譚凱琪

38歲譚凱琪晒孕照公布有喜 曾憂感染肺炎做深喉測試

最新娛聞

廣告

38歲譚凱琪今年三月與富二代莊日宇(Enrico)結束八年愛情長跑,有傳雙喜臨門,不過當時人立即否認,其後又突然辭演並向無綫請大假,更被影到休假期間肚凸凸行街。Zoie終於在IG貼孕照公布喜訊,目測懷胎超過五個月,Zoie更透露因呼吸困難及咳嗽,一度懷疑感染新冠肺炎而去做深喉測試,幸好結果是呈陰性,緊張媽媽旅程現正開始﹗

撰文、圖片:東方新地

早前才把婚照公開的譚凱琪,相隔兩星期便公開靚到絕的孕照,繼續在戶外拍攝走唯美風格。
早前才把婚照公開的譚凱琪,相隔兩星期便公開靚到絕的孕照,繼續在戶外拍攝走唯美風格。

譚凱琪同閨密陳凱琳同期大肚

譚凱琪被影到肚凸在家姐及老公旁住出街,但當時人仍以未有消息宣布為由回覆,三月升呢人妻的 Zoie終於公布即將升呢人母,她在IG貼出唯美的孕照,Zoie更透露因身體不適、呼吸困難、容易疲倦、有幾聲咳而恐自己感染新冠肺炎,而去做了深喉測試,幸好結果是呈陰性,並得知這些身體上的變化全因懷孕初期的症狀,才放下心頭大石,把喜訊公告天下。Zoie又發表即將為人母的感受:「看著肚子一天比一天大,食量一天比一天多,走路一天比一天慢,體重一天比一天增加,慢慢感受到你的存在,有種莫名奇妙的感動,這段時間我會加倍小心,以後我亦會盡量最大努力去保護你,因為你的一切將成為我的一切」Zoie的好姊妹陳凱琳同期懷孕,唔知仔定女呢?唔知可唔可以對親家呢?

老公繼續玩低調,只以剪影上鏡,二人頭貼頭,老公攬腰好sweet。
老公繼續玩低調,只以剪影上鏡,二人頭貼頭,老公攬腰好sweet。
譚凱琪即將為人母,充滿喜悅貼「一家三口」照公布喜訊。
譚凱琪即將為人母,充滿喜悅貼「一家三口」照公布喜訊。
譚凱琪在家練琴,趁機胎教。
譚凱琪在家練琴,趁機胎教。
大肚Zoie無時停,紛紛趁這段休假時跟朋友茶敍,最近同Miki歎下午茶。
大肚Zoie無時停,紛紛趁這段休假時跟朋友茶敍,最近同Miki歎下午茶。
譚凱琪因拍劇而同陳凱琳成為閨密,日前為陳凱琳慶祝生日,兩位閨密同期大肚,特別開心。
譚凱琪因拍劇而同陳凱琳成為閨密,日前為陳凱琳慶祝生日,兩位閨密同期大肚,特別開心。

譚凱琪搏殺期突推《 BB大晒》一劇

譚凱琪曾揚言婚後會繼續幕前工作,不會引退做少奶奶,不過夫家卻另有想法。男家錫到佢燶,幾年前Enrico父母已經催婚想抱孫,仲想Zoie婚後專注湊B享福唔好再捱得咁辛苦,不過Zoie見喺無綫個勢幾好,好多監製都畀機會佢上,所以想畀多少少時間自己搏殺,Enrico都想Zoie開心,所以有共識遲啲先結婚,因為Zoie想喺40歲前生B,唔想做高齡產婦,佢哋結婚係結得好急,亦有傳已經造人成功,因為未夠三個月怕小器唔講得,咁啱咁橋Zoie為《 BB大晒》試咗造型都唔拍,又推埋另一套劇,大肚之說就更加似層層啦!」

譚凱琪於今年3月與富二代莊日宇在港舉行簡單而隆重的婚禮,完婚後發相公布喜訊,不過老公正面欠奉,繼續保持神秘感。
譚凱琪於今年3月與富二代莊日宇在港舉行簡單而隆重的婚禮,完婚後發相公布喜訊,不過老公正面欠奉,繼續保持神秘感。
停工安胎幾個月,譚凱琪精神狀態甚佳,孕肚漸漸現形,目測似有了四、五個月。
停工安胎幾個月,譚凱琪精神狀態甚佳,孕肚漸漸現形,目測似有了四、五個月。
受到不少監製賞識的譚凱琪劇接劇,2月中新劇《 BB大晒》試造型時她亦在場,到3月開鏡拜神角色已被陳自瑤取代,她解釋要處理家事而向公司請大假。
受到不少監製賞識的譚凱琪劇接劇,2月中新劇《 BB大晒》試造型時她亦在場,到3月開鏡拜神角色已被陳自瑤取代,她解釋要處理家事而向公司請大假。
這日由莊日宇負責揸車,載住譚凱琪由畢架山寓所去到黃埔海逸,身穿吊帶連身裙的譚凱琪披上絲巾,腳踏平底涼鞋,孕味甚濃,
這日由莊日宇負責揸車,載住譚凱琪由畢架山寓所去到黃埔海逸,身穿吊帶連身裙的譚凱琪披上絲巾,腳踏平底涼鞋,孕味甚濃,
在黃埔會合大家姐譚凱欣後,譚凱琪俯身收拾車廂時,凸肚非常顯現。
在黃埔會合大家姐譚凱欣後,譚凱琪俯身收拾車廂時,凸肚非常顯現。
其左手中指還戴住老公所送的四卡鑽戒。
其左手中指還戴住老公所送的四卡鑽戒。

