黃瑋琦大開中門騷身材 一鬥前亞姐晒「胸器」！
撰文：東方新地｜圖片：Instagram
黃瑋琦大開中門騷身材
今屆港姐已經塵埃落定，而上屆港姐亦功成身退御任。日前，上年港姐季軍黃瑋琦就趁已御任，去到越南度假放鬆一下個人。心情大好的Emily於個人社交網上載多張度假相，不時又會晒下自拍相，睇見都覺得好relax！
除咗晒自己的靚相外，Emily仲有影下美食，再配個泳池靚景，真係睇到人心情舒暢！
難得可以去旅行度假天朗氣清，Emily就著上火紅色大Deep V泳衣上陣，微微側身的她更不經意展露出深長事業線！
除此以外，Emily亦換上另一套白色一件頭泳衣，實行嚟個與陽光玩遊戲，唔講都睇得出Emily幾咁梳乎！
前亞姐顏子菲晒「胸器」
另一邊廂，前亞洲小姐總決賽亞軍顏子菲亦都唔輸蝕，趁天氣尚熱，亦同樣著上三點式泳衣，影張自拍相，大晒「胸器」！
之前，顏子菲都著過一年寶藍色超Deep V一件頭泳衣，不過同樣是DeepV款式，驟眼睇落就好似Emily著得有睇頭啲喎！
亞姐10位佳麗見傳媒 10個有4個選過港姐？
亞姐競選歷年來停辦過兩次，自2015年起第二次停辦，今年終於再有得睇！今日10位入圍佳麗首度會見傳媒，當中有唔少人都好似熟口熟面，因為有半數佳麗都曾參加過港姐面試或其他選美活動，大家慢慢欣賞～
落選港姐四人組
點解呢四位佳麗特別要影張合照呢？原來佢哋都先後參加過港姐面試，但全部未能入圍，如今再戰亞姐，精神可嘉！佢哋分別係(左起)2號梁雪瑤、3號張靜茵、5號蘇頌筠及9號李芷菱。
10位佳麗逐個睇：
1｜賴嘉瑩
1號賴嘉瑩為香港排球乙組隊伍隊員，仲有個外號叫「翻版姚子羚」，上年參加過選美節目「Miss Amazing 環亞美神大賽」。
2｜梁雪瑤
港姐面試見過佢啦！2號梁雪瑤曾於港姐面試複賽止步，之後回澳洲修讀建築碩士，今年就轉戰亞姐。
3｜張靜茵
3號張靜茵可以話係咁多位佳麗中經驗最豐富，因為佢參加過港姐面試、參加過ViuTV廣告女神，如今再入圍埋亞姐，三大台選美比賽都俾佢集郵咁集齊晒！
4｜張右雨
5｜蘇頌筠
5號蘇頌筠又係參加過港姐面試，佢就話冇特別想參加邊個選美比賽，純粹想接受新挑戰同突破，無論輸贏都係當攞經驗。
6｜張靜婷
7｜溫馨
8｜傅美霖
9｜李芷菱
9號李芷菱參加過2018港姐面試，又參加過2017中國小姐大賽。佢就話自己好鍾意演戲，所以想藉選美完成夢想。
10｜林孜沫
