Alton王智德

Alton@MIRROR粉絲後援會突然宣佈解散 千字文狂呻:無法繼續承受精神折磨

最新娛聞

廣告

MIRROR成員Alton(王智德)於9月21日正日生日,日前有大批粉絲替他舉行生日會之餘,其粉絲後援會更在在尖沙咀美麗華廣場中舉行生日應援展覽。不過到今日(24日),Alton粉絲後援會突然宣佈解散,更在社交平台發佈千字文狂呻近兩個月來不斷受到精神上的折磨!

Alton@MIRROR粉絲後援會突然宣佈解散

MIRROR成員Alton粉絲後援會今日(24日)突然在社交平台貼出解散公告,後援會成當初成立後援會是為了「貢獻自己的力量去協助Alton得到最大的支持,以及集合有熱情有才能的蛋白粉一起去處理繁重的應援工作。」雖然一直以來每次都盡力去檢討和改善,但卻一直受到各方的謾罵。他們指由8月初開始,Admin Team一直面對著「無休止的嘲弄、背叛、抹黑甚至攻擊」。為了後援會各位Admin成員的精神健康和Alton的未來發展著想,後援會決定在2023年9月30日正式停止營運Alton粉絲後援會。

alton Alton@MIRROR粉絲後援會突然宣佈解散。
Alton@MIRROR粉絲後援會突然宣佈解散。(圖片來源:[email protected]
alton 明明前幾日先搞完生日會。
明明前幾日先搞完生日會。(圖片來源:[email protected]
alton Alton仲好開心。
Alton仲好開心。(圖片來源:[email protected]

大批粉絲留言反擊:Admin胸壓後攬自己粒仔點計?

解散公告一出,立刻引來多位Alton粉絲和MIRROR粉絲留言,雖然有部分粉絲感激粉絲後援會Admin一路而來的付出,不過更多的是對Admin團隊的批評,指後援會幹部團隊早在解散前做出多樣過火行為,現在卻企圖用「解散粉絲後援會」來淡化事件:「勁哥(Alton)回港接機時Admin胸壓後攬自己粒仔又點計?」、「辛苦你地接機個日就算德仔 開 到 聲 話 唔 駛 攬,都繼續攬住德仔又摸膊頭又掃背❤️真係好辛苦」。有粉絲們認為後援會解散得太倉促,影響粉絲們之餘又影響到Alton:「齋睇文字真係以為蛋白粉抺黑又盛,唔明點解件事發展到咁仲可以咁不負責任,只係做咗幾個月就解散,仲無啦啦解散埋我哋會籍」、「錢銀搞到唔清唔楚就潛水,問多兩句唔解釋就解散,點解可以咁無責任感」等。

alton 有粉絲指粉絲會Admin們經常「自肥」
有粉絲指粉絲會Admin們經常「自肥」(圖片來源:Alton粉絲TG群組截圖)
alton
(圖片來源:網民留言截圖)
alton
(圖片來源:網民留言截圖)
alton
(圖片來源:網民留言截圖)

Alton粉絲後援會解散千字文如下:

Alton粉絲後援會Admin團隊長時間受到無休止的謾罵:

現任Admin Team的組建初衷是為了貢獻自己的力量去協助Alton得到最大的支持,以及集合有熱情有才能的蛋白粉一起去處理繁重的應援工作。儘管Admin Team每次都用盡全力去處理應援,但應援過程中的表現及部分安排未能盡如人意。每次盡力聆聽意見、嘗試檢討、尋求不同方法改善,得到的卻是更多謾罵,亦讓我們認為不論以任何方法去處理現狀都是徒勞無功。

從2023年8月初至今,將近2個月時間,Admin Team每日面對著無休止的嘲弄、背叛、抹黑甚至攻擊,但仍在此巨大的壓力下,強忍心中的難過,去完成生日應援這個重大任務。全因團隊不想辜負Alton與大眾對生日應援的期望,更不想讓慈善服務對象失望,這亦是團隊的責任所在。