為老公傳宗接代不介事暫別娛圈

今年2月宣布接拍《 BB大晒》時,譚凱琪仍未放風要嫁人,短短一個月時間,她已向無綫提出辭演,到三月中新劇舉行開鏡儀式,角色已由陳自瑤頂上。對於被指雙喜臨門,譚凱琪只承認因有家事要請幾個月大假而推辭兩部劇,她暗示暫時不透露太多,望大家明白,並表示面對新冠肺炎肆虐全球,也只能多留在家中防疫。知情者透露:「今年絕對係Zoie豐收嘅一年,除咗《降魔的2.0》同《飛虎之雷霆極戰》,佢仲有兩套劇拍咗未播,對於佢嚟講,依家放低事業走去生仔等於前功盡 廢, 不過佢都要為自己幸福著想,為老公傳宗接代都係人生中重要嘅事,Zoie都鍾意小朋友,早年有幫家姐譚凱欣湊B,佢仲係陳凱琳囝囝契媽,玩得B多佢都心癢癢想自己生番個啦!近年Zoie同Enrico都有晒心理準備,隨時二人世界變三人行。」

這日有老公及家姐陪住外出,譚凱琪刻意打扮心情靚,無論正面定背面看,腰腹及下圍都發福
這日有老公及家姐陪住外出,譚凱琪刻意打扮心情靚,無論正面定背面看,腰腹及下圍都發福
落車時她拉起裙腳以防踩到,非常小心,家姐譚凱欣即上前幫手。
落車時她拉起裙腳以防踩到,非常小心,家姐譚凱欣即上前幫手。
一行三人去中環 Soho區搵食,落車後譚凱琪與家姐譚凱欣拖到實,當日兩姊妹更周圍街拍,譚凱欣其後把一張靚相上載微博,已年過四十的她完全唔識老,仲好索!
一行三人去中環 Soho區搵食,落車後譚凱琪與家姐譚凱欣拖到實,當日兩姊妹更周圍街拍,譚凱欣其後把一張靚相上載微博,已年過四十的她完全唔識老,仲好索!
這日莊日宇為譚凱琪準備了一部專業相機,兩姊妹入到餐廳不停互影。
這日莊日宇為譚凱琪準備了一部專業相機,兩姊妹入到餐廳不停互影。

譚凱琪凸肚現身記者會孕味甚濃

今年三月舉行過簡單而隆重的婚禮後,譚凱琪一直停工安胎鮮有露面,據知因為疫情關係要萬事小心,譚凱琪亦乖乖避炎,至5月27日疫情稍為放緩,她現身公司安排的宣傳記者會,身穿桃紅色闊身裙全程戴上口罩,只露出纖幼四肢,腹部明顯隆起,腰肢亦硬繃繃,有晒孕婦懷孕前期的徵兆。有說女人陀仔係人生中最幸福的日子,結婚生仔好比一條不歸路,繼好姊妹陳凱琳之後,譚凱琪即將成為下一個母憑子貴,生完再生無限期絕跡幕前嘅女藝人。

上月底譚凱琪返無綫出席一個記者會,全程戴口罩絕不掉以輕心,身穿極闊身的連身裙,可見懷孕後腰部已失去線條。
5月底譚凱琪返無綫出席一個記者會,全程戴口罩絕不掉以輕心,身穿極闊身的連身裙,可見懷孕後腰部已失去線條。
譚凱琪因拍劇與陳凱琳、龔嘉欣及沈卓盈組成「少婦聯盟」,結果三年嫁三個,只剩下龔嘉欣未嫁。
譚凱琪因拍劇與陳凱琳、龔嘉欣及沈卓盈組成「少婦聯盟」,結果三年嫁三個,只剩下龔嘉欣未嫁。
而陳凱琳更兩年抱兩,身為契媽的譚凱琪每次見契仔都愛不釋手,並不時向陳凱琳取湊仔經。
而陳凱琳更兩年抱兩,身為契媽的譚凱琪每次見契仔都愛不釋手,並不時向陳凱琳取湊仔經。
在《飛虎之雷霆極戰》中演的社團大家姐姜姐亦好有氣勢,令她人氣急升。
在《飛虎之雷霆極戰》中演的社團大家姐姜姐亦好有氣勢,令她人氣急升。