黎諾懿

黎諾懿當年自我膨脹毀前途 承認年少氣盛:以為自己係古天樂

最新娛聞

廣告

入行20年的黎諾懿,當年是「奧運六星」之一,與林峯、吳卓羲、黃宗澤、馬國明及陳鍵鋒齊被無綫力捧,不過他起步快亦跌得快,一直未能攀上事業頂峰,近年憑處境劇《愛.回家》「馬壯」一角才成功入屋。41歲的黎諾懿日前接受無綫娛樂新聞台節目《星光路上》專訪,大談入行多年來的苦與樂。

黎諾懿 黎諾懿接受無綫娛樂新聞台節目《星光路上》訪問,大講當年出道後的經歷。
黎諾懿接受無綫娛樂新聞台節目《星光路上》訪問,大講當年出道後的經歷。(圖片來源:無綫提供)
黎諾懿 黎諾懿放棄做會計師考入藝訓班。
黎諾懿放棄做會計師考入藝訓班。(圖片來源:無綫提供)

黎諾懿曾離家出走

黎諾懿預科畢業後便投身社會做打工仔,自認市儈的他考獲會計牌並順利進入一間銀行總行做會計,但黎諾懿在銀行工作兩年後感到十分苦悶,毅然投考藝訓班,更曾因家人反對而離家出走,自此展開長達 20 年的演藝生涯。黎諾懿入行初期順風順水,藝訓班畢業不久即在劇集《當四葉草碰上劍尖時》擔任男主角,之後更獲安排與林峯、吳卓羲、馬國明、黃宗澤及陳鍵鋒組成「奧運六星」。

黎諾懿 黎諾懿當年受公司力捧。
黎諾懿當年受公司力捧。(圖片來源:無綫提供)
黎諾懿 當年由黎諾懿、林峯、吳卓羲、黃宗澤、馬國明及陳鍵鋒組成的「奧運六星」。
當年由黎諾懿、林峯、吳卓羲、黃宗澤、馬國明及陳鍵鋒組成的「奧運六星」。(圖片來源:無綫提供)

黎諾懿變得目中無人

由於很快備受重用,黎諾懿坦言當年變得目中無人:「嗰時以為自己係古天樂,會朝住梁朝偉、劉德華條路行,當時仲細,冇受過咩挫折。」升得愈快、跌得愈痛,當時不少人將「奧運六星」作比較,黎諾懿被批是六子之中星光最黯淡一位,後來更被調去兒童組。由天堂跌落地獄,黎諾懿更指曾因此大鬧藝員科:「佢哋叫我不如去兒童組訓練吓,之後我直情反枱,我諗住做劉德華架嘛,點解要入兒童組?高層話周星馳都做過兒童組,我覺得呢句嘢好銀耳,人哋係未紅時做,但我係調番轉喎,有冇諗我感受?」

黎諾懿 黎諾懿一出藝訓班就被安排在《當四葉草碰上劍尖時》擔任男主角。
黎諾懿一出藝訓班就被安排在《當四葉草碰上劍尖時》擔任男主角。(圖片來源:無綫提供)
黎諾懿 當年官仔骨骨。
當年官仔骨骨。(圖片來源:無綫提供)

黎諾懿感懷才不遇性情大變

黎諾懿形容自己調了去兒童組後,變成「暴龍」四處發人脾氣,更曾因一件小事爆粗鬧爆工作人員,黎諾懿回想起這件事感到相當慚愧,他說:「好想同佢講唔好意思,嗰次之後學識咗對人唔應該咁樣,性格決定命運,個人性格有問題,回想番以前真係太暴躁。」直到入行第十年,愈做愈冇癮的黎諾懿打算做回老本行之際,卻參與了改變一生的節目《舞動奇蹟》。

