錢嘉樂

360秒人生課堂|錢嘉樂呻動作演員轉型最困難:拍《獎門人》似行刑

最新娛聞

廣告

由主持林盛斌(Bob)主持的節目《360 秒人生課堂》請來幾位龍虎武師,分享影視作品製作背後,「無名英雄」的各種辛酸,而大師兄錢嘉樂就表示,從動作演員轉型才是最困難,形容當年加入《獎門人》感覺似「行刑」。

錢嘉樂是成功轉型的例子。
錢嘉樂是成功轉型的例子。(圖片來源:TVB提供)

錢嘉樂加入《獎門人》初期好難受

做得龍虎舞師,叫佢哋做動作就話專業啫,要平時連鏡頭都唔畀望、保持低調嘅佢哋做節目搞氣氛就頭痕喇!當年錢嘉樂獲曾志偉賞識幫手轉型,加入《獎門人》做主持被要求配合搞氣氛,原來由動作演員改風格的過程令他非常難受:「曾志偉先生畀機會我,嗰時每次拍《獎門人》都係行刑咁、喺千幾人面前講嘢好似受難。但如果你將困難當係磨練,把刀磨利咗之後你又多一樣嘢。」

錢嘉樂可以話係第二代獎老,陳小春冇撈之後由佢頂替。
錢嘉樂可以話係第二代獎老,陳小春冇撈之後由佢頂替。(圖片來源:《獎門人》截圖)
錢嘉樂亦都有擔任幕前演員嘅工作,TVB劇集《封神榜》的楊戩二郎神)一角相當經典。
錢嘉樂亦都有擔任幕前演員嘅工作,TVB劇集《封神榜》的楊戩(二郎神)一角相當經典。(圖片來源:《封神榜》截圖)

錢嘉樂點名讚幕後女英雄

錢嘉樂亮相《360 秒人生課堂》,主要原因是為了勉勵一班同業。正所謂識英雄重英雄,節目中擔任特技演員長達 21 年的周穎箖(慧慧)原來都有段「洋蔥歷史」。小時候因為家人欠下過百萬巨債、年紀小小便幫忙看檔做小販,也因而練出好身手:「廿幾架車一齊走鬼,為咗唔畀人拉,我試過擒水渠二樓跳入後花槽,又試過跳山坡匿埋。」未幾小販生意捱不下去,慧慧放棄學業,並在花樣年華之齡「瘋狂打工」,短短五年內幫媽媽還清債務:「我每日打兩份工、瞓三個鐘,嗰五年不停遇到好多挫折,但我同自己講,條路直行有乜咁好玩,彎曲啲我老咗行嘅路可能更順。」

錢嘉樂
(圖片來源:TVB提供)

周穎箖(慧慧)還完債再受重挫

天意弄人,好不容易捱過債務難關的慧慧之後竟再遇重擊:「十三歲嘅妹妹突然患腦積水爭啲死,我同媽咪崩潰咗,不停問點解,反而細妹冇問點解,佢永遠做完手術都話:『我冇事呀』,佢令做家姐嘅我更加要努力。」

錢嘉樂 慧慧曾為無數女演員擔任過動作替身
慧慧曾為無數女演員擔任過動作替身。(圖片來源:TVB提供)

慧慧入行受盡冷眼

由於行業內甚少女性,加上慧慧入行時白紙一張,她坦言曾遭受不少冷眼,但剛強的她偏偏愈戰愈勇,並以實力贏回應有尊重。「有一次我要碌一條好窄、好直同好斜嘅樓梯,我要喺樓梯度向前滾、去到中間再打側身碌出花園,嗰度大約廿幾級樓梯。當然我做動作前有諗清楚應該點做同點保護自己,我記得一嗌 action 我毫不猶豫咁碌出去,差不多去到尾,突然之間『嘭』一聲,我有少少休克,但意志叫我做埋落去,只要未聽到 Cut 都要繼續演,呢個係我哋專業,我碌完後現場好多人拍手讚好。」原來慧慧當時撞到頭兼血流如注,不過她最終還是再三確定鏡頭順利拍好後才安心入院,相當敬業。即使八號風球仍堅持到公園鍛鍊身手的慧慧,坦言堅持背後其實是珍惜:「生老病死冇得揀,但如果我哋揀到自己鍾意嘅工作,就要珍惜。」

錢嘉樂
(圖片來源:TVB提供)

慧慧拍攝電影《旺角黑夜》多謝錢嘉樂

謙虛又感恩的慧慧,最後逐一感謝多年來遇過的恩師,此時其中一名恩師錢嘉樂突然現身,令慧慧感動至哭成淚人。原來慧慧當年拍攝電影《旺角黑夜》時因毫不錫身舉動惹來錢嘉樂敬佩及關注:「有幕大逃亡戲有個妓女畀人追嗰時,離地飛起再撻落地嘅,現場冇嘢墊嘅,前後拍咗八次。嗰時嘉樂哥第一次識我,就話好嘢、呢個女仔有熱誠,之後佢嘅戲都一定有我份。」

錢嘉樂
(圖片來源:TVB提供)
錢嘉樂
(圖片來源:TVB提供)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB提供、《封神榜》截圖、《獎門人》截圖