黃婉恩

「呃Tea港姐」黃婉恩訪問連番叫錯馬時亨個名 林子祥變阿阿阿嘉賓

最新娛聞

廣告

無綫娛樂主播、2020落選港姐黃婉恩(Yancy)早前被指控疑為「呃Tea港姐」,引起網上熱話﹗近日又因採訪馬時亨主持的新節目《馬時亨名人堂》而鬧出笑話,在無綫直播片段中見到黃婉恩採訪馬時亨及首集嘉賓林子祥時,竟然多次叫錯名,馬時亨都忍唔住話:「你連名都講錯﹗」要求停止訪問重新開始,黃婉恩被狠批極不專業﹗

文:東方新地|圖:無綫娛樂新聞台截圖、IG@yancy

馬時亨叫停訪問:講錯名呀﹗

黃婉恩Yancy拎住咪牌訪問馬時亨及林子祥:「Hello兩位,今日想知點解馬善行會邀請呢…」馬時亨即反問:「馬咩?」黃婉恩答「馬時行」,馬時亨笑笑口:「唔係,咪住,講錯名呀,你連名都講錯,哈哈哈…你一定要cut咗再嚟過﹗」黃婉恩答:「冇問題冇問題﹗」

黃婉恩 黃婉恩訪問馬時亨及林子祥時,連番叫錯馬時亨個名,馬時亨雖然笑笑口,但就叫停訪問,唔想出錯﹗
黃婉恩訪問馬時亨及林子祥時,連番叫錯馬時亨個名,馬時亨雖然笑笑口,但就叫停訪問,唔想出錯﹗(圖片來源:無綫娛樂新聞台截圖)

黃婉恩叫唔出林子祥個名

被馬時亨叫停訪問再重來,黃婉恩未有更正正確全名,索性用「馬生」稱呼﹗黃婉恩問:「兩位好,想知今日馬生點解會邀請阿阿阿…特別嘉賓嚟嘅?」完全叫不出林子祥或阿Lam,相當失禮﹗阿Lam變成阿阿阿嘉賓﹗而黃婉恩對馬時亨主持的新節目未有多提及,不停重覆問了「係咪經常約埋打波?」、「大家會唔會講吓波經?」、「除咗唱歌,會唔會分享吓大家嘅故事?」、「新年會點過?」等,雖然問題唔夠深入,馬時亨及林子祥都好用心盡量多答幾句,以免訪問有dead air尷尬場面﹗

黃婉恩 馬時亨面對黃婉恩的不專業,仍然笑笑口表現大方,不過阿Lam林子祥就有啲尷尬﹗
馬時亨面對黃婉恩的不專業,仍然笑笑口表現大方,不過阿Lam林子祥就有啲尷尬﹗(圖片來源:無綫娛樂新聞台截圖)

網民嘲普通話達世界級

不過蝦碌事件未完,黃婉恩訪問如常轉用普通話再訪問一次時,馬時亨笑指自己普通話好普通,所以交畀林子祥作答,點知身為主持的黃婉恩普通話唔止普通咁簡單,她將訪問講成「訪悶」,又將「有沒」有直接轉成廣東話歪音「有冇」,演唱會講成「煙槍會」等﹗被網民嘲黃婉恩的普通話達世界級水平,出醜兼失禮﹗

黃婉恩 阿Lam被黃婉恩講成阿阿阿嘉賓,再聽到黃婉恩的世界級普通話仍然表現鎮定﹗
阿Lam被黃婉恩講成阿阿阿嘉賓,再聽到黃婉恩的世界級普通話仍然表現鎮定﹗(圖片來源:無綫娛樂新聞台截圖)