現在已來到生日應援的尾聲,Admin Team已無法繼續承受此等精神折磨。面對無理指控及歪曲事實而作出的回應無法得到大家的信任;面對網絡攻擊卻因角色問題無法反擊,只能默默承受;昔日熱衷幫忙的helper公開割席、洩漏內部資訊;生日展覽商討過程被公開並用作指罵原因等,實在令團隊痛心疾首,無以名狀。

為了團隊的精神健康決定解散後援會:

我們和大家一樣只是普通人,會驚慌、會難過、會失望,甚至絕望,最近發生的種種,已經為團隊各成員帶來無法修復的傷害,身心受創,更影響到正職、家人及身邊朋友。為了團隊成員的精神健康、Alton的未來發展、蛋白粉圈的風氣,團隊只能懷著沉重的心情,在此正式向蛋白粉宣佈:Alton Wong International Fan Club – Admin Team將於2023年9月30日完成最後一個生日慈善項目後正式解散,AWIFC亦會相應停止營運。希望我們的離去,可以讓蛋白粉軍團恢復昔日的和平氣氛,討論的重點亦可以回到Alton身上。

如有蛋白粉有意組建新Admin團隊,請於2023年9月27日或之前電郵至 [email protected]

解散後的後援會會務安排:

餘下會務的安排,公佈如下:
▪️營運費用:AWIFC備用資金全數用於生日應援項目,正式完成結算後,如入不敷支,Admin Team成員將自行補貼;如幸有盈餘,將捐助慈善團體。
▪️AWIFC物資:如有慈善機構需要,會直接捐贈。
▪️付費會員安排:將以電郵方式通知會員有關安排。
▪️其他未列之事項,將於IG中公佈,如Alton Day Community Project 2023後續事宜。

早前大家對Admin Team的理性及非理性批評,團隊已全數接收。但抱歉實在有口難言,我們未能作出回應。此刻,事情已到了臨界點,從今天起團隊只會專注處理餘下的會務,請大家不要再浪費時間及精力在團隊身上,祝福大家日後安好。

感謝各位蛋白粉過往對AWIFC的支持及諒解。

再見,不再見。

Alton出道5年半紅不黑 難得拍劇被指演技差

MIRROR成員Alton王智德自出道以來一直被稱為MIRROR「下弦」,早前難得被安排與ERROR阿Dee何啟華、李敏等人擔正出演《大誠實家》。不過當時不少網民都在討論區批評Alton演技尷尬,演技毫無進步之餘,與好戲之人李敏仲要一啲都唔夾!

alton Alton在《大誠實家》中飾演一名不會說謊的誠實社工,與同樣飾演社工的李敏有感情線。
Alton在《大誠實家》中飾演一名不會說謊的誠實社工,與同樣飾演社工的李敏有感情線。(圖片來源:ViuTV《大誠實家》截圖)
alton 雖然今次已經係Alton第四次拍劇,但網民依然對佢嘅演技唔收貨
雖然今次已經係Alton第四次拍劇,但網民依然對佢嘅演技唔收貨(圖片來源:ViuTV《大誠實家》截圖)

網民恥笑Alton造型似許冠英

此外,除了Alton在《大誠實家》的演技遭受到批評之外,連在劇中的爆炸長髮造型都被網民恥笑。不少網民指出Alton在劇中的造型太似大媽,令人難以入戲之餘,亦有網民直指其髮型似許冠英:「成個許冠英咁」、「個髮型真係有啲似許冠英」、「個死人大媽頭真係搞唔掂」等。

alton 原本半長髮的Alton,在劇中變成爆炸頭,被網民恥笑為「大媽頭」
原本半長髮的Alton,在劇中變成爆炸頭,被網民恥笑為「大媽頭」(圖片來源:ViuTV《大誠實家》截圖)
alton 仲話同許冠英好似樣添!
仲話同許冠英好似樣添!(圖片來源:ViuTV《大誠實家》截圖)
alton
(圖片來源:Youtube@環星音樂 / 環星娛樂 WSM Music HK 截圖)
alton
(圖片來源:Youtube@環星音樂 / 環星娛樂 WSM Music HK 截圖)

