黃紫恩

黃紫恩自揭中學時代舊相 反差大到被指「女神崩壞」 仲爆埋當「兵」往事

最新娛聞

廣告

繼波波後成為新一代「性女」的黃紫恩(Jojo),中學時代的樣貌原來同現在反差極大,仲曾經有過一段淒「涼」的當「兵」歲月!Jojo日前同胡敏芝(Karen)、吳兆麟(Alan)一齊主持J2節目《不正常愛情研究所》,節目中大家除了以學生Look上陣外,仲各自曬出「真‧學生相」!

黃紫恩 仲好靚女!
黃紫恩早前在節目《冇人性教育》表現突出,大膽的作風受到觀眾的關注,被封為新一代「性女」!(圖片來源:[email protected]

黃紫恩Jojo「不堪回首」真‧學生相曝光

日前第11集《不正常愛情研究所》除了有主持黃紫恩(Jojo)、吳兆麟(Alan)、胡敏芝(Karen)外,同場仲有兩位客席嘉賓主持麥惠琪(Susuca)及文頌男(Koba),該集研究題目為「校園愛情故事」,五位主持齊齊以學生Look上陣,更各自晒冷「真‧學生相」,不過大家的焦點都落在Jojo及 Karen 身上。

黃紫恩 眾人都著校服上陣主持節目。
眾人都著校服上陣主持節目。(圖片來源:TVB提供)
黃紫恩 Jojo話自己中學時代係校花。
Jojo話自己中學時代係校花。(圖片來源:TVB提供)
黃紫恩 Karen同Susuca對呢句說話好大反應!
Karen同Susuca對呢句說話好大反應!(圖片來源:TVB提供)

Jojo自認中學時樣子抱歉

Jojo與Karen中學時一個是「亂髮四眼妹」、一個是「中性無眉娘」,Karen的懶型無眉Look更遭Jojo瘋狂取笑:「你係第一個我哋變性嘅主持人,我終於明白人哋睇我張相嘅感受」,Karen聞言反擊:「Jojo冇資格笑我咯」。雖然二人互相踐踏對方,但實則是誰也搶不了誰的風頭;Alan則由於學生 Look太標青,被Jojo指由「顏值巔峰跌咗落嚟」,場面爆笑。

黃紫恩 原來Jojo中學時個樣同依家爭好遠,不過其實睇真啲,只係副眼鏡爭少少,個樣其實都係清秀嘅。
原來Jojo中學時個樣同依家爭好遠,不過其實睇真啲,只係副眼鏡爭少少,個樣其實都係清秀嘅。(圖片來源:TVB提供)
黃紫恩 Karen中學時期嘅無眉Look就受到猛烈抨擊。
Karen中學時期嘅無眉Look就受到猛烈抨擊。(圖片來源:TVB提供)
黃紫恩 Alan就畀人話愈大愈冇顏值。
Alan就畀人話愈大愈冇顏值。(圖片來源:TVB提供)
黃紫恩 Koba同Susuca就讀書同依家冇乜點變樣。
Koba同Susuca就讀書同依家冇乜點變樣。(圖片來源:TVB提供)

曾被靚仔男同學利用「當兵」

五位主持又輪流自爆讀書時的離奇戀愛經歷,並再次由言行出位的Jojo成功搶焦。自認中學時樣子抱歉、但又雄心壯志專向靚仔男同學示愛的Jojo,曾因癡心錯付「當兵」多年;該名男同學更不止一次利用Jojo追女仔,當中的「借褸」事件更名副其實相當淒「涼」:「我鍾意咗個男同學好多年,但咁多年佢都當我係兵。」

黃紫恩 Jojo話中學時副眼鏡係佢精心挑選㗎。
Jojo話中學時副眼鏡係佢精心挑選㗎。(圖片來源:TVB提供)

難忘借褸淒「涼」事件

Jojo續說:「我記得有一年冬天,我份人最怕凍,我著咗校褸同冷衫返學,然後個男仔突然走埋嚟問我凍唔凍,我以為佢關心我啦,我就話:『你咁關心我,我梗係唔凍啦』,個男仔就話:『你唔凍呀?咁你除件校褸畀我!』跟住我話:『唔緊要,溫暖吓你,我都OK』,咁我就除件褸畀佢,點知佢話:『唔該晒,我隔籬追緊個女仔話好凍,我要拎畀佢著』。」

黃紫恩 Jojo講番中學時「除校褸」當兵嘅經歷,諗起都覺得淒「涼」。
Jojo講番中學時「除校褸」當兵嘅經歷,諗起都覺得淒「涼」。(圖片來源:TVB提供)