網民:竟然唔知馬時亨同曾志偉係兩老表,入硬雪櫃

直播訪問出街後,引起網上熱話,紛紛留言指黃婉恩不專業又不尊重嘉賓「唔係靚女就大晒﹗」、「記者每次採訪人物未必識晒,但事前做功課係基本﹗」、「佢都三張啦,點會唔識林子祥呀?」、「佢竟然唔知馬時亨同曾志偉係兩老表,唔使照肺,直接入ICU﹗」、「唔知馬時亨係前高官都唔緊要,唔知佢係曾志偉表哥就大件事,入硬雪櫃﹗」等等。

黃婉恩 28歲的黃婉恩2020年參選港姐打入十強,簽約成為無綫藝員,以主持工作為主﹗
28歲的黃婉恩2020年參選港姐打入十強,簽約成為無綫藝員,以主持工作為主﹗(圖片來源:IG@yancy)

黃婉恩2020年大熱港姐打入十強

黃婉恩放棄銀行高薪厚職而參選《2020年度香港小姐竸選》,最後落選但簽約無綫並成為娛樂新聞主持,四出採訪藝人及活動,加入已一年,但有網民留言指「佢其實次次都係咁,不過冇今次斷得咁正被人話啫﹗」而黃婉恩早前被餐廳公關林柏希不點名狂轟,指有落選港姐呃飲呃食,主動搲食名貴tea set但最後沒有兌現承諾出po,雖然未有開名,但火速被網民找出蛛絲馬跡篤爆是黃婉恩,被網民封為「呃tea港姐」、「搲Tea Set KOL」等,不過當時人未有回應此事﹗

黃婉恩在IG不時晒水著﹗
黃婉恩在IG不時晒水著﹗(圖片來源:IG@yancy)
「呃Tea港姐」黃婉恩訪問叫錯名 馬時亨叫停:你連名都講錯﹗ 林子祥變阿阿阿嘉賓
(圖片來源:討論區留言截圖)
「呃Tea港姐」黃婉恩訪問叫錯名 馬時亨叫停:你連名都講錯﹗ 林子祥變阿阿阿嘉賓
(圖片來源:討論區留言截圖)
「呃Tea港姐」黃婉恩訪問叫錯名 馬時亨叫停:你連名都講錯﹗ 林子祥變阿阿阿嘉賓
(圖片來源:討論區留言截圖)

疑遭林柏希揞名爆食Tea走數 港姐被封「𢱑 Tea Set KOL」

前新城DJ林柏希(William)日前「揞名爆」一名曾是「港姐十強」的無綫女藝人「食Tea走數」,經過網民一輪猜測後,該名走數「嫌疑人」被鎖定為曾是2020年落選港姐、現為無綫娛樂新聞台主持的黃婉恩(Yancy),雖然她事後疑為「補鑊」貼了一張在該餐廳食Tea Set的靚相,但仍被不少網民留言寸爆,更封她做「R(𢱑) tea set KOL」!

林柏希疑爆 黃婉恩 食Tea走數:一個Tea Set嘅價錢已經睇到佢嘅品行

近年投身餐飲業的林柏希日前在其私人社交網,以一篇長達數百字的文章詳述一名「港姐十強」疑「食Tea走數」的事件,他表示其同事指有一個女仔,主動透過IG聯絡他當公關的餐廳,話想試食該餐廳的Tea Set,林伯希在文中描述該名女仔為「某屆香港小姐十強(即係落選啦!)同埋係TVB藝員」,由於見到對方都有3萬幾followers,所以諗住互惠互利,要求對方試食後出返個IG wall post,並講明唔係IG story。

黃婉恩 林柏希指:「今次交手嘅女仔,可以話用一個Tea Set嘅價錢已經睇到佢嘅品行。」
林柏希指:「今次交手嘅女仔,可以話用一個Tea Set嘅價錢已經睇到佢嘅品行。」(圖片來源:[email protected]_william)