黎諾懿 黎諾懿被調去兒童組,為此大感不悅。
黎諾懿被調去兒童組,為此大感不悅。(圖片來源:無綫提供)
黎諾懿 黎諮懿兒歌都要唱埋。
黎諮懿兒歌都要唱埋。(圖片來源:無綫提供)

遇上生命中第二重要的女人

零舞蹈底子的諾懿,坦言當時參加節目只是玩票性質,但因遇到好拍檔金晨,將他心態徹底改變,他說:「嗰時場場都差唔多淘汰邊緣,之後金晨搵我合作,我畀佢嗰份熱血『撻』番著我。我每日私下練習 16 個鐘,維持咗 4 個月。」可惜在一次練習期間,黎諾懿不慎受傷導致骨折,但因不想拖累金晨,他決定負傷頂硬上,最終竟與金晨齊齊奪得冠軍,他憶述說:「冠軍對我嚟講唔重要,最重要係搵番入行時嘅初心,金晨係除咗老婆之外,對我人生好重要嘅女人。」

黎諾懿 黎諾懿非常感謝內地女演員金晨當年對他的支持與幫助。
黎諾懿非常感謝內地女演員金晨當年對他的支持與幫助。(圖片來源:無綫提供)

棄人仔返港等機會

《舞動》令黎諾懿在內地爆紅,但他沒有留在內地發展,並選擇回港接拍處境劇《愛.回家》,最終「馬壯」一角更令他成功入屋,他說:「我到今時今日都唔知自己有冇揀錯,我覺得喺內地得,冇理由喺香港唔得。『馬壯』呢個角色,我想擺漫畫元素入去,好似最接近神嘅男人係來自《聖鬥士星矢》,好慶幸觀眾係鍾意。」在人生低潮期,黎諾懿除了上了人生寶貴一課,亦令他看清圈中真.好友。

黎諾懿 黎諾懿終於憑處境劇《愛.回家》「馬壯」一角成功入屋。
黎諾懿終於憑處境劇《愛.回家》「馬壯」一角成功入屋。(圖片來源:無綫提供)
黎諾懿 黎諾懿在劇集《隨時候命》遇上對他影響深遠的知心友鄭伊健。
黎諾懿在劇集《隨時候命》遇上對他影響深遠的知心友鄭伊健。(圖片來源:無綫提供)

黎諾懿感激遇見伊健

黎諾懿與鄭伊健因合作劇集《隨時候命》成為好友,他慶幸在低潮期有伊健陪伴,他說:「有咗家庭之後,發現朋友花時間陪你,已經好好。有一年我生日加上失戀,佢叫我去佢屋企,由 14 號玩到 16 號,不斷叫朋友嚟陪住我,呢啲朋友邊度搵!」黎諾懿大讚伊健擁有赤子之心,對所有人都相當重情重義,他說:「無論高低起跌,佢對任何人都冇變過,佢成日講『希望要放喺自己度,唔好放喺人哋度』,係我近呢幾年嘅座右銘。」

黎諾懿 黎諾懿與鄭伊健情如兄弟。
黎諾懿與鄭伊健情如兄弟。(圖片來源:無綫提供)
黎諾懿 黎諾懿於14年與07年落選港姐李潔瑩結婚,17年大仔黎峰睿小春雞)出世,去年12月宣布再誕下二子黎奕辰小冬牛)。
黎諾懿於14年與07年落選港姐李潔瑩結婚,17年大仔黎峰睿(小春雞)出世,去年12月宣布再誕下二子黎奕辰(小冬牛)。(圖片來源:IG@lokyilai)
黎諾懿 黎諾懿擁有美滿家庭,非常樂意做湊仔公。
黎諾懿擁有美滿家庭,非常樂意做湊仔公。(圖片來源:IG@lokyilai)

去片!睇黎諾懿五音不全「卡拉之星」

請留意3分40秒開始,黎諾懿與吳幸美於04年的《歡樂滿東華》合唱 〈問誰領風騷〉。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:無綫提供、IG@lokyilai