黎耀祥梁朝偉演技評價惹熱議網民嘆：演完「柴九」後返唔到轉頭

59歲黎耀祥 VS 61歲梁朝偉網民讚演技好啲係佢

影帝梁朝偉拎咗《第80屆威尼斯電影節》終身成就金獅獎後，成為唔少網民熱討的對象。但竟然有網民喺討論區出post，發起「只講演技，有冇人覺得黎耀祥x打梁朝偉？」的討論，列舉3大理據。首先認為黎耀祥咩角色都carry到，又指「柴九同豬八戒成就理應超越梁朝偉，當年呢兩套都係好x hit，可惜生不逢時」。

黎耀祥梁朝偉 tvb 巾幗梟雄無綫當年《巾幗》口碑收視雙豐收。 — 當年《巾幗》口碑收視雙豐收。（圖片來源：TVB）

網民：梁朝偉拍笑片麻麻

其次又認為梁朝偉拍唔到黎耀祥啲角色「梁朝偉拍唔拍到生化壽屍嗰種x街」「流氓無賴角色梁朝偉輸幾皮啦」「起碼唔覺得梁朝偉做到豬八戒同韓信」最後覺得梁朝偉拍笑片麻麻「梁朝偉做笑片真係唔掂，好格硬」更有網民認為梁朝偉其實真係吹大咗等，討論引起唔少人的負評，笑言只有做基層角色係真係咩角色都carry到。

黎耀祥梁朝偉梁朝偉生化壽屍當年黎耀祥在電視圈已經闖出名堂。 — 視帝黎耀祥當年憑住《西遊記》中飾演豬八戒而為人熟悉，及後勇闖影壇，在《生化壽屍》中飾演爛牙駒的他亦都有極離地的經典對白「搭𨋢啦！前世未行過呀？一樓嚟㗎呢度，行樓梯！」，相信至今仍能引起不少港人共鳴（圖片來源：《生化壽屍》劇照）

黎耀祥梁朝偉梁朝偉黎耀祥相隔24年再度扮演豬八戒，獲讚造型與當年差別不大。 — 黎耀祥相隔24年再度扮演豬八戒，獲讚造型與當年差別不大。（圖片來源：《大夢西遊之五行山》劇照）

黎耀祥氣場輸蝕網民：唔會演到一代宗師

網民就認為黎耀祥演技普通，而且氣場都係一般，指佢喺黃秋生、湯鎮業面前即刻變返3、4線藝人「黎耀祥無主角樣」「完全唔同水平，冇得比」「梁朝偉演笑片都好好睇」「先唔講戲路多係咪等於演技好，掉翻轉黎耀祥都唔會演到周先生同易先生」「黎點都做唔到一代宗師掛」「黎耀祥做市井之徒，小人物最啱佢，同梁朝偉比真係爭太遠，睇下一代宗師個種氣場… 就算尚氣唔出聲一個眼神就贏你九條街」其次有網民認為黎耀祥自從演完「柴九」之後就返唔到轉頭「以前佢仲演電影嗰陣覺得佢好戲，但條演完柴九之後套套都係柴九嚟」