指出post未夠12個鐘已delete

林柏希指該位「港姐十強」最後和一名朋友到場食了兩人份Tea Set,但其後只出了一個IG story,而且相中只有對方背部又無個tea set,在其同事再度聯絡對方後,該「港姐十強」終於出了一個 IG wall post,雖然相中個tea set被blur(模糊)了,亦無tag餐廳,不過有location checked-in,但林柏希表示無畀過hard cash對方,所以亦能收貨,不過林柏希指對方未夠12個鐘已delete了該post。

黃婉恩 林柏希公開貼出該名「港姐十強」最初在IG story中上載的相片,相中只有對方背部,並無影到個tea set。
林柏希公開貼出該名「港姐十強」最初在IG story中上載的相片,相中只有對方背部,並無影到個tea set。(圖片來源:[email protected]_william)

林柏希怒轟:你嘅誠信只係值一晚

最後林柏希在帖文中怒轟:「一個tea set值幾錢吖?原來你個朵就係值咁多㗎咋?哈哈!仲有,真係唔係我迫你出post㗎,係你主動R跟住自己應承咋,原來你嘅誠信只係值一晚。講真,我完全冇嬲,只係覺得佢cheap,好肉酸呀!唔好再用呢啲招數去其他餐廳呃飲呃食喇,真係影衰晒㗎!!」

黃婉恩 林柏希話覺得對方好cheap好肉酸。
林柏希話覺得對方好cheap好肉酸。(圖片來源:[email protected]_william)

黃婉恩 疑急補鑊「翻生」Tea Set相

林柏希的帖文引起全城網民猜測該名「港姐十強」TVB女藝人身份,伍樂怡、黃子桐、何泳芍及蔡嘉欣等都一度成為「嫌疑人」,但有網民憑林柏希公開的「港姐十強」背影照,鎖定「嫌疑人」為2020年落選港姐、現為無綫娛樂新聞台主持的黃婉恩,之後黃婉恩疑刪走了其IG自我介紹中「Miss HK 2020(Top 10)」的字眼,又將之前隱藏的歎tea set帖文「翻生」,並加上了餐廳名字的Hashtag。

黃婉恩疑將原本隱藏的歎tea set帖文「翻生」。
黃婉恩疑將原本隱藏的歎tea set帖文「翻生」。(圖片來源:[email protected]
黃婉恩 又在帖文中暗指對方小事化大,希望「Keep it simple」。
又在帖文中暗指對方小事化大,希望「Keep it simple」。(圖片來源:[email protected]
黃婉恩的IG自我介紹中,原本有「Miss HK 2020Top 10)」的字眼,但現在已被刪走,而且她的followers同林柏希形容的「嫌疑人」一樣有3萬多個。
黃婉恩的IG自我介紹中,原本有「Miss HK 2020(Top 10)」的字眼,但現在已被刪走,而且她的followers同林柏希形容的「嫌疑人」一樣有3萬多個。(圖片來源:[email protected]

網民指有錢買LV無錢去食Tea

對黃婉恩疑似「補鑊」的舉動,網民似乎都唔收貨,紛紛留言表示:「其實冇錢咪唔好食,做人底線真係要。」、「恭喜你喎,R著數R到有人識喇!」、「因為世上冇免費嘅午餐,所以轉攻下午茶?」、「R(搲) tea set kol」、「有錢買LV無錢去食Tea,定係連個LV都係R番嚟?」等等。

黃婉恩在其他分享的相片中曾大晒其LV袋,被網民質疑「有錢買LV無錢去食Tea」。
黃婉恩在其他分享的相片中曾大晒其LV袋,被網民質疑「有錢買LV無錢去食Tea」。(圖片來源:[email protected]
疑遭林柏希揞名爆食Tea走數 「港姐十強」黃婉恩被封「R tea set KOL」
(圖片來源:網民留言截圖)
疑遭林柏希揞名爆食Tea走數 「港姐十強」黃婉恩被封「R tea set KOL」
(圖片來源:網民留言截圖)
疑遭林柏希揞名爆食Tea走數 「港姐十強」黃婉恩被封「R tea set KOL」
(圖片來源:網民留言截圖)

