After Class

After Class自爆學業成績 炎明熹姚焯菲墊底 學霸鍾柔美有意繼承家族生意

最新娛聞

廣告

After Class由炎明熹(Gigi)、姚焯菲(Chantel)、鍾柔美(Yumi)及詹天文(Windy)組成,日前她們到商台接受DoDo姐鄭裕玲訪問,四個女仔被問到要同時兼顧歌唱事業與學業,會唔會影響學業?眾人自爆學業成績,炎明熹同姚焯菲原來海軍鬥水兵,讀書最叻反而係歌精舞勁的鍾柔美。

After Class各有所長

After Class成員炎明熹(Gigi)、姚焯菲(Chantel)、鍾柔美(Yumi)及詹天文(Windy)上《口水多過浪花》接受DoDo姐訪問,讓大家深入了解各人的性格,DoDo姐問After Class中誰是隊長?雖然沒有官方委任,但大家都一致推舉炎明熹,不過炎明熹就指四人各有所長,經常互補不足。

After Class After Class齊人上電台接受DoDo姐訪問。
After Class齊人上電台接受DoDo姐訪問。(圖片來源:[email protected]_do_cheng)
After Class DoDo姐覺得炎明熹表面成熟,內心卻是一個想法好獨特的小女孩。
DoDo姐覺得炎明熹表面成熟,內心卻是一個想法好獨特的小女孩。(圖片來源:[email protected]叱咤903)

炎明熹自認唔係讀書材料

After Class講到在學校的讀書成績,異口同聲表示想考入大學,不過事與願違,炎明熹坦言自己讀書成績不是特別好:「以前覺得想似媽咪咁樣,去做護士幫助其他人,但係都要有好成績先可以考護士,我發現我連嗰個水平都掂唔到,非常之尷尬。我應該冇一科係最叻,最差係數學。」

After Class 四為一體的After Class全部都是中學生。
四為一體的After Class全部都是中學生。(圖片來源:[email protected]
After Class 炎明熹入行後被指前途無限,但她卻希望做護士。
炎明熹入行後被指前途無限,但她卻希望做護士。(圖片來源:[email protected]

姚焯菲最叻科學

姚焯菲自爆與炎明熹一樣,數學科最差,不過她最叻是科學,又指自己讀書成績平均只有7、80分,仲笑說:「咪就係畀數學分拉低咗!」四人中只有鍾柔美的讀書成績OK,不過成績對她來說並唔緊要,因為鍾柔美對做生意好有興趣,將來好大機會打理家族生意,她說:「喺呢個圈唔知將來可以行到幾遠,我屋企人係開髮型屋,都知佢哋辛苦,將來都想幫手。」而正在讀中四的詹天文就覺得自己普普通通,讀商科的她說:「成績係中等偏高,我都有補習。」

After Class 讀國際學校的姚焯菲自言最叻是科學,最渣是數學。
讀國際學校的姚焯菲自言最叻是科學,最渣是數學。(圖片來源:[email protected]
After Class 鍾柔美有家底,讀唔讀到書都好,都會繼承家族的髮型屋生意。
鍾柔美有家底,讀唔讀到書都好,都會繼承家族的髮型屋生意。(圖片來源:[email protected]

靠模仿唱大人歌

對於被DoDo姐指年紀少少缺乏感情經驗,如何駕馭情歌,姚焯菲表示會聽多些別人的歌,沒有拍拖經驗就憑幻想去唱,炎明熹說:「聽多啲其他歌手嘅唱法,有時都要靠模仿。」

After Class 姚焯菲與詹天文年紀輕輕,但好多時在唱歌方面都表現得好成熟,原來在演繹情歌時她們會憑幻想模仿。
姚焯菲與詹天文年紀輕輕,但好多時在唱歌方面都表現得好成熟,原來在演繹情歌時她們會憑幻想模仿。(圖片來源:[email protected]_dy_)

去片!睇After Class上《口水多過浪花》

After Class四位成員歌藝與聲線都不一, 早前她們灌錄新歌〈要為今日回憶〉要用同一個Key,減去個人特色,炎明熹說:「好似我嘅歌有啲哭腔,但錄呢首歌時就唔可以用呢個腔去唱。」

撰文:東方新地圖片來源:[email protected]_do_cheng、[email protected][email protected][email protected]資料或影片來源:[email protected]商業電台

讀者留言