黎諾懿

黎諾懿細仔「小冬牛」出世 重7磅似足哥哥 太太李潔瑩封肚唔追女

最新娛聞

廣告

現時41歲的黎諾懿,與前港姐李潔瑩結婚7年,2017年誕下兒子「小春雞」,自數年前開始黎諾懿已恨生B恨到出口,直言為免兒子孤單,每晚和太太都不設防造人,終於在今年6月生日時宣布追B成功!而今日(10/12),黎諾懿宣布細囝出世,恭喜晒!

文:東方新地|圖:黎諾懿提供及李潔瑩IG

細仔花名「小冬牛」

喺今日較早時間,黎諾懿先在IG分享「一家四口」的太太孕肚全家福,豈料到咗晚上,黎諾懿就宣布細仔出世,太太潔瑩在半山嘉諾撒醫院開刀為他誕下了愛兒,重7磅,母子平安。黎諾懿受訪時表示:「始終第二次啦,其實就冇咁緊張嘅!佢一出世個樣同小春雞細個個樣一樣㗎!我估佢大個都會好似哥哥個樣。同埋佢個乳名叫做『小冬牛』囉!(小冬牛嘅意思係?)大仔就叫做『小春雞』,因為係春天出世嘅雞(生肖),『小冬牛』,冬天出世嘅牛(生肖)!」雖然之前黎諾懿打算湊成一個好字追個女,不過黎諾懿就兩個夠晒數喇,老婆亦準備封肚喇!

太太生完都好精神,fit呀!(圖片來源:黎諾懿提供)
太太生完都好精神,fit呀!(圖片來源:黎諾懿提供)
歡迎你呀「小冬牛」!(圖片來源:黎諾懿提供)
歡迎你呀「小冬牛」!(圖片來源:黎諾懿提供)
小春雞做哥哥喇!(圖片來源:黎諾懿提供)
小春雞做哥哥喇!(圖片來源:黎諾懿提供)
早上先分享完一家四口合照。(圖片來源:IG@lokyilai)
早上先分享完一家四口合照。(圖片來源:IG@lokyilai)

試盡中西「造人」秘方

黎諾懿於2014年11月11日與李潔瑩(Nicole)結婚,3年後囝囝出世,成為新手爸爸的黎諾懿不時在社交網大晒與兒子「小春雞」的溫馨父子互動,不經不覺「小春雞」現時已有四歲大,據知近年黎諾懿嘗試過不少中西「造人」秘方,但就拒絕人工受孕,最後順利為「小春雞」再添一個弟弟!

黎諾懿
李潔瑩家族有接近5億資產,因此黎諾懿與李潔瑩結婚後,被封為「5億駙馬」。(圖片來源:李潔瑩IG)
黎諾懿
李潔瑩曾在07年參選港姐,與張嘉兒、黃智雯、王君馨、趙希洛等同屆,但最終未能打入八強。近年她成為KOL,不時獲邀出席品牌活動,上月她出席活動時,就一直以手臂小心護肚,孕味勁濃。(圖片來源:李潔瑩IG)

當時已踏入38歲陀上第二胎時非常小心,因怕BB「小器」,所以黎諾懿對身邊朋友一律保密,只曾向家族中成員報告喜訊。即使Nicole和朋友們為黎諾懿預祝生日時,就被指面形明顯變得圓潤、腰肢亦變得較粗,而且全程滴酒不沾,也拒食生冷食物。

黎諾懿
今踏入四歲的「小春雞」,中文名為黎峰睿(Lugus)。(圖片來源:黎諾懿IG)
黎諾懿
黎諾懿去年因要拍攝劇集《刑偵日記》,加上受疫情影響,曾表示追B大計要延期,沒想到今年生B願望終於成真。(圖片來源:黎諾懿IG)

相隔四年才成功陀上第二胎,黎諾懿對太太這次懷孕十分小心,據知他原定將於下月返內地拍攝網絡大電影,但為了照顧太太,決定全面停工,全天候陪伴在太太身邊待產。

黎諾懿
黎諾懿和太太一直恨追女,他曾直言太太不想做高齡產婦,而且怕將來年紀太大,無氣力再同仔女玩。(圖片來源:李潔瑩IG)

黎諾懿日前帶同「小春雞」與劇集《BB來了》中的女兒「允豬」在活動上聚首,被問到再「造人」成功一事,黎諾懿回應指這一刻不方便透露,總之有好消息就會向大家公布。

黎諾懿
黎諾懿日前帶同「小春雞」(左三)出席活動,與劇集《BB來了》中的女兒「允豬」聚首。(圖片來源:黎諾懿IG)
黎諾懿
活動上黎諾懿與小「允豬」表現親密,「冧女」冧到出面。(圖片來源:黎諾懿IG)
黎諾懿
「小春雞」亦同「允豬」玩得好Friend,看來「小春雞」都好想有個小妹妹!(圖片來源:黎諾懿IG)
黎諾懿
黎諾懿有份演出的新劇《刑偵日記》將於本月28日開播,他在劇中飾演總督察江政勳,和黃智雯有感情線。(圖片來源:無綫影片截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!