黎明

黎明55歲生日快樂 天王金句經典重溫

最新娛聞

廣告

黎明貴為天王嘅快將55歲,入行至今超過30年,正所謂「薑愈老愈辣」,黎明就愈來愈有智慧,近呢幾年出席大小場合時都會有金句爆出,唔少都值得深思!

撰文:東方新地 |圖:新傳媒圖片庫

黎明隨心兼隨緣

曾經,黎明講過「好多事情可遇不可求,通常有目的有意識去做都唔會成功,反而隨意去做可能有意外之喜。」黎明唔知係咪抱住呢個隨意嘅心態去「造 」,當年宣布自己當爸爸,並表示「兩個經歷過離婚的人,有機會走在一起已是一種缘份」呢句就啱啱好match番佢以前講過「有無機會拍拖,同見鬼一樣,都係要講緣分嘅!」

黎明
(圖片來源:新傳媒圖片庫)
黎明
(圖片來源:新傳媒圖片庫)

黎明與林海峰爆笑對話

之前黎明搵林海峰(Jan)做演唱會嘉賓,阿Jan就喺社交平台分享番同Leon嘅真實對話,二人妙語連珠,令人捧腹大笑!

J:多謝你邀請我做嘉賓,但係金句王面前我真係唔知噏咩喎?
L:唏jan⋯噏咩,Up to you la 。
J:咁⋯(硬食)好啦,到綵排時我再大概話你聽噏咩啦。
L:唏⋯jan,綵排綵排都不及天意安排啦。
J:(完)

黎明
(圖片來源:新傳媒圖片庫)

黎明金句深入民心

多年來,黎明唔少金句無厘頭之餘又富有幽默的智慧,依家就等我哋一齊重溫!

「攝影記者就好似我爸爸,文字記者就係媽媽,成日催我幾時生,反而真正嘅父母就冇問過,呢啲自然嘅嘢,自然流程有就會有。」

日催夜催終於催到喇,黎明已經做埋老竇,記者「父母」們倍感安慰~

黎明
(圖片來源:新傳媒圖片庫)

「有無機會拍拖,同見鬼一樣,都係要講緣分嘅!」

所以小編到依家都未見過鬼,又未拍過拖……

黎明
(圖片來源:新傳媒圖片庫)

「坎坷過後有艇搭!」

堅呀!情路上波折重重嘅黎明今次真係有艇搭呀!

黎明
(圖片來源:新傳媒圖片庫)

「借錢如送禮,還錢如乞米。」

非常押韻又非常到肉嘅金句之一,相信有借過錢俾人嘅朋友,都會大力點頭同意。

黎明
(圖片來源:新傳媒圖片庫)

「核心嘅外圍係核心嘅內圍」

即係外圍定內圍?相信大部分人同小編一樣都好亂……

黎明
(圖片來源:新傳媒圖片庫)

「我唔可以空肚食早餐。」

呢句話說係來自杜汶澤搞嘅爛Gag,黎明本意是空肚不能食「生冷」的東西,但最後就變咗街知巷聞嘅「空肚食早餐」。

黎明
(圖片來源:新傳媒圖片庫)

「如果魚柳包裏面嘅魚柳變咗就唔係魚柳包。」

話說黎明曾被問髮型點解多年不變,黎明就話自己早年去英國讀書時已經係咁,呢個係習慣,並以魚柳包做例子。

黎明
(圖片來源:新傳媒圖片庫)

「結了就婚(分),注了就冊(撤),喝了就酒(走)。」

係黎明當年同樂基兒離婚後對婚姻嘅新睇法。

黎明
(圖片來源:新傳媒圖片庫)

「如果畀我製造浪漫,我想有一個魔法,可以變走晒啲記者。」

黎明都係想吓好啦,記者朋友們都係搵食啫。

黎明
(圖片來源:新傳媒圖片庫)

「我豁達,所以我唔介意別人說我不豁達。

人哋話黎明唔豁達?冇所謂,因為佢夠豁達。明晒。

黎明
(圖片來源:新傳媒圖片庫)

仲有好多好多,不能盡錄……

  • 「衞蘭肥過部電單車」
  • 「左手又係肉,手背又係肉。」
  • 「有法例之前,都試過醉駕,我飲咗酒揸車叻過平時。」
  • 「最近好多豬流感,創作就係咁,係要有靈感。」
  • 「只有一個方法,就係唔好去諗有咩方法,繼續做,你做到之後就會知道係用咗咩方法!」
  • 「所有嘅美德都可以偽裝,只有修養係內在的。」
  • 「男人嘅魅力來自工作,男人一旦退休離開工作,就已經喪失魅力。」
  • 「唔好理人哋點睇,反正無論你係好人定賤人,都會有人覺得你係賤人。」
  • 「做人做事,踏實好過疊水。」
  • 「飲酒要有酒品,影相要有相品。」
  • 「我一出世便準備做好地球人。」
  • 「我覺得玩風帆同做人一樣,要能屈能伸;同娛樂圈的事業一樣,有起有跌!」
  • 「祝大家今晚開心,有一個開心晚上,將一個回憶放喺database入面。」
  • 「愛情似香檳,開始時有好多氣,飲後會high,可是香檳氣太多,不宜多飲。」
  • 「計不到的,就用猜的,猜一猜最壞有多壞,如果最壞也不是太壞的話,GO。 」
  • 「不少人抽到好簽,四肢健全,智力正常,但應該關懷不幸抽到下下簽的人。」
  • 「當你有一輛保時捷的時候,千萬不要去想自己失去它的日子,因為當你真得失去它的時候,一定有另一個辦法讓你可以生存下去。」
  • 「原則會取締默契,默契會產生更多議題。」
  • 「勇氣呢,就係做一啲平時唔習慣做嘅嘢,但一定要挑戰,挑戰產生樂趣。」
  • 「同時間競賽,會輸雙倍時間,同時間拍拖,會無輸無贏,真正的贏,是我們都忘記了時間!」
  • 「我喺英國讀書時,試過有同學畀支大麻我,我唔要,因為啲錢係爸爸供我讀書嘅,我覺得就算真係要食嘅話,都等將來賺到錢先買。」

讀者留言