38歲黃心美縱容姨甥女踢狗 扯狗毛 網民插爆：全家都變態
撰文、圖片：東方新地、Instagram
可憐黃心美小狗被玩謝
日前，黃心美接連在Iig story上載短片，當中的三條影片中，有一條是姨甥女「豆豆」和其愛犬Muffin同在沙發上。
只見「豆豆」好肉緊，不停用雙腳撐Muffin，被踢了幾下的Muffin便起身離開，而黃心美則在片中留言：「Muffin係超犯賤㗎！」
從數段影片可見，雖然半歲的豆豆未懂性，猛地傷害Muffin，但黃心美非但未見阻止，更拍片強調多次Muffin「犯賤」！旋即被網民群起圍插！
除了連累全家，更有網民建議她由黃心美改名黃心醜，38歲的黃心美縱容姨甥所作非為，養而不教，又難怪惹來眾怒。
而其妹31歲黃心穎被稱「姣穎」亦唔係無原因，去年4月爆出「安心偷食」事件轟動娛樂圈，12月返港後又夜蒲唱K識富二代，不過睇嚟都係人夫最得佢心，早前有傳媒見到佢同泥鯭孖咇買寵物用品，兩人似乎關係唔錯。幾張讀者報料相片又再觸發網民高度關注，更媒體命名為「安心戀泥」……事業未精姣心又起，今次目標係樂隊RubberBand的鼓手泥鯭（黎萬宏）。
黃心穎與泥鯭早於2016年相識
在黃心穎的IG中，只能搵到一張兩人於2016年的大合照，當時黃心穎留言：
「即興九唔搭八組合，想聽嗎？成員包括：泥鯭 Rubberband，On仔 C AllStar，小胡 Yellow，心穎，King C AllStar #一齊jam歌好好玩。」
泥鯭在相中只佔據後面靠邊位置，不知兩人幾時變得friend過打band呢！
黃心穎與泥鯭齊逛寵物店買狗糧
話說黃心穎曾於IG張貼了一收養三隻唐狗的相片，之後旋即有傳媒發布讀者偷拍，指黃心穎同泥鯭一齊去咗寵物店，仲話佢哋一路行一路睇 ，交情匪淺有講有笑。報料人指開頭未能認出黃心穎，只認得出泥鯭，當中黃心穎仲一直用帶姣嘅聲線同泥鯭傾偈。報導所見黃心穎雖然有周圍觀望，可能擔心被人認出；但泥鯭就完全唔低調，明顯欠缺警愓。
其實報料圖輯所見，兩人未有親密接觸，但據報料人繪形繪聲目擊，就已經營造出令人覺得係情侶行街的感覺。
姣婆遇著「失婚」男 一拍即合
有「翻版林海峰」之稱嘅泥鯭，2017年已經同圈外女友求婚成功，當時亦有喺社交媒體上放閃。有傳二人上年已結婚，但泥鯭在回應與黃心穎去街的傳聞時就向傳媒表示，二人去年已經分開，雖然騷過甜蜜鑽戒，但取後唔成婚！泥鯭更向傳媒表示，自己目前係單身。
兩個都單身，難怪一拍即合。
網民抵死回應：林狗終於同蔡一智喺埋一齊喇