Susuca中學被逼公開睇女同學私照

至於Susuca則自爆中學時曾遇上對兩性關係看法隨便的一男一女,就在二人瀕臨分手期間,該名男同學上課Present時,竟意外曝光女方私照及其他女同學們的被偷拍照;當時現場的老師及三十多名同學目瞪口呆,女同學們更被要求逐一檢查皮鞋看看「誰是受害者」。Susuca亦曾試過於午膳期間直擊同學躲藏在無人的已上鎖課室中「偷歡」,並尷尬地數度強調:「我真係唔知佢哋去到咩地步㗎吓!」

黃紫恩 Susuca讀書時間都有唔少離奇嘅親身經歷。
Susuca讀書時間都有唔少離奇嘅親身經歷。(圖片來源:TVB提供)
黃紫恩 其中竟然有被逼喺上堂時公開睇女同學嘅私照。
其中竟然有被逼喺上堂時公開睇女同學嘅私照。(圖片來源:TVB提供)

即睇《不正常愛情研究所》校園生活可以有幾癲:

黃紫恩言論大膽 頂替波波?

現年26歲的黃紫恩於2019年以本名黃芷恩做KOL,出道前她於香港理工大學修讀設計科,畢業後加入TVB後,曾經主持過《#後生仔傾吓偈》、《姊妹淘》等節目。今年她在《冇人性教育》節目表現大膽,令她成功上位,正式入屋,亦正式改名為黃紫恩。節目初期,網民經常將黃紫恩和同期拍檔波波黃婧靈比較,指她名氣比波波遜色。可是隨著黃紫恩於節目中越來越放的表現,加上她時不時在社交網站上傳性感美照大派福利,令她人氣急升大受網民愛戴,足以挑戰波波於TVB中的地位!

黃紫恩 黃紫恩在《冇人性教育》節目表現大膽,令她成功上位,正式入屋。
黃紫恩在《冇人性教育》節目表現大膽,令她成功上位,正式入屋。(圖片來源:TVB《冇人性教育》)

黃紫恩自爆每星期都收到粉絲噁心照片

出道以來一直以性感形象示人的黃紫恩,曾經在訪問中自爆出道後經常受到騷擾訊息,她更表示其中有一名「忠實粉絲」每個禮拜都會發一次噁心照片給她。她笑稱收到這些訊息也不太在意,看一下也無所謂,連面對奇葩粉絲都「Open過人」!

黃紫恩 黃紫恩自爆每星期都收到粉絲私密部位照片
黃紫恩自爆每星期都收到粉絲私密部位照片(圖片來源:[email protected]

黃紫恩經常於IG大曬性感照大派福利「失守」

除了在節目上表現大膽之外,黃紫恩亦經常於社交平台上大曬性感身形,令網民都拍手叫好。年初的時候,黃紫恩曬出了一系列性感照片,其中有幾張更被懷疑失守!近日又上傳了穿三點式的美照大派福利,令一班網民都紛紛留言大讚,成功吸粉!

黃紫恩 黃紫恩經常於IG大派福利
黃紫恩經常於IG大派福利(圖片來源:[email protected]
黃紫恩
(圖片來源:[email protected]
黃紫恩 海邊三點式超性感
海邊三點式超性感(圖片來源:[email protected]
黃紫恩 馮盈盈都讚好!
馮盈盈都讚好!(圖片來源:[email protected]

父母全力支持 無悔主持性教育節目

黃紫恩的大膽作風,令大眾都十分好奇黃紫恩父母和身邊朋友的反應。黃紫恩在接受傳媒訪問的時候表示父母十分贊成自己擔任性 教育節目主持,更大爆父母本身都知道黃紫恩把嘴好Open!家人亦經常看她主持的節目,雖然剛開始會擔心她未能勝任主持一職,但現在都十分放心,支持她繼續做她想做的事。

黃紫恩 自爆父母本身都知道黃紫恩把嘴好Open
自爆父母本身都知道黃紫恩把嘴好Open(圖片來源:[email protected]

黃紫恩私下興趣大反轉

雖然節目上言論大膽出位,但私底下黃紫恩的嗜好竟然係「書法」。今日她將自己上堂學書法的照片上傳到社交平台,更表示自己本身信教,所以喜歡抄經,她更表示抄經的時候能夠讓自己心靈平靜!幕前思想開放的性女竟然喜歡如此靜態的活動,認真估佢唔到!

黃紫恩 幕前做「性女」 私下興趣大反轉
私下興趣大反轉(圖片來源:[email protected]
黃紫恩 支持環保,窗簾布著上身其實唔差!
支持環保,窗簾布著上身其實唔差!(圖片來源:[email protected]
黃紫恩 戰鬥格!
2020年台慶,呢輯由波波做攝影師拍攝。(圖片來源:[email protected]
黃紫恩 2020年台慶,呢輯由波波做攝影師拍攝。
一副戰鬥格出晒嚟!(圖片來源:[email protected]

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

撰文:東方新地圖片來源:[email protected]、TVB提供資料或影片來源:[email protected] USA Official

讀者留言