Alton拍節目為浪浪善終慘被取笑騰雞

ViuTV去年5月播出由MIRROR成員王智德(Alton)主持的《勁騎26》,其中一集訪問駕駛電單車四出送流浪動物最後一程的「浪浪送行者」,當時Alton親身上陣處理流浪動物屍體。「浪浪送行者」拍攝後出帖文表示感動:「平時會怕污糟嘅Alton,去到求助現場時候係完全可以克服到佢心理障礙,而且仲主動落埋好多蟲嘅河幫手。」不過早前網上卻流傳兩名「浪浪送行者」負責人背後取笑Alton的對話,Alton也先後在IG Story及開live回應事件。

alton mirror 「浪浪送行者」回應取笑Alton錄音。
「浪浪送行者」回應取笑Alton錄音。(圖片來源:IG@altonwongz)
alton mirror Alton在MIRROR的表現未見突出,但勝在人緣好,更與Lokman和阿Dee合作開泰國餐廳。
Alton在MIRROR的表現未見突出,但勝在人緣好,更與Lokman和阿Dee合作開泰國餐廳。(圖片來源:IG@altonwongz)
alton mirror 「浪浪送行者」在社交網貼出拍攝第二部份之後的群組對話截圖。
「浪浪送行者」在社交網貼出拍攝第二部份之後的群組對話截圖。(圖片來源:fb@浪浪送行者)
alton mirror Alton為浪浪善終,卻慘被恥笑。
Alton為浪浪善終,卻慘被恥笑。(圖片來源:IG@altonwongz)

Alton被故意為難取出屍體

節目播出一年,突然有人於社交網爆出疑為「浪浪送行者」兩位義工阿峰和Sammi的對話錄音,對話中兩人嘲笑Alton處理屍體時非常「騰雞」,又故意為難Alton,指示他用更困難複雜的方法取出膠袋內的流浪狗屍體,對話中一把男聲表示:「最搞笑呢,係嗰隻狗呀,我哋拎咗隻狗上會所呀嘛,我畀把鉸剪佢,(叫佢)嚟呀,拆開佢呀。嘩!佢老X驚到呀!直情將隻腳離隻狗三尺遠,跟住將個身烏前,鬨埋去剪索帶拎出嚟。跟住我其實唔教佢,我冇直接叫佢剪爛個袋,我要佢慢慢拎返出嚟。」

alton mirror
(圖片來源:ViuTV《勁騎26》截圖)
alton mirror 早前流出「浪浪送行者」負責人取笑Alton的錄音。
早前流出「浪浪送行者」負責人取笑Alton的錄音。(圖片來源:網上圖片)

Alton被嘲「佢夾硬谷啲眼淚,好X流」

流出的對話更嘲笑Alton假喊:「佢真係格硬谷出嚟啲眼淚,好X流。」Alton又被指責倒漂白水落屍體態度厭惡,「佢驚啲漂白水好熔岩咁,個Mode,你都係踩吓漂白水有屍蟲啫,X,有乜分別啫,你行幾行已經冇嘢㗎啦。嘩佢擘到大字馬,跟住烏前,拉筋咁個樣倒落去,X佢老X,驚有毒咁樣,其實都幾X肉酸㗎!」此時疑為Sammi的女聲附和,指Alton似乎怕弄髒自己,Sammi靠近時驚慌大叫,該女聲嘲諷道:「以為我要掂落佢度呀嘛!」

alton mirror 當時Alton在節目訪問浪浪送行者兩位負責人。
當時Alton在節目訪問浪浪送行者兩位負責人阿峰和Sammi。(圖片來源:ViuTV截圖)

指責Alton怕污糟

對話中該男聲透露似乎當時故意向Alton噴水,又指責Alton怕污糟:「最搞笑真係,佢根本就覺得好污糟、好X驚。跟住最大反差係咩呢,我踎咗喺隻狗隔離噴水,好X近距離。」又形容Alton拆袋厭惡到似換屎片:「佢拆一個袋已經係好臭嘅樣,擰埋一面,跟住再慢慢拆,再擰埋一面,好似你換屎片咁嘅樣,你幫你個仔換屎片,你擰埋一面咁嘅樣呢!跟住我同大佬望住佢,(問佢)你冇嘢呀嘛?快啲啦,催X佢。」

alton mirror
(圖片來源:ViuTV《勁騎26》截圖)
alton mirror
(圖片來源:fb@浪浪送行者截圖)
alton mirror
(圖片來源:fb@浪浪送行者截圖)

