戀講嘢｜193郭嘉駿自爆最難忘前女朋友是謝安琪熟人 被狠飛日日爆喊
廣告
ViuTV清談節目《戀講嘢》於2021年8月24日首播起請到無數女嘉賓大爆戀愛史，為了慶祝播出第100集，特意邀請到謝安琪（Kay）做嘉賓，昨晚（2日）的一集謝安琪反客為主做主持兼追問193（郭嘉駿）的戀愛經歷，問到見慣大場面的193口啞啞！
193曾一星期換一個女友
謝安琪坐在主持位置上，訪問嘉賓身份的193，問他有沒有比較難忘的前度，193表示前度的數字數也數不清：「中學嗰陣拍散拖，一星期拍一次拖，所以真係數唔到，真係唔記得！」主持之一的郭奕芯隨即把握機會問個飽：「你拍拖會做啲咩㗎，係唔係同所有人都做晒親密行為？」193即表示無辜：「梗係唔係啦！我個人好合法㗎！拖埋手、有錫錫，好出奇咩？年青人係咁㗎啦！」
193最難忘被前女友狠飛
之後193又表示，自己的前女友之中有一個是謝安琪身邊的熟人，當時兩人於英國留學時認識：「我哋拍咗半年、幾個月，分手係因為當時鬧交嗰啲，當時我都唔知點解，我係會死纏爛打叫佢唔好分手，求佢，去佢屋企附近等！」他坦言身邊的朋友都向他必表示不解，質疑這個女朋友憑什麼：「當時讀緊大學，18、19歲，其實我係一整年冇拍過拖，因為係佢講分手先，被人飛多數都會好hurt，我嗰排係咁聽周杰倫嘅失戀歌，每日都聽到喊！」
入行後重遇前度 原來係謝安琪身邊熟人
他表示與這位前度分手之後一直沒有再聯絡，而中間亦有再與其他人拍拖，直到他入行成為藝人之後再次與她相遇：「有一次拍劇，你（謝安琪）嚟客串，我一直都冇見到佢，因為我個人比較高，亦都好高傲，所以我唔係好望人，拍完嘢突然間有人走過嚟『喂』，我即刻縮一縮，然後諗點解佢會喺度，然後夜晚收到個DM，佢話『而家見到你咁樣，我都開心，恭喜你！』」他表示當時覺得對方很好，但最後都因為面子問題沒有回覆她：「當年你飛我，而家？我梗係唔出聲！」
193因謠言怕咗謝安琪
193坦言，曾在記者口中聽到謝安琪身邊的人曾數落過他，因此他初時很怕謝安琪：「我以前見到你覺得好尷尬唔夠膽出聲，因為我知有人成日數我，仲講到我分手打佢，可能娛樂圈以訛傳訛！」謝安琪隨即表示「冇聽講過」，又笑言193終於有機會為自己平反，193馬上表示認同：「我其實一直好介意呢件事，我都冇咁做過，唔好屈我啦。」
撰文：東方新地圖片來源：ViuTV影片截圖
