歡迎,更曾獲封為「商台女神」,惟近年麻利的口碑不如往時,網民尤其對她在節目上講太多New Age話題而反感,加上她經常與AK靠近,經常被傳靠關係出名。2016年,麻利因為受狂迷滋擾,最後卻導致當奴無辜受牽連被狂迷以鐵棍襲擊,手部、頭部受傷送院治理。

麻利 LIHKG 討論區截圖
(圖片來源:LIHKG 討論區截圖)LIHKG 討論區截圖
麻利
(圖片來源:LIHKG 討論區截圖)
麻利
(圖片來源:LIHKG 討論區截圖)
麻利
(圖片來源:LIHKG 討論區截圖)
麻利
(圖片來源:LIHKG 討論區截圖)

長文自白解釋去留:分手先啱

就在消息傳出後的晚上(7/3),麻利在個人IG分享了一篇長文去解釋自己的去留,並透露因為確診後不斷反思人生,在發高燒時獲得平靜,「認真對待生命入面嘅priority,因為不能夠妥協太多啦嘛?退一步益埋人哋呢啲嘢我唔會再做,要企定定面對嘅我唔走開」,所以決定轉工「分手先啱鬆一口氣」,不過就未有透露「轉工」的目的地。另一方面,麻利亦有留意到網絡上有不少反對她的聲音,她認為自己作為一個半幕前人,能夠在一疫情之下帶給人「開香檳」慶祝的對象,亦算是一種功德。

2022年絕對係面對自己嘅一年,外在環境話你知冇得靠向外尋求distraction,你只能往內去發掘自己想點。好多老師都話今年係探求靈性嘅一年,errr…好多人好討厭我講呢啲嘢,可能你好彩,人生未去到要反思自己搞乜嘅位置,只係我近年經歷令我真係諗多咗好多嘢,多到足夠我去質問自己點解、想唔想、開唔開心。

麻利 麻利表示:「本來諗住用一張有Oscar嘅相令佢再次無辜上新聞,但因為太樣衰,我病完個人善良咗,所以算數。用居家look畫返條眼線先唔好講咁多。」
麻利表示:「本來諗住用一張有Oscar嘅相令佢再次無辜上新聞,但因為太樣衰,我病完個人善良咗,所以算數。用居家look畫返條眼線先唔好講咁多。」(圖片來源:IG@malisheep_)

曾與AK傳緋聞

舊年因為同MIRROR嘅AK被傳媒影到睇完戲,再直落睇C AllStar演唱會。兩人傳出緋聞後,麻利以「傳聞中男主角都相當嗒得杯落,我覺得威威嘅。」否認姊弟戀。

麻利 麻利被發現經常出現在AK身邊。
麻利被發現經常出現在AK身邊。(圖片來源:IG@kisang)

DJ麻利因什麼原因離職商台?

有傳麻利離開商台,籌備著過檔ViuTV,不過有網民又傳是因為麻利不肯…詳情請看

DJ麻利為什麼忽然缺席電台節目《口水多過浪花》?

麻利上月社交平台宣佈確診Omicron,要在家中隔離而不能開工,大家以為她只是等待康復,但商台回覆…詳情請看

撰文:東方新地圖片來源:IG@malisheep、IG@kisang、LIHKG 討論區截圖