黃心穎

回顧黃心穎與男星集郵實錄 集盡中港台韓男神!

最新娛聞

廣告

許志安被爆與黃心穎偷食,回顧過往,一向好鍾意集郵嘅心穎,以前就係借集郵狂畀高帽馬國明戴,偶像前偶像後,成功將宅男馬明收服!不過似乎心穎一直都係以集郵為名,借機與男方親近為實,而歷年被心穎BB集郵嘅男星都真係多不勝數!

撰文:東方新地|圖片:新傳媒圖片庫、黃心穎IG

許志安、黃心穎偷食斷正

該段短片長約16分鐘,片段安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎先送男友人返屋企,心穎搣了安仔耳朵一下,再向男友人爆粗:「你住邊呀?X你!」安仔叫司機把車開去大坑,心穎跟男友人說:「佢(安仔)送我返去呀!」心穎主動蹺實安仔左臂挨在他身上,兩人更用手袋遮掩偷玩十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅!」惟當男友人落車後,安仔和心穎異口同聲跟司機說:「鯉魚門(心穎寓所地點)!」和安仔獨處時心穎先隔口罩咀了安仔一啖,不久索性除下口罩攬住安仔啜嘴。

咀完後,兩人繼續十指緊扣,之後隱約聽到心穎說:「so sad…我好悶…教徒」跟住拉開安仔隻手不再緊拖,安仔惟有順勢將手貼在心穎大腿上,3秒後忍唔住又撩心穎十指緊扣。由大坑到鯉魚門短短10多分鐘車程,期間二人連環激咀逾20次,心穎全程採取「主動」情挑安仔不停攬他狂錫,二人錫了近1分鐘,心穎邊多次把手放在安仔腿部狂摸,其間隱約聽到心穎說:「…返屋企,唔好驚喎!」雖然大部分心穎做主動,但安仔也有回敬心穎錫了她面珠一啖,睇番二人當晚未覺有醉意,兩人到心穎香閨後齊齊落車,後事如何佢哋最清楚!

去年10月,心穎同安仔在大台「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

黃心穎:第一次畀咗馬明

不過自封「集郵穎」嘅心穎BB,喺「集郵相簿」當中集得最多當然係男友馬國明。二人未拍拖時,黃心穎已經常找馬國明拍照,當時黃心穎為馬明劇集客串角色,更留言話:「我的『第一次』拍劇俾咗馬明。」

由「第一次」開始,到成功將宅男馬明收服,心穎BB向馬明集郵次數多不勝數!

向「師奶殺手」埋身

遇上「師奶殺手」陶大宇,當然又要集郵一番!

集齊Big Four

最難得嘅仲係竟然畀佢逐個捉竟然畀佢集齊Big Four四子同佢嘅合照,「集郵穎」嘅集郵功力,真係唔到你唔服!

其他仲有天王黎明、郭富城、曾志偉、容祖兒、李克勤、陳奕迅等等等等⋯⋯

連周杰倫、黃曉明都有,真係集盡中港台!

就連韓國嘅oppa崔始源都成為心穎嘅集郵品之一!

運動界都有,呢個係NBA騎士籃球名將JR史密夫。

女神相比下真係勁少,但都有個王馨平。

讀者留言