無綫早前宣布今年9月
香港小姐選舉停辦一年,其後又改口話「復辦」,先以「網上真人騷」形式進行。正式面試今早展開,一大早未夠九點眾候選佳麗親身到無綫電視城進行「首輪」面試,參賽者現真身,環肥燕瘦在將軍澳康城站上大會專車直達電視城面聖,之後再正式與記者會面,一共78人,場面虛冚。
撰文:東方新地
頂頭大熱狀態弗
78位面試佳麗中,23歲嘅廖慧儀(Jesica)身高168cm成為大熱之選,現職空姐除咗樣子甜美,仲喺YouTube拍片教人做gym,片段更相當惹火!佢上年大學畢業後就投身做空姐,更兼職做模特兒同瑜伽教練。
疫情下嘅港姐面試,78位靚女除下口罩施展渾身解數,由到達集合地點開始,就要打醒十二分精神,上次就話網上初見面,遮遮掩掩睇唔清,今次面對面見真章,天使與妖獸乜都現晒形。報得名參加當然覺得自己有條件,今年質素都算係咁,睇吓仙女級組別先。
仙女級別
23歲何曼珊(Rosann)任職護士,青春迫人個樣好似唐寧。
美國FDA認證 激光生髮頭盔
-
美國amazon鎖量及評價No. 1
-
香港用家真實試用 8週後效果已經顯著
-
每週使用3次、每日25分鐘 髮量明顯增加
立即選購資料由客戶提供
有樣有身材仲有長腿,27歲Phoebe被睇高一線。
擁有九頭身似足吳佩慈的美少女今年23歲,名叫陳楨怡(Selina)。
賴琪媛(Ivy)20歲眼大大好精靈,入圍真係唔難。
之前在網上受矚目嘅22歲郭柏妍(Rosita)係碩士生,有樣有學歷。
吳秀明(Tabi)今年26歲,有條件但擺甫士有娘味。
Yancy大方得體,評判應該好buy。
24歲的連佳麗(Kelly),連個名都注定要參選港姐做佳麗,樣同身材都好標青,被指似梁小冰。
鄘靜汶今年26歲,係上屆港姐黃嘉雯朋友,有一定質素。
23歲的侯嘉欣(Michelle)係英國留學生,網上面試時已信心十足。
蔡少蝶,清純之選。
二等佳麗
最省鏡嗰批幾乎清一式著白色衫為自己增仙氣,亦有一班次一級嘅平傭之選佳麗,唔好氣餒呀!執吓可能有機㗎!
美國留學的梁懿婷(Sonia)樣子甜美,今年22歲青春無限。
擁有健康膚色的Ceci笑容燦爛,絕對是黑馬人選。
葉芷澄係年紀最細的佳麗,今年17歲,仲係一位學生。
27歲黃浩恩黑黑實實,肌肉身形一睇就之係運動之材,健康之選。
白雪雪佳麗黎秀嫻(Hanna),今年23歲。
這位23歲佳麗姓陳,英文名Jessica,在城大讀經濟學。
27歲的Jessie Cheung 在今年的面試佳麗中年紀稍為大,但她實力平均,信心十足。
譚佩兒Pearl今年26歲,職業係攝影師。
Amber譚煦凝26歲,眼大大身形細細粒,有啲泰妹feel。
Rosanna睇上去唔多起眼,不過笑容可恭,甚有親和力。
妖獸都市組
眼睛去完旅行,係時候睇啲睇完要洗眼嘅貨色,去得參選港姐當然係覺得自己非常非常之索啦,相信妖獸都市組別嘅佳麗點都唔會畀啲評語打擊到嘅!
23歲yuki,面無血色都算喇,佢解釋話自己化咗淡妝。喂呀!男人嚟嘅!
個樣平凡到喊都算喇!佢一身造型同髮型想點先?返去等消息吧啦!
21歲嘅Jenny冇樣冇身材,但有勇氣。
26歲尹樂怡,屋企啲鏡應該畀佢照爆晒!
關幸敏,25歲,佢話自己係廣東人,血盆大口加額頭粒大孖瘡,真係好搶fo。
現年21歲嘅Chole,曾於英國修讀文學,以透黑bra參加面試,碌髀異常粗壯。
23歲嘅Lulu同現場記者講:唔好當我Lulu !搞笑冇分加㗎!
Tracy,25歲,現為國泰空姐,佢話因為近期工作量較少所以參選港姐,咁嘅質素真係有啲發夢,不如正正經經搵份兼職做吓啦!
郭君瑤19歲,喺美國讀心理學,點解個樣似39?
面試場地成日有阿嬸同大媽行錯路亂入,呢位應該都係蕩失路多,實Q麻煩帶佢出去!
