龔嘉欣

影響拍攝進度晒冧!龔嘉欣 「生蛇」焗停工休養

最新娛聞

廣告

香港人工作繁忙生活忙碌,尤其是名人明星,工作不定時壓力又大,免疫力容易變差,一個唔覺意隨時「生蛇」(醫學上稱帶狀疱疹感染)!好似蕭正楠、陳慧琳、林保怡同顏卓靈也曾深受其害, 除了會紅腫爛肉嚇親人,又要食抗病毒藥控制。如果病情嚴重,分分鐘會眼盲或耳聾,唔講得笑!而龔嘉欣(Katy)近日自爆患上俗稱「生蛇」的帶狀疱疹,仲被迫要停工㖭⋯

撰文:東方新地 |圖片:新傳媒圖片、龔嘉欣ig

龔嘉欣 「生蛇」焗停工休養

龔嘉欣(Katy)近日同姚子羚、黃子恆飛咗去馬來西亞拍攝新一輯飲食節目,仲品嚐當地特產榴槤,但唔知係咪太忙冇時間休息,今日佢喺社交網自爆患上俗稱「生蛇」嘅帶狀疱疹,暫時要停工休養一排,並為影響工作進度而致歉。Katy話已經睇咗醫生,上載咗自拍照同一堆藥物嘅相報平安。

對不起,因為身體狀況影響了拍攝,我已回到香港,看了醫生,確定是’生蛇’,醫生說需要靜靜休息一段時間。謝謝在我生病時候照顧我的同事,也希望大家都多注意自己身體,可以的睡多點,休息多點,放鬆一點 😊
龔嘉欣(@kungkaty)分享的貼文 於 張貼

佢留言話:「對不起,因為身體狀況影響了拍攝,我已回到香港,看了醫生,確定是『生蛇』,醫生說需要靜靜休息一段時間。謝謝在我生病時候照顧我的同事,也希望大家都多注意自己身體,可以的睡多點,休息多點,放鬆一點。」

不用我説 也知道誰最Chok 🤪 太搶鏡頭了!好!這回合你贏 !@hubertwu @elaine_yiu @hugo628 #星級健康5 #crazyguys
龔嘉欣(@kungkaty)分享的貼文 於 張貼

蕭正楠生蛇 一掂就痛

蕭正楠當年趕拍《翻生武林》嘅同時,又要為《巨輪II》宣傳,太忙長期唔夠瞓下搞到抵抗力下降,成個背脊生晒蛇!蕭正楠話當時背脊有啲痛,隔兩日仲愈生愈多,要食抗生素控制,而且拍攝時要就住傷口,否則一掂到就會痛!甚少請假的蕭正楠曾經痛到要停廠一晚休息,難怪女友黃翠如都大感心痛﹐除咗介紹醫生畀男友,翠如媽咪仲煲埋愛心蟲草湯畀未來女婿飲!

 

陳慧琳生蛇 右手花晒

其實唔少藝人都試過「生蛇」,好似陳慧琳Kelly喺14年自爆「生蛇」,佢話因為細個曾經生過水痘,體內剩番少少菌引致「生蛇」。當時右手手心同右臂都有大大笪紅印,嚇到坐隔離嘅古天樂即刻彈開!

陳慧琳話佢黐晒膠布,在家中亦會着長袖衫,所以肯定唔會傳染俾老公同兩個囝囝喎!

顏卓靈生蛇 背脊留疤

24歲的顏卓靈當年日忙夜忙宣傳電影《狂舞派》,同時亦要應付考慮,結果壓力爆煲。當時Cherry背脊又痕又痛,以為只係只係皮膚敏感,自把自為搽類固醇,反而令病情惡化,現時背脊仍留有疤痕,着露背裝都要用厚粉遮住!

林保怡「蛇粒」纏腰

2010年時,林保怡自爆腰間突然生了一堆粒粒,初時以為被蝨咬,但試過各種止痕方法都冇用,過一排更開始痛,粒粒仲生到去身前。當時同林保怡一齊拍電視劇《讀心神探》的田蕊妮都見過對方有幾痛苦,好彩最後食藥可以控制到,大約兩至三個星期即完全康復!

延伸閱讀:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!