AK哥哥睇完演唱會IG打卡 公然狂踩MIRROR隊友被鬧爆唔識尊重

AK哥哥公然取笑Anson Lo

AK哥哥在IG轉載一段Anson Lo的SOLO片段，相信是他的友人所拍攝，皆因有tag到AK哥哥的IG帳號，友人以「馮素波」來稱呼Anson Lo，而AK的哥哥不但轉發，更回應稱「真係好似海賊王入面嘅鑽石人！」雖然AK哥哥的IG只有2千幾名followers，但都是一個公開帳號，而且更有個藍剔，再加上Anson Lo都是親細佬的隊友，AK哥哥的網上言論火速在網上流傳，而且更引起「神徒」不滿：「真係好唔尊重人」、「話晒都係AK團員」、「好冇禮貌」。未知是否因為引起公憤，該限時動態現已被刪除。

Anson Lo閃石戰衣由著名形象設計師陳華國設計

AK哥哥所取笑的該套「鑽石人」閃石戰衣，其實由著名形象設計師陳華國（Kenneth）所設計訂造，不規則及縷空設計的設計，再加上每一寸均以人手釘上閃石，華麗非常舞台效果滿滿，令教主的S形曲線若隱若現。另外，Kenneth經常為藝人及演唱會服裝設計造型，如哥哥張國榮、周慧敏等巨星，由演唱會、舞台劇、粵劇至電影戲服均有涉獵，其作品遍布娛樂圈，是圈中數一數二的著名設計師。

AK哥哥跪低道歉

被鬧爆唔尊重後，AK哥哥即刪除該限時動態，並回覆某粉絲表示自己一時大意非常抱歉：「等我解釋一下先，馮素波就真係我粗心大意，如果我見到就一定〇會轉發，這都是我會del post的原因，呢啲係我問題，我願意承擔責任，你哋要怪就我好啦。」

至於被指嘲Anson Lo是鑽石人，他解釋指，自己由小到大都非常欣賞這角色：「鑽石人方面，或者我講解下鑽石人由來因為我由細到大都睇海賊王有個好似鑽石一樣堅強，佢呢套衫令我換咗喺呢個童年嘅回憶，而且佢真係跳得好好睇，令到你又誤會，希望可以解答到你，亦都希望令你可以開心返。」

AK哥哥都有抽Edan水

除外，AK哥哥嘲笑Anson Lo的下一個限時動態為轉發影片，影片內容為Edan擔任演唱會彩蛋環節的片段，當時他分享了一個有關拍電影前的小朋友媽媽患癌症的故事，由於Ambrose正職為保險顧問，因此猜測他甚有感觸：「尋日聽完呢個彩蛋，心諗佢係咪想寫保險，不過真心好感動。」

AK哥哥再於IG公開道歉

眼光事件發酵得越來越大，AK哥哥於IG發文：「 係時候到我公開解畫啦，首先澄清第一樣嘢，本人對AL就冇任何惡意，真心欣賞佢既表演表現，真係精彩的。其次鑽石人在我心目中係一個非常正面嘅角色，佢忠心而且堅強，相信有睇過海賊王頂上之戰都會明白。再深一層既解說，每一粒鑽石都係獨一無二既存在，代表住純結同堅硬；第三因為牽涉到另一位娛樂圈嘅前輩（意指馮素波），所以最後都係決定DEL POST會比較適合。」

他亦解釋自己並非取笑Edan：「另一方面首先再次澄清，本人對EDAN 十分欣賞，絕對沒有半點恥笑之情。其次岩布仙尼係佢自己講的，我更沒有取笑成份。『保險』二字對我而言，除咗係我嘅職業之外，喺我眼中都係愛與責任，我絕對唔認為呢一樣嘢係個貶義！而佢面對緊嘅果種無法控制無法改變的無力感，係我經常需要面對嘅一個唔好受既情緒。所以昨晚係現場的我，真係好感觸有好深感受，我好有共鳴感。我都忍唔流咗一滴眼淚。所以如果有任何誤會，誠心抱歉。」

AK哥哥大婚 上台獻唱《感激我遇見》

2年前AK的哥哥結婚，AK不但擔任兄弟團，更上台為一對新人獻唱鄭伊健的《感激我遇見》，台下的大哥感動到抺淚，大嫂就拎手機無停過影AK，台下賓客全湧往台邊拍片影相！其後一對新人上台，大哥更與AK相擁，場面感人又溫馨。演唱完後有人嗌Encore，AK即搞笑表示：「好喇！食雞！多謝大家！」之後AK更成為眾賓客的集郵對象，但他都有一一滿足大家要求，表現勁親民。