長髮姑娘身形都纖瘦,可惜個樣…….睇落有幾分似黃韻詩,呢!黑玫瑰傳人呢!
Natalie22歲係一位學生,sorry!真係唔知點形容!
Jenny小姐,你係咪來自德成㗎?
2020年度港姐首輪網上面試
陸浩明以標榜筍工去介紹參選港姐,大讚「港姐」呢份工係絕世筍工,既可彈性上班時間、可以環遊世界、可以識好多人、年薪千萬等,無論你係多倫多定肯亞,都可以透過視像面試,只要你係17-27歲,就可以劃破地域界限,截止日期更由原本的6月21延至6月26日。
昨晚首輪兩小時面試,每組三至四位候選人通過視像面見評委無綫高層余詠珊和杜之克。
好波之人:賴彥妤
第一組囡囡,比較亮眼的賴彥妤妤熟口熟面,除參選過中華才藝小姐,且出演過不少大片,本身愛騷身材。
賴彥妤曾贏得2014年中華才藝小姐香港區季軍,推出過寫真集,其後參演電影《寒戰II》、《賭城風雲II》等電影,並擔任NowTV飲食節目主持及無綫《有樓萬事足》任嘉賓。
大熱空姐廖慧儀係「健美版楊秀惠」
廖慧儀及周美善均為空姐,只係疫情關係暫時停工,兩人各有捧場客。
陽光氣息十足的廖慧儀,貌似楊秀惠,更應要求企後俾觀眾睇全身相。
廖慧儀與男友在youtube放片教健身,身材健美。
換上性感裝束亦見知性美態。
「翻版超蓮」梁懿婷vs「大鼻阿梅」候嘉欣
第三組候選人,有被指似何家千金超蓮的梁懿婷、純純兔源菲然、濃妝出事候嘉欣及愛狗之人蔣宜穎。
梁懿婷被陸浩問到被指似何超蓮,即hi爆話超開心,且粉絲上身讚爆超蓮冇架子熱心事業乜乜乜,但似唔似就見人見智啦… 其ig超多旅遊照,sell乜?梗係靚景兼富貴生活啦!
阿梅被余詠珊考起
候嘉欣一出場就知妝容出晒事,後被余詠珊問:「邊個同你化妝?」候以尷尬笑容補救謂:「我平時唔係太化妝,可能今日唇膏深色咗又畫咗眉…」化到阿梅咁,實在出事。
妖獸都市「自信組」
三人一組被無綫界定為「自信」組,顧名思義「自信十足」,齋睇相都已經寒一寒。
被喻為「大鼻祖藍」的許舒喬,在德洲會見評委,陪跑居多。
來自四川的謝易,長到腰的頭髮頗嚇人,雖然有高學歷但享受做臨記生活,剛在悉尼做過梁朝偉做反派滿大人的Marvel電影《上氣:十環幫的傳奇》臨記,更大爆偉大氣場大,六人團隊跟身,而且勁爆靚仔。
20歲新移民等考dse的盧海虹,一身大媽娘味,不過對答得體補足。
海外佳麗精選「露墊咖啡師」陳慧欣二度參選
三位來自海外的佳麗陳慧欣、方頌琪及劉映沂,當中以橙紅bikini照已先聲奪人,之後更以紅色低胸裙現真身,頗為養眼,而現年26歲的她原來去年已參加過港姐,惜五十強止步。
陳慧欣今年再接再勵,正在夏威夷做咖啡師的她,表現信心十足。面試期間亦不慎露胸墊。
U20組
顧名思義U20組囡囡都under 20歲,個個活力十足青春無敵,其中黎卓童亦有粉絲專頁。
「嫩版陳自瑤」緊身背心黎卓童 170cm
直播面試時穿著緊身白背心的黎卓童,19歲目前在香港城市大學修讀工商管理學,鏡頭前看起來非常纖瘦,亦被余詠珊問到點解咁瘦,佢解釋疫情期間食得健康又行山,不過其實她擁有170cm高,且笑容甜美,要入圍唔難。
19歲黎卓童的網上自拍,五官甚似YoYo陳自瑤。
17歲的葉芷澄 – 麥明詩接班人?!
年紀最小的參賽者為17歲的葉芷澄,清純可愛,但信心十足,她的偶像是10A港姐冠軍麥明詩,面試期間對答得體,獲不少人讚賞。
活力十足的U20組別出場,已離巢無綫的師姐麥明詩都有留言讚好!
仲有其他參選佳選,總有一位啱你心水!
呢位就係當晚勞苦功高的主持人陸浩明,期待第二輪結果。