「浪浪送行者」為取笑Alton錄音致歉

日前浪浪送行者出文,更有之後的對話截圖,當中沒有否認曾錄音取笑:「我哋係唔會否認無講過,因為呢個係確實當時嘅感覺, 而呢個錄音,只係錄咗喺當時嘅admin group,包括我同峰,只有4個人。而其中一個admin 係因為自身行為唔良好,在任浪浪送行者其間不停私約女義工,最後喺不能容忍下,被揭發。及後自行離隊。是次公開內部極其私密既錄音,司馬昭之心,路人皆見。」指流出錄音的是離隊的前拍檔。

alton mirror 取笑錄音在Alton的粉絲群組流出。
取笑錄音在Alton的粉絲群組流出。(圖片來源:[email protected]截圖)

Alton唔收貨:點為之道歉,見仁見智

說到指Alton扮喊,浪浪送行者回應中指:「我同峰對Alton 在拍攝完結後,即1月10日後,先因為見到佢嗰份真而翻看佢喺全民造星1時嘅所有片段,及佢有在YouTube上曾經分享過同其他MIRROR成員打機片段,演唱會片段,先加深咗了解到當日Alton,唔係扮喊,而係強忍緊眼淚。在此,因為錄過嘅音致歉。」就此事,昨日Alton在IG story發文:「我係話,的確係有人解釋返”時間點”嘅,但至於私下有無道歉,點為之道歉,見仁見智,唔討論。」

alton mirror Alton Alton雖標纖自己是隱形成員,但他相信團內每位成員缺一不可
Alton雖標纖自己是隱形成員,但他相信團內每位成員缺一不可。(圖片來源:IG@altonwongz)

Alton開live回應:我係咪有特權、唔可以笑呀?

昨日Alton開live有談及事件:「有好多人討論我、企喺支持或唔支持我呢邊,用咗我用咗出發點,去咗講Alton本身係有潔癖㗎啦。大家都可能用咗本身對我嘅認識,做一個前設,然後再做任何嘅回應。咁但係,亦都有另一批人用咗我公眾人物呢個身份,就覺得,我係咪有特權、唔可以笑呀?係咪就唔可以咁樣對佢呀?我覺得大家用咗我做出發點,而我覺得係唔恰當。」

alton mirror Alton認為焦點應回到為浪浪善終的初心。
Alton認為焦點應回到為浪浪善終的初心。(圖片來源:ViuTV《勁騎26》截圖)

Alton「無論做成點都好,都應該係要支持」

Alton認為焦點應回到為浪浪善終的目的:「我覺得嗰件事係好有意義,嗰件事就算唔係我做嘅,可能嗰個係老人家、陳小明張大文,甚至係黃伯,佢哋去做可能都做得好出色,可能都做得好騰雞,好多甩漏,亦都可能做得好專業,但無論做成點都好,但都應該係要鼓勵,無論做成點都好,都應該係要支持。」

alton mirror Alton為事件感到唔開心。
Alton為事件感到唔開心。(圖片來源:IG@altonwongz)

Alton為事件覺得有少少唔舒服

Alton指自己點解會覺得有少少唔舒服:「係因為我好支持呢件事,我覺得大家對動物關注﹐呢件事係好有意義,我唔想有誤會。唔好抹煞咗一件好事嘅發展。我係有收到當事人嘅訊息嘅,佢係有解釋返件事嘅時間點,詳情同其他公開資訊一樣,我冇必要喺度公開回應。我希望大家快啲繼續過住開心愉快嘅生活囉,然後集氣囉,希望《勁騎》有第二季。但嗰件事係好㗎,大家唔好俾呢件事情影響到。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@altonwong、ViuTV《大誠實家》截圖、[email protected]