Regen張惠雅

?妹樣變翻版楊思琦 Regen張惠雅 秘技變靚

最新娛聞

廣告

前Hotcha成員 Regen張惠雅 最近成為醫學美容公司代言人,新一輯廣告中見到一向?妹味重嘅Regen不再平平無奇,擁有高鼻、尖下巴兼豐滿上圍,啲女人味出晒嚟,望真啲仲同楊思琦撞晒樣!Regen就表示唔係第一次俾人話似思琦,否認整容,只係日子有功,自己一啲秘技幫助唔少!

Text-Arika Photo-新傳媒資料庫、Regen張惠雅@IG

Regen張惠雅 突然變靚

昔日「Hey! Hey! 跟我擺」嘅女子組合Hotcha在三年前拆夥,曾經係成員之一嘅 28歲 Regen張惠雅 現時係無綫藝人,不過星途未見有太大起色。近日Regen成為醫學美容公司代言人,廣告中見到Regen突然唔同晒,鼻子高高、圓鼻變尖,之前面型較圓、兩頰有明顯baby fat,但依家下巴尖尖。連本來沒甚睇頭嘅上圍都升Cup,輕鬆谷出事業線!

延伸閱讀:

進軍飲食界 唐詩詠 王浩信 一拍即合開cafe

藐同性做咪霸 劉佩玥 麥明詩直播開火

 

 

 

 

否認隆鼻疑雲

Regen解釋話自己只係做咗骨膠原療程,無整容,而自己都未接受到植入式美容。下巴尖咗只係年紀大肌肉緊咗,加上勤做運動所造成。對於隆鼻疑雲,佢就笑言話如果係就兩年前做咗,因為當年佢撞車撞至鼻骨碎裂,變成歪鼻,當時有做矯形手術,但無要求醫生順便整高個鼻。

 

 

秘技豐胸

另外Regen直認自己上圍確實變大,不過係靠中醫所學嘅穴道按摩,已經幫自己按摩一年,Cup數雖不變,但明顯更豐滿。佢笑稱如果成功升Cup數,要將按摩方法發揚光大,等Regen讀完中醫,學有所成,甚至可以開班教授穴位豐胸法呢!

 

 

 

 

直認似思琦

對於同楊思琦撞樣,Regen直認二人的確似樣:「都唔係第一次俾人話似思琦,好多時俾人眼甘甘咁望住。」佢話似嘅位係同思琦一樣有酒凹,只係身材不夠對方好,而佢見到思琦會直呼「家姐」。思琦之後接受訪問都話二人「好似Twins」,大家都有燦爛笑容同酒凹。Regen、思琦都有唱過歌,不妨考慮合夥出歌出鏡喎!

 

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!