林柏希:公道自在人心

事件曝光後,林柏希已將帖文刪除,他在接受傳媒訪問時表示自己發文並非想公審對方,只是希望提醒飲食業或娛樂業界誠信很重要,不要再讓同類事情發生。不過之後林柏希再發文試食餐廳時,又趁機表態指:「一樣米養百樣人,公道自在人心。」並Hashtag「我講事實only」、「由始至終我都無開過任何人嘅名字」。

黃婉恩 林柏希在之後試食其他餐廳時,再度發言表態。
林柏希在之後試食其他餐廳時,再度發言表態。(圖片來源:[email protected]_william)
疑遭林柏希揞名爆食Tea走數 「港姐十強」黃婉恩被封「R tea set KOL」
(圖片來源:網民留言截圖)

黃婉恩 英國碩士畢業

現年28歲的黃婉恩畢業自英國艾克斯特大學碩士課程,原本任職私人銀行助理客戶經理,曾參選2019年港姐,但因不慎弄斷左腳腳筋而被逼退選,到2020年她再戰港姐選舉,曾被指激似高Ling(高海寧),最終她成功打入10強並簽入無綫,成為無綫娛樂新聞台主播及明珠台節目《港生活·港享受》主持之一,近日更開始拍劇,有份參演《青春本我》、《OPM》、《雙生陌生人》等無綫劇集。

黃婉恩現為無綫娛樂新聞台主播。
黃婉恩現為無綫娛樂新聞台主播。(圖片來源:[email protected]
疑遭林柏希揞名爆食Tea走數 「港姐十強」黃婉恩被封「R tea set KOL」
黃婉恩早前曾參演無綫劇集《OPM》。(圖片來源:[email protected]
黃婉恩 黃婉恩畢業自英國艾克斯特大學碩士課程,在2020年候選港姐中學歷最高,但同時也是年紀最大的一位。
黃婉恩畢業自英國艾克斯特大學碩士課程,在2020年候選港姐中學歷最高,但同時也是年紀最大的一位。(圖片來源:TVB發相)
疑遭林柏希揞名爆食Tea走數 「港姐十強」黃婉恩被封「R tea set KOL」
黃婉恩的碩士畢業照。(圖片來源:[email protected]
疑遭林柏希揞名爆食Tea走數 「港姐十強」黃婉恩被封「R tea set KOL」
2020年黃婉恩參選港姐時,曾被爆是立法會議員何君堯姪仔的女友。(圖片來源:[email protected]
疑遭林柏希揞名爆食Tea走數 「港姐十強」黃婉恩被封「R tea set KOL」
黃婉恩曾成功打入港姐10強,但最後三甲不入,當屆冠、亞、季軍分別為謝嘉怡、陳楨怡及郭柏妍。(圖片來源:[email protected]
落選港姐爭崩頭入行!黃婉恩、梁懿婷拋胸大解放
當年由面試開始,黃婉恩已被列入高質組。(圖片來源:[email protected]
落選港姐爭崩頭入行!黃婉恩、梁懿婷拋胸大解放
充滿自信的黃婉恩雖然打入十強後落選,但她坦言盡了全力無悔參選。(圖片來源:[email protected]
疑遭林柏希揞名爆食Tea走數 「港姐十強」黃婉恩被封「R tea set KOL」
早前黃婉恩約友人出海滑水玩樂,以粉藍色三點式泳衣上陣派福利。(圖片來源:[email protected]
疑遭林柏希揞名爆食Tea走數 「港姐十強」黃婉恩被封「R tea set KOL」
黃婉恩曾為參選積極修身。(圖片來源:[email protected]
黃婉恩 日前與友人出海學滑水,期間一度離罩險走光。
在滑水期間一度離罩險走光。(圖片來源:[email protected]

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

